ଓଡ଼ିଶା ତାଜା ନ୍ୟୁଜ (୧୩ ନଭେମ୍ବର ,ଶୁକ୍ରବାର ) କଟକ :- ଦଶହରା ପୂର୍ବରୁ ଆଜି ସୁଦ୍ଧା ବହୁ ଅପରାଧୀ କଟକ କମିଶରେଟ ପୋଲିସ ହାତରେ ଧରାପଡିଲେଣି । ପ୍ରତି ଦିନ କଟକ କମିଶନରେଟ ପୋଲିସ ପକ୍ଷରୁ ଅପରାଧୀଙ୍କ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲା ବେଳେ , ପୋଲିସ ପାଟ୍ରୋଲିଂକୁ ଯୋରଦାର କରାଯାଉଛି । ଯାହାଫଳରେ କମିଶରେଟ ପୋଲିସ କୁ ଗୋଟେ ପରେ ଗୋଟିଏ ସଫଳତା ମିଳିବାରେ ଲାଗିଛି । ଗୁରୁବାର ଦିନ ରାତିରେ ଦରଘାବଜାର ପୋଲିସ ହାତରେ ଧରାପଡିଛି , ଜଣେ ପେଶାଦାର ଅପରାଧୀ ଲାଡେନ ଓରଫ ସୟଦ ଅବଦୁଲନ ମୁଥାଦର । ଲାଡେନ ଠାରୁ ଦରଘାବଜାର ପୋଲିସ ଗୋଟିଏ ୯ ଏମ ଏମ ଦେଶୀ ପସ୍ତଲ ସହ ୬ଟି ଜୀବନ୍ତ ଗୁଳି, ଗୋଟିଏ ଓପ ମୋବାଇଲ ଫୋନ ଜବତ କରିଛି ।
ଲାଡେନର ଘର ଲାଲବାଗ ଥାନା ବାଙ୍କାବଜାର ଅଞ୍ଚଳରେ । ତା ନାମରେ ପୂର୍ବରୁ ଲାଲବାଢଗ, କେନ୍ଦ୍ରାପଡା, ଚାଉଳିଆଗଞ୍ଜ, ମର୍କତନଗର, ଦରଘାବଜାର ଥାନାରେ ୧୨ ଟି ମାମଲା ରହିଛି । ଲାଡେନ ଗୁରୁବାର ଦିନ ରାତି ୧୧ ଟା ସମୟରେ ଦରଘାବଜାର ଥାନା ଅନ୍ତର୍ଗତ , ରେଭେନ୍ସା କଲଜିଏଟ ସ୍କୁଲ ସମ୍ମୁରେ ଦରଘାବଜାର ର , ଜଗନ୍ନାଥ ସାହୁଙ୍କୁ ପିସ୍ତଲ ଦେଖାଇ ଭୟବିତ କରି, ପାଞ୍ଚ ଲକ୍ଷ ଟଙ୍କା ମାଗୁଥିବାର ଖବର , ଦରଘାବଜାର ଥାନାର ଆଇଆଇସି ପି,କେ, ଜେନା ପାଇ ସେଠାରେ ପହଞ୍ଚି ଲାଡେନ କୁ କୌଶଳ କ୍ରମେ ଧରିବାରେ ସଫଳ ହୋଇଥିଲେ । ଲାଡେନ ବିରୁଦ୍ଧରେ ଦରଘାବଜାର ଥାନାରେ ଏକ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଛି ।
