କୋରାଇରେ ୨୦ରୁ ଖୋଲିବ ଧାନ ମଣ୍ଡି .. 

କୋରାଇରେ ୨୦ରୁ ଖୋଲିବ ଧାନ ମଣ୍ଡି .. ଖୋଲିବ କୋରାଇରେ ୨୦ରୁ ଖୋଲିବ ଧାନ ମଣ୍ଡି  ଖୋଲିବ ୧୯ଟି ମଣ୍ଡିରେ ୯,୨୩୦ଚାଷୀ ଧାନ ଦେବେ ଟୋକନର ୩୦ଦିନ ମଧ୍ୟରେ ଧାନ ଦେବେ -୪୮ଘଂଟା ମଧ୍ୟରେ ମୂଲ୍ୟ ପଇଠ ହେବ । ଟୋକନର ୩୦ଦିନ ମଧ୍ୟରେ ଧାନ ଦେବେ, ୪୮ଘଂଟା ମଧ୍ୟରେ ମୂଲ୍ୟ ପଇଠ ହେବ ।

ଓଡ଼ିଶା ତାଜାନ୍ୟୁଜ୍ (୨୧ ନଭେମ୍ବର ଶନିବାର) କୋରାଇ :- ରାଜ୍ୟ ସରକାରଙ୍କ ଘୋଷଣା ଅନୁଯାୟୀ ଚଳିତ ବର୍ଷ ନଭେମ୍ବର ମାସରୁ ଚାଷୀଙ୍କ ଠାରୁ ସରକାରୀଭାବେ ଧାନ କିଣା ଯିବାକୁ ଘୋଷଣା ଥିଲେ । ତଦନୁଯାୟୀ ପ୍ରଥମ ପର୍ଯ୍ୟାୟରେ ପ୧⁄୨ିମ ଓଡ଼ିଶାର ଚାଷୀଙ୍କ ଠାରୁ ନଭେମ୍ବର ମାସରୁ ଧାନ ଆରମ୍ଭ ହୋଇଥିଲା ବେଳେ ଦ୍ୱିତୀୟ ପର୍ଯ୍ୟାୟରେ ଉପକୂଳ ଓଡ଼ିଶାର ଚାଷୀ ଡିସେମ୍ବର ମାସରେ ଧାନ କିଣା ଆରମ୍ଭ ହେବ । ଏହି କ୍ରମରେ ଡିସେମ୍ବର ୨୦ରୁ ଚାଷୀଙ୍କ ଠାରୁ ଧାନକିଣା ହେବା ଲାଗି ଜିଲାପ୍ରଶାସନ ନିର୍ଦେଶ ନାମା ଜାରିକରିଛି । ଏଥିଲାଗି ଜିଲାଯୋଗାଣ ବିଭାଗ ପକ୍ଷରୁ ଧାନ କିଣାଯିବା ଲାଗି ମଧ୍ୟ ସମସ୍ତ ପ୍ରସ୍ତୁତି ଶେଷ ହୋଇଛି । ସରକାରୀ ସ୍ତରରେ ଧାନ ଦେବା ପାଇଁ ଜିଲାର ସମସ୍ତ ଚାଷୀ ଅନ୍‌ଲାଇନ୍‌ରେ ନାମ ପଂଞ୍ଜିକୃତ କରି ସାରିଛନ୍ତି ।

ସରକାରଙ୍କ ଘୋଷଣା ଅନୁଯାୟୀ କୋରାଇ ବ୍ଳକର ୧୭ଟି କୃଷି ସେବା ସମବାୟ ସମିତି ଓ ୨ଟି ସ୍ୱୟଂ ସହାୟକ ଗୋଷ୍ଠୀ (ଏସଏଚଜି) ଧାନ କିଣିବା ପାଇଁ ସ୧ତି ପ୍ରକାଶ କରିଛନ୍ତି । ସମାବାୟ ସମିତି ଓ ସ୍ୱୟଂ ସହାୟକ ଗୋଷ୍ଠୀ ଜରିଆରେ ଧାନ ଦେବା ପାଇଁ ଚାଷୀ ନାମ ପଞ୍ଜିକୃତ କରି ସାରିଥିବା ଜିଲା ଯୋଗାଣ ବିଭାଗ ପକ୍ଷରୁ ସୂଚନା ମିଳିଛି । କୋରାଇ ବ୍ଳକର ମୋଟ ୯ହଜାର ୨ଶହ ୩୦ଜଣ ଚାଷୀ ମଣ୍ଡିରେ ଧାନ ଦେବା ପାଇଁ ନାମ ପଞ୍ଜିକୃତ କରିଥିବା ମଧ୍ୟ ସୂଚନା ମିଳିଛି ।

ତଦନୁଯାୟୀ ଏହି ବ୍ଲକର କୋରାଇ କୃଷି ସମବାୟ ସମିତିରେ ୬୬୮ଜଣ ଚାଷୀ ପଞ୍ଜିକୃତ କରିଥିଲା ବେଳେ ପାଣିକୋଇଲି କୃଷି ସମବାୟ ସମିତିରେ୮୪୮ଜଣ, ଇଚ୍ଛାପୁର କୃଷି ସମବାୟ ସମିତିରେ ୭୦୧ଜଣ, ଭକଣ୍ଡାରୀ କୃଷି ସମବାୟ ସମିତିରେ ୧୬୬ଜଣ, ତୁଳତୀ କୃଷି ସମବାୟ ସମିତିରେ ୨୬୪ଜଣ, ମୁକୁନ୍ଦପୁର କୃଷି ସମବାୟ ସମିତିରେ ୪୦୫ଜଣ, ହାଟସାହି କୃଷି ସମବାୟ ସମିତିରେ କୃଷି ସମବାୟ ସମିତିରେ ୫୬୯ଜଣ, କନ୍ତୋର କୃଷି ସମବାୟ ସମିତିରେ ୬୪୯ଜଣ, କଡ଼ମା କୃଷି ସମବାୟ ସମିତିରେ ୪୩୫ଜଣ, ପଚ୍ଛିକୋଟ କୃଷି ସମବାୟ ସମିତିରେ ୬୭୭ଜଣ, ବନ୍ଦାଳୋ କୃଷି ସମବାୟ ସମିତିରେ ୩୧୩ଜଣ, ବଗିରିଆ କୃଷି ସମବାୟ ସମିତିରେ ୫୦୨ଜଣ, ବରୁଣ୍ଡେଇ କୃଷି ସମବାୟ ସମିତିରେ ୭୮୩ଜଣ, ଧନେଶ୍ୱର କୃଷି ସମବାୟ ସମିତିରେ ୨୬୩ଜଣ, ଜହ୍ନା କୃଷି ସମବାୟ ସମିତିରେ ୬୬୮ଜଣ, ତଳଗଡ କୃଷି ସମବାୟ ସମିତିରେ଼ ୩୬୭ଜଣ, ଯାଗୁଳେଇଗଡ଼ିଆ କୃଷି ସମବାୟ ସମିତିରେ ୨୫୯ଜଣ ଓ ରାମେଶ୍ୱର ମହିଳା ସ୍ୱଂୟ ସହାୟକ ଗୋଷ୍ଠୀ (ଏସଏଚଜି)ଜରିଆରେ ୩୨୮ଜଣ, ମହାବୀର ମହିଳା ସ୍ୱଂୟ ସହାୟକ ଗୋଷ୍ଠୀ(ଏସଏଚଜି)ରେ ୪୦୪ ଜଣଙ୍କୁ ମିଶାଇ ମୋଟ ୯୨୩୦ଜଣ ଚାଷୀ ସରକାରୀ ମଣ୍ଡିରେ ଖରିଫ କାଳିନ ଧନ ବିକ୍ରିକରିବାକୁ ପଞ୍ଜିକୃତ ହୋଇଛନ୍ତି ।

ଜିଲା ଯୋଗାଣ ବିଭାଗର ନିର୍ଦେଶାନୁଯାୟୀ ଚଳିତ ବର୍ଷ ଡିସେମ୍ବର୨୦ତାରିଖରୁ ଧାନ କିଣାର ଆରମ୍ଭ କରାଯାଇ ମାର୍ଚ୍ଚ ୩୧ତାରିଖ ପର୍ଯ୍ୟନ୍ତ ଚାଲୁ ରହିବ । ଏହି ଧାର୍ଯ୍ୟ ସମୟ ମଧ୍ୟରେ ଚାଷୀ ମଣ୍ଡି ମାଧ୍ୟମରେ ଧାନ ବିକ୍ରୟ କରି ପାରିବ ବୋଲି ସରକାରଙ୍କ ପକ୍ଷରୁ ଘୋଷଣା କରାଯାଇଛି । ଚାଷୀଙ୍କ ଠାରୁ ସରକାରୀ ଦର କ୍ୱିଂଟାଲ ପିଛା ଗ୍ରେଡ-ଏ’-ଧାନର ୧୮୮୮ ଟଙ୍କା ଓ କମନ ବା ସାଧରଣ ଧାନ ୧୮୬୮ଟଙ୍କାରେ ମଣ୍ଡି ଜରିଆରେ କିଣାଯବି । ଚାଷୀ ଟୋକନ ପାଇବାର ୩୦ଦିନ ମଧ୍ୟରେ ମଣ୍ଡିରେ ଧାନ ଦେବାକୁ ନିୟମ ରହିଥିଲା ବେଳେ ଧାନ ଦେବ ଠାର ୨୪ରୁ ୪୮ଘଂଟା ମଧ୍ୟରେ ତାଙ୍କ ବ୍ୟାଙ୍କ ଜମା ଖାତା ଜରିଆରେ ପଇଠ କରାଯିବ ବୋଲି ଜିଲା ଯୋଗାଣ ଅଧିକାରୀଙ୍କ ସୂତ୍ରରୁ ପ୍ରକାଶ । (କୋରାଇରୁ ରଶ୍ମିରେଖା ମଲ୍ଲିକଙ୍କ ରିପୋର୍ଟ)