ଜାତୀୟ ଗଣମାଧ୍ୟମ ଦିବସ ଅବସରରେ ; ସାମ୍ବାଦିକଙ୍କୁ କରୋନା ଯୋଦ୍ଧାରେ ସମ୍ମାନିତ ।

ଓଡ଼ିଶା ତାଜା ନ୍ୟୁଜ (୧୬ ନଭେମ୍ବର ସୋମବାର) କଟକ :-  ଆଜି ହେଉଛି ଜାତୀୟ ଗଣମାଧ୍ୟମ ଦିବସ । ଏହି ଦିବସ ଅବସରରେ ରାଜ୍ୟର ବିଭିନ୍ନ ସ୍ଥାନରେ ସମ୍ବାଦିକ ସଂଘ ପକ୍ଷରୁ ଜାତୀୟ ପ୍ରେସ ଦିବସ ପାନଳନ କରାଯାଇଛି । ଏହି ଅବସରରେ ସୋମବାର ଦିନ କଟକ ମହାନଗର ନିଗମ ୫୯ ନମ୍ବର ୱ।ର୍ଡ଼ କଂଗ୍ରେସ କମିଟି ପକ୍ଷରୁ , ଫୁଲନଖରା ନିକଟସ୍ଥ ମୁଗଭଙ୍ଗା ମହାବୀର ନଗର ଠାରେ ଏକ କରୋନା ଯୋଦ୍ଧା ସମ୍ମାନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା । ଏହି ସଭାରେ ୱ।ର୍ଡ଼ ସଭାପତି ପ୍ରଶାନ୍ତ କୁମାର ମହାନ୍ତି ଅଧ୍ୟକ୍ଷତା କରିଥିଲେ ।

କଟକ ଜିଲ୍ଲା କଂଗ୍ରେସ କମିଟିର ସଭାପତି ମାନସ ଚୌଧୁରୀ ମୁଖ୍ୟ ଅତିଥି , କଂଗ୍ରେସ ଏସି,ଏଷ୍ଟି ସେଲର ଜିଲ୍ଲା ସଭାପତି ବାଙ୍କନିଧି ବେହେରା , ବରିଷ୍ଠ ସାମ୍ବାଦିକ ସୁରେନ୍ଦ୍ର ମହାପାତ୍ର , ମନୋରଞ୍ଜନ ଖଟୁଆ ସମ୍ମାନୀତ ଅତିଥି ଭାବେ ଯୋଗ ଦେଇ କହିଲେ ଯେ, ଵିଶ୍ୱରେ ଆତଙ୍କ ସୃଷ୍ଟି କରିଥିବା ମହାମାରୀ କରୋନା ସମୟରେ ବିନା ପାରିଶ୍ରମିକରେ , ସାମ୍ବାଦିକ ବନ୍ଧୁମାନେ ନିଜ ପରିବାରକୁ ଭୁଲି , ନଜି ଜୀବନକୁ ବାଜି ଲଗାଇ କରୋନା ସଂପର୍କରେ ସୂଚନା ଜନସାଧାରଣଙ୍କୁ ପ୍ରଦାନ କରିଛନ୍ତି । ଏହି କରୋନା ରେ ବହୁ ସାମ୍ବାଦିକ ବନ୍ଧୁ ମାନଙ୍କର ଜୀବନ ଯାଇଛି ।

ମହାମାରୀ କରୋନାରେ ସେମାନଙ୍କୁ କୌଣସି ସହାୟତା ମଧ୍ୟ ଦିଆଯାଇ ନାହିଁ । ତଥାପି ସମାଜ ସେବାପାଇଁ କାର୍ଯ୍ୟ ଯାରିରଖିଛନ୍ତି । ପ୍ରକୃତ କରୋନା ଯୋଦ୍ଧ ହେଉଛନ୍ତି ସାମ୍ବାଦିକ ବନ୍ଧୁମାନେ । ଏହି ସାମ୍ବାଦିକ ବନ୍ଧୁ ମାନଙ୍କୁ କଂଗ୍ରେସ ୱ।ର୍ଡ଼ କମିଟି ପ୍ରକୃତ କରୋନା ଯୋଦ୍ଧା ଭାବେ ସମ୍ବର୍ଦ୍ଧିତ କରିଥିବାରୁ , ଜିଲ୍ଲା କଂଗ୍ରେସ କମିଟି ଏହାକୁ ସ୍ୱାଗତ କରୁଛି ବୋଲି, ଜିଲ୍ଲା ସଭାପତି ମାନସ ଚୌଧୁରୀ କହିଥିଲେ । ଆୟୋଜିତ ଉସ୍ଚବରେ କଂଗ୍ରେସର ଯୁବ ସଂଗଠକ ଗ୍ୟାନରଞ୍ଜନ ଭୂୟାଁ , କରିମ ସା କାର୍ଯ୍ୟ କ୍ରମ ପରିଚାଳନା କରିଥିଲେ । କଟକ ଏବଂ ଏହାର ଆଖପାଖ ଅଞ୍ଚଳରେ ବିଭିନ୍ନ ଗଣମାଧ୍ୟମରେ କାର୍ଯ୍ୟ କରୁଥିବା ସାମ୍ବାଦିକ ମାନଙ୍କୁ କରୋନା ଯୋଦ୍ଧ ଭାବେ ସମ୍ବର୍ଦ୍ଧିତ କରାଯାଇଥିଲା । (କଟକ ରୁ ଅମୂଲ୍ୟ କୁମାର ବାରିକ)