ଯୁବକଙ୍କ ମୃତଦେହ ଘୋଡାହଡ ନଦୀରୁ ଉଦ୍ଧାର

ଓଡିଶା ତାଜା ନ୍ୟୁଜ୍ (୧୨ ନଭେମ୍ବର ଗୁରୁବାର ) ପାଟପୁର :- ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ଖଲିଙ୍ଗି ଗ୍ରାମ ଦେଇ ପ୍ରବାହିତ ଘୋଡାହାଡ଼ ନଦୀତଟରୁ ଗୁରୁବାର ସକାଳୁ ଉକ୍ତ ଗ୍ରାମର ଜଣେ ଯୁବକଙ୍କ ମୃତଦେହ ଭାସୁଥିବା ଅବସ୍ଥାରେ ଉଦ୍ଧାର କରାଯାଇଥିବା ଜଣାପଡ଼ିଛି । ମୃତ ଯୁବକ ଜଣକ ହେଲେ ଉକ୍ତ ଗ୍ରାମର ଶଙ୍କର ଲେଙ୍କା ବୟସ (୩୫) ବୋଲି ଜଣାପଡିଛି । ଖବରପ୍ରକାରେ, ଶଙ୍କର ବୁଧବାର ସନ୍ଧ୍ୟାରେ ଘରକୁ ବାହାରକୁ ବୁଲିବା ପାଇଁ ଯାଇ ବିଳମ୍ବିତ ରାତି ପର୍ଯ୍ୟନ୍ତ ଘରକୁ ଫେରିନଥିଲେ । ଯାହା ଫଳରେ ଶଙ୍କରଙ୍କ ପରିବାର ଲୋକ ବହୁ ଖୋଜାଖୋଜି କରିଥିଲେ ମଧ୍ୟ ବିଳମ୍ବିତ ରାତି ପର୍ଯ୍ୟନ୍ତ କୈାଣସି ସନ୍ଧାନ ମିଳିନଥିବା ବେଳେ ଗୁରୁବାର ସକାଳୁ ନଦୀକୁ ଶୌଚ ପାଇଁ ଆସିଥିବା କିଛି ଯୁବକ ଘୋଡାହାଡ଼ ନଦୀତଟରେ ଶଙ୍କରଙ୍କ ମୃତଦେହ ଭାସୁଥିବା ଦେଖିବାକୁ ପାଇଥିଲେ । ଏହାପରେ ଶଙ୍କରଙ୍କ ପରିବାରକୁ ଖବର ଦେଇଥିଲେ । ଖବରପାଇ ପାଟପୁର ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରୁଥିବା ବେଳେ ଏହା ହତ୍ୟା ନା ଆତ୍ମହତ୍ୟା ଏବେ ସାଧାରଣରେ ଚର୍ଚ୍ଚାର ବିଷୟ ପାଲଟିଛି ।
(ରିପୋର୍ଟ: ଶେଷଦେବ ସାହୁ )