ବର୍ଜ୍ୟବସ୍ତୁ ପରିଚାଳନାରେ ଦକ୍ଷତା ବୃଦ୍ଧି ପ୍ରଶିକ୍ଷଣ ଓ ବଡା ଖାନା କାର୍ଯ୍ୟକ୍ରମ – ହିଞ୍ଜିଳିକାଟୁ

ଓଡ଼ିଶା ତାଜା ନ୍ୟୁଜ (୨୩ ନଭେମ୍ବର ସୋମବାର) ହିଞ୍ଜିଳିକାଟୁ  :-ଗଞ୍ଜାମ ଜିଲ୍ଲାର ଏକମାତ୍ର ପୌର ପରିଷଦ ଭାବେ ହିଞ୍ଜିଳିକାଟୁ ସହରକୁ ମାନ୍ୟତା ପ୍ରଦାନ କରାଯାଇଛି।ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିଜ ନିର୍ବାଚନ ମଣ୍ଡଳୀର ଉକ୍ତ ପୌର ପରିଷଦକୁ ଏକ ନୁଆଁରୂପରେ ଗଢି ତୋଳିବା ସହ ଏକ ସ୍ୱତନ୍ତ୍ର ସ୍ଥାନ ଅଳଙ୍କୃତ କରିବା ଲକ୍ଷ୍ୟରେ ବିଶେଷ ପଦକ୍ଷେପ ଗ୍ରହଣ କରିଛି ସ୍ଥାନୀୟ ପୌର ପ୍ରଶାସନ।ସ୍ୱଚ୍ଛ ଓଡିଶା, ସୁସ୍ଥ ଓଡିଶା ଯୋଜନାରେ ସ୍ୱଚ୍ଛ ସର୍ବେକ୍ଷଣ-୨୦୨୧ରେ ସଫଳତା ହାସଲ ନିମନ୍ତେ ସହରର ସ୍ୱଚ୍ଛତା ପ୍ରତି ବିଶେଷ ଗୁରୁତ୍ୱ ପ୍ରଦାନ କରିଛି ହିଞ୍ଜିଳିକାଟୁ ପୌର ପ୍ରଶାସନ।ଏହି ପରିପ୍ରେକ୍ଷୀରେ ସଫେଇ କର୍ମଚାରୀ,

ସ୍ୱଚ୍ଛ ସାଥି ଓ ସୁପରଭାଇଜରଙ୍କୁ ନେଇ ରବିବାର ଦ୍ଵିତୀୟ ପର୍ଯ୍ୟାୟ ବର୍ଜ୍ୟବସ୍ତୁ ପରିଚାଳନାରେ ଦକ୍ଷତା ବୃଦ୍ଧି ପ୍ରଶିକ୍ଷଣ ଓ ବଡା ଖାନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ପୌର ପରିମଳ ଅଧିକାରୀ ଅଭିଜିତ ପୁରୋହିତଙ୍କ ତତ୍ତ୍ୱାବଧାନରେ ଉକ୍ତ କାର୍ଯ୍ୟକ୍ରମ ଆୟୋଜିତ ହୋଇଥିଲା।ପୌର ନିର୍ବାହୀ ଅଧିକାରୀ ଡ଼. ମନୋରଞ୍ଜନ ସାହୁ ଅଧ୍ୟକ୍ଷତା କରି ସଫେଇ କର୍ମଚାରୀ, ସ୍ୱଚ୍ଛ ସାଥୀ ଓ ସ୍ୱଚ୍ଛ ସାଥି ସୁପରଭାଇଜର ମାନଙ୍କ କଣ କଣ ଭୂମିକା ରହିଛି ସେ ସମ୍ପର୍କରେ ଆଲୋକପାତ କରିଥିଲେ।ବିଶେଷତଃ ସ୍ୱଚ୍ଛ ସର୍ବେକ୍ଷଣ-୨୦୨୧ରେ ହିଞ୍ଜିଳିକାଟୁ ପୌର ପରିଷଦ କିଭଳି ଭଲ ମାର୍କ ରଖି ସାରା ଓଡ଼ିଶାରେ ୧ନଂ ସ୍ଥାନ ଅଧିକାର କରିବ ସେ ଲକ୍ଷ୍ୟ ନେଇ ସାମୁହିକ ପ୍ରଚେଷ୍ଟା ଜାରୀ ରଖିବାକୁ ନିର୍ବାହୀ ଅଧିକାରୀ ଡ଼ ସାହୁ ଉପସ୍ଥାପନା କରିଥିଲେ ।

ପ୍ରତି ୱାର୍ଡରେ ଅଳିଆ ଆବର୍ଜନା ଗୁଡିକ ଏଣେତେଣେ ନ ଫୋପାଡ଼ି ସଫେଇ କର୍ମଚାରୀଙ୍କୁ ଦେବାପାଇଁ ସଚେତନତା ସୃଷ୍ଟି କରିବା ସହ ସହରକୁ ଏକ ସ୍ୱଚ୍ଛ ପରିମଳ, ସୁସ୍ଥ ଓ ସୁନ୍ଦର ପରିବେଶ ସୃଷ୍ଟି ଦିଗରେ ପରିମଳ ଅଧିକାରୀ ଗୁରୁତ୍ୱାରୋପ କରିଥିଲେ।ଅନ୍ତିମରେ ବଡାଖାନା କାର୍ଯ୍ୟକ୍ରମରେ ସମସ୍ତେ ଯୋଗ ଦେଇଥିଲେ।ଏହି କାର୍ଯ୍ୟକ୍ରମରେ ୭୦ସଫେଇ କର୍ମଚାରୀ,୧୦ସ୍ୱଚ୍ଛ ସାଥି ଓ ସୁପର ଭାଇଜର ଉପସ୍ଥିତ ଥିଲେ।    (ରିପୋର୍ଟ ଶୁସାନ୍ତ ପ୍ରଧାନ ହିଞ୍ଜିଳିକାଟୁ)