ସଡ଼କ ଦୁର୍ଘଟଣାରେ ଦୁଇ ଯୁବକ ଗୁରୁତର – ବ୍ରହ୍ମପୁର

ଓଡ଼ିଶା ତାଜା ନ୍ୟୁଜ୍ ( ୧୦ ନଭେମ୍ବର ମଙ୍ଗଳବାର ) ବ୍ରହ୍ମପୁର :– ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଅଧୀନସ୍ଥ ପଦ୍ମନାଭପୁୁର ଛାଟ୍ରା ପୋଖରୀ ନିକଟରେ ମଙ୍ଗଳବାର ପୂର୍ବାହ୍ନ ୧୧ ଘଣ୍ଟା ସମୟରେ ଏକ ପଲସର ବାଇକ ଦୁର୍ଘଟଣା ଘଟି ଦୁଇ ଯୁବକ ଗୁରୁତର ଆହତ ହୋଇଥିବା ଜଣାପଡିଛି । ଗୁରୁତର ଯୁବକ ହେଲେ ଦିଗପହଣ୍ଡି ବ୍ଲକ ପଦ୍ମନାଭପୁୁର ଓଡ଼ିଆ ସାହିର ବାଙ୍କ ବିଷୋୟୀ ଓ ପ୍ରକାଶ ସ୍ବାଇଁ ବୋଲି ଜଣାପଡିଛି । ଖବରପ୍ରକାରେ , ମଙ୍ଗଳବାର ସକାଳୁ ପ୍ରକାଶ ଓ ବାଙ୍କ ମିଶି ନିଜ ବାଇକ ଯୋଗେ ନିକଟସ୍ଥ ଗ୍ରାମ ଓଡାସିଙ୍ଗି ଯାଇ ଫେରିବା ବାଟରେ ଉକ୍ତ ପୋଖରୀ ନିକଟରେ ଦୁର୍ଘଟଣା ଘଟିଥିବା ବେଳେ ଉଭୟ ଗୁରୁତର ଅବସ୍ଥାରେ ରାସ୍ତା ପାର୍ଶ୍ବରେ ରକ୍ତାକ୍ତ ଅବସ୍ଥାରେ ଛଟପଟ ହେଉଥିଲେ । ରାସ୍ତାର ଉଭୟ ପାର୍ଶ୍ବରେ ଯାଉଥିବା କିଛି ଯାତ୍ରୀ ଏହା ଦେଖି ନିକଟସ୍ଥ ଗ୍ରାମକୁ ଖବର ଦେବାପରେ ସ୍ଥାନୀୟ ଲୋକଙ୍କ ସହାୟତାରେ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲେ ମଧ୍ୟ ପ୍ରାଥମିକ ଚିକିତ୍ସା ପରେ ଉଭୟଙ୍କ ଅବସ୍ଥା ଗୁରୁତର ରହିଥିବାରୁ ୧୦୮ ଆମ୍ବୁଲାନ୍ସ ଯୋଗେ ବ୍ରହ୍ମପୁର ବଡ଼ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା । ତେବେ ଦୁର୍ଘଟଣାର କାରଣ ଅସ୍ପଷ୍ଟ ରହିଥିବା ବେଳେ କିଛି ଲୋକଙ୍କ କହିବାନୁଯାୟୀ ଅତ୍ୟଧିକ ମଦ୍ୟପାନ ଦୁର୍ଘଟଣାର ପ୍ରକୃତ କାରଣ ବୋଲି ସୂଚନା ଦେଇଛନ୍ତି ।  (ରିପୋର୍ଟ :ଶେଷଦେବ ସାହୁ, ଗଞ୍ଜାମ ଜିଲ୍ଲା )