କଟକ ନୟାସଡ଼କ ଆଇଆଇଏଫଏଲ ବ୍ୟାଙ୍କରୁ ୧୦ କୋଟି ଟଙ୍କାର ସୁନା ଅଳଙ୍କାର ଡ଼କାୟତି

ଓଡ଼ିଶା ତାଜା ନ୍ୟୁଜ୍ (୧୯ ନଭେମ୍ବର ଗୁରୁବାର ) କଟକ :- କଟକ ସହରରେ ଦିନ ଦିପହରରେ ବ୍ୟାଙ୍କ୍ ରୁ ଲୁଟ୍। କଟକ ନୟାସଡ଼କରେ ଥିବା ସୁନା ବନ୍ଧକ ବ୍ୟାଙ୍କ୍ ଆଇ ଆଇ ଏଫ୍ ଏଲ୍ ରେ ଡକାୟତମାନେ ଆତଙ୍କ ଖେଳାଇ କରିଛନ୍ତି ଲୁଟପାଟ୍ । ପାଖାପାଖି 10 ଟା 15 ମିନିଟ ସମୟରେ 5 ରୁ 6 ଡକାୟତ, ବାଇକ୍ ରେ ମୁଖା ପିନ୍ଧି ଆସିଥିଲେ । ସୁରକ୍ଷାକର୍ମୀଙ୍କ ମୁଣ୍ଡରେ ବନ୍ଧୁକ ଲଗାଇ ଦୁଇ ଜଣ ଭିତରକୁ ନେଇଯାଇଥିଲେ । ଅନ୍ୟ ୪ ଜଣ ବ୍ୟାଙ୍କ୍ ଭିତରକୁ ପଶିଥିଲେ ।

ବ୍ୟାଙ୍କ ର ଜଣେ କର୍ମଚାରୀମାନଙ୍କୁ ବନ୍ଧୁକ ଦେଖାଇ ଭୟଭୀତ କରାଇ ଲକର୍ ପାଖକୁ ନେଇ ଯାଇଥିଲେ। ଲକର୍ ରେ ଥିବା 10 କୋଟି ଟଙ୍କାର ସୁନାଗହଣା ସହ ନଗଦ ୪ ଲକ୍ଷ୍ୟ ଟଙ୍କା, ମାତ୍ର କେଇ ମିନିଟ ମଧ୍ୟରେ ଆଖି ପିଛୁଳାକେ ନେଇ ପଳାଇଥିଲେ ମୁଖାପିନ୍ଧା ଡ଼କାୟତମାନେ । ଯିବା ସମଯରେ ସିସିଟିଭି କ୍ଯାମରାକୁ ଖରାପ କରିଦେଇ ଯାଇଛନ୍ତି ସଂପୃକ୍ତ ଡକାୟତମାନେ। ଡ଼କାୟତି ଘଟଣାର ଖବର ପାଇ ପୁରୀଘାଟ ଏବଂ ଲାଲବାଗ ଥାନା ପୋଲିସ୍ ଘଟଣା ପହଞ୍ଚିଥିବାବେଳେ , ସାଇଣ୍ଟିଫିକ୍ ଟିମ୍ ତଦନ୍ତକୁ ଜୋରଦାର୍ କରିଛନ୍ତି। ଏପରିକି ପୋଲିସ୍ କମିସନର ସୁଧାଂଶୁ ଷଢଙ୍ଗୀ ଏବଂ ଡିସିପି ପ୍ରତୀକ ସିଂ ମଧ୍ୟ ଘଟଣାସ୍ଥଳରେ ପହଂଚି ଅନୁଧ୍ୟାନ କରୁଛନ୍ତି ।

ତେବେ ଏତେବଡ଼ ଲୁଟ୍ ସହରରେ ପ୍ରଥମ କରି ହୋଇଥିବାରୁ ପୋଲିସ୍ ଏବେ ଏହାକୁ ବେଶ୍ ଗୁରୁତର ସହ ନେଇଛି। ବ୍ୟାଙ୍କରେ ଡକାୟତି ହେବା ପରେ ସହରର ସମସ୍ତ ଥାନା ସମେତ ଯାଜପୁର, ଜଗତସିଂହପୁର, କେନ୍ଦ୍ରାପଡା ଜିଲ୍ଲାର ସମସ୍ତ ଥାନାକୁ ଖବର ଦିଆଯାଇଛି । ତେବେ ବ୍ୟାଙ୍କ୍ ନିକଟରେ ଥିବା ଅନ୍ୟ ସିସିଟିଭି ଫୁଟେଜ ଦ୍ୱାରା ତଦନ୍ତ ଚଳାଇଥିବା କହିଛନ୍ତି ଡିସିପି। ଏତେ ବଡ଼ଧରଣର ଲୁଟ୍ ରେ ନିଶ୍ଚିତରୁପେ ଅଣଓଡିଆ ବା ପେଶାଦାର ଡକାୟତମାନେ ସମ୍ପୃକ୍ତ ଥିବାର ସନ୍ଦେହ କରାଯାଉଛି। ଏହାକୁ ନେଇ ତଦନ୍ତକୁ ଜୋରଦାର୍ କରିଛି ପୋଲିସକ । କଟକ ସହରର ଜନଗହଳି ସ୍ଥାନରେ ସ୍ଥାନରେ ଏତେବଡ଼ ଲୁଟ୍ କିପରି ହେଲା ତାହା ପୋଲିସ୍ ପାରିବାପଣିଆ ଉପରେ ପ୍ରଶ୍ନ ଉଠିଛି। ତେବେ ଏହି ଡକାୟତି ସହରରେ ଚାଞ୍ଚଲ୍ୟ ଖେଳାଇ ଦେଇଛି। (କଟକ ରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ)