ମଙ୍ଗଳାବାଗ ପୋଲିସ ଜବତ କଲା ୬ ବସ୍ତା ଚୋରା ଭାଙ୍ଗ ସହ ହୋଣ୍ଡା ଆମେଜ କାର , ଦୁଇ ଗିରଫ

ଓଡିଶା ତାଜା ନ୍ୟୁଜ୍ (୧୩ ନଭେମ୍ବର ଶୁକ୍ରବାର ) କଟକ :- ମଙ୍ଗଳାବାଗ ପୋଲିସକୁ ମିଳିଛି ଆଉ ଏକ ସଫଳତା । ଗୁରୁବାର ଦିନ ୧୨ ଟା ସମୟରେ ମଙ୍ଗଳାବାଗ ଥାନାର ଏ ଏସ ଆଇ ଅଶୋକ କୁମାର ପ୍ରଧାନ , ପୋଟ୍ରୋଲିଙ୍ଗ କରୁଥିବା ସମୟରେ , ଖବର ପାଇଲେ ଯେ , ଜେଏଚ -୧୦ -ଏ ଡ଼ବ୍ଲୁ ନମ୍ବର ବିଶିଷ୍ଟ ହୋଣ୍ଡା ଆମେଜ , କାରରେ ଭାଙ୍ଗ ବସ୍ତା ଲୋଡ଼ ହୋଇଛି । କାରଟି କଟକର ଓଏମ୍ପି ଛକରୁ ମଙ୍ଗଳାବାଗ ଅଭିମୁଖେ ଯାଉଛି । ଖଵର ପାଇ ପାଟ୍ରୋଲିଂ କରୁଥିବା ଏଏସଆଇ ପ୍ରଧାନ ଓ ତାଙ୍କର ସହଯୋଗୀଙ୍କୁ ନେଇ , କଟକର ରାଣୀହାଟ ପୋଲ ନିକଟରେ ପ୍ରସ୍ତୁତ ରହିଥିଲେ ।

ଭାଙ୍କ ଭର୍ତ୍ତି କାରଟି ଆସିବା ଦେଖି ପୋଲିସ କାରକୁ ଅଟକାଇ ଯାଞ୍ଚ କରିଥିଲେ । ଯାଞ୍ଚ ସମୟରେ କାର ଭିତରେ ଦୁଇ ଜଣ ବ୍ୟକ୍ତି ବସିଥିବା ବେଳେ , ଜରି ବସ୍ତାରେ ଭାଙ୍ଗ ଭର୍ତ୍ତି ଛ ବସ୍ତା ଜବତ କରି ଥାନାକୁ ଆଣି ଥିଲେ । ସେମାନଙ୍କଠାରୁ ପୋଲିସ ନଗଦ ୩୮ ହଜାର ଟଙ୍କା , ଦୁଇଟି ମୋବାଇଲ ଫୋନ ଜବତ କରିଛି । ଧରାପଡିଥିବା ଦୁଇ ଅଣ ଓଡିଆ ଭାଙ୍ଗ ବେପାରୀଙ୍କ ବିରୁଦ୍ଧରେ ଏକ ମାମଲା ରୁଜୁ କରାଯାଇଛି ।  ଶୁକ୍ରବାର ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି କଟକ ଡିସିପି ପ୍ରତିକ ସିଂହ ସୂଚନା ଦେଇଛନ୍ତି । ( ରିପୋର୍ଟ –ଅମୂଲ୍ୟ କୁମାର ବାରିକ )