କଟକ ସାଇନ୍ ଆଣ୍ଡ ସନ୍ଧ୍ୟା ଫାଉଣ୍ଡେସନ ପକ୍ଷରୁ ମାଗଣା ଆମ୍ବୁଲାନ୍ସ ସେବା ଉଦଘାଟିତ

ଓଡ଼ିଶା ତାଜା ନ୍ୟୁଜ (୧୫ ନଭେମ୍ବର ରବିବାର) କଟକ :- କଟକର ସାଇନ୍ ଆଣ୍ଡ ସନ୍ଧ୍ୟା ଫାଉଣ୍ଡେସନ ପକ୍ଷରୁ ଆମ୍ବୁଲାନ୍ସ ସେବା ଉଦଘାଟିତ ହୋଇଛି । ଅସହାୟ ଲୋକମାନଙ୍କ ପାଇଁ ମାଗଣା ଆମ୍ବୁଲାନ୍ସ ସେବା ଯୋଗାଇଦେବାକୁ ଏକ ପ୍ରୟାସ ଆରମ୍ଭ କରିଛି ସାମାଜିକ ଅନୁଷ୍ଠାନ ସାଇନ୍ ଆଣ୍ଡ୍ ସନ୍ଧ୍ୟା ଫାଉଣ୍ଡେସନ। କଟକ ଖାନନଗର କାଳୀମନ୍ଦିର ନିକଟରୁ ଆମ୍ବୁଲାନ୍ସ ର ଶୁଭାରମ୍ଭ ହୋଇଛି । କଟକ ସହର କିମ୍ବା ଜିଲ୍ଲାରେ ରହୁଥିବା ଅସହାୟ ଓ ନିରାଶ୍ରୟ ମାନଙ୍କୁ ସୁବିଧାରେ ଚିକିତ୍ସା ପ୍ରଦାନ ପାଇଁ ଏହି ଆମ୍ବୁଲାନ୍ସ ସେବା କାର୍ଯ୍ୟ କରିବ ବୋଲି ଅନୁଷ୍ଠାନ ପକ୍ଷରୁ କୁହାଯାଇଛି ।

ତେବେ ବିନା ମୂଲ୍ୟରେ ଏହି ସେବା ଗରିବ ଅସହାୟ ଲୋକ ମାନଙ୍କୁ ଯୋଗାଇ ଦିଆ ଯିବାର ବ୍ୟବସ୍ଥା ରହିଛି। ଯେ କୌଣସି ସ୍ଥାନରୁ ଫୋନ୍ କଲ ଆସିଲେ ସାଙ୍ଗେ ସାଙ୍ଗେ ସେଠାରେ ଆମ୍ବୁଲାନ୍ସ ପହଞ୍ଚି , ଅସହାୟ ବ୍ୟକ୍ତିଙ୍କୁ ଉଦ୍ଧାର କରି , ଚିକିତ୍ସା ପାଇଁ ମେଡିକାଲ୍ କୁ ପଠାଇବାର ବ୍ୟବସ୍ଥା କରାଯିବ ବୋଲି ଅନୁଷ୍ଠାନ ର ସଦସ୍ୟ ଜିତେନ୍ଦ୍ର ସାହୁ ଗଣମାଧ୍ୟମ କୁ ସୂଚନା ଦେଇଛନ୍ତ। (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ)