ବାଲେଶ୍ୱର , ତିର୍ତ୍ତୋଲ ଆସନ ଅଳଙ୍କୃତ କଲା ବିଜେଡ଼ି ; ତିର୍ତ୍ତୋଲ ରୁ ବିଜୟ ଶଙ୍କର ବାଲେଶ୍ୱର ରୁ ସ୍ୱରୂପ ଦାସ ହେଲେ ବିଜୟୀ

ଓଡ଼ିଶା ତାଜା ନ୍ୟୁଜ୍ ( ୧୦ ନଭେମ୍ବର ମଙ୍ଗଳବାର ) ବାଲେଶ୍ୱର ,ତିର୍ତ୍ତୋଲ ଉପନିର୍ବାଚନ ରେ ତିନି ଦଳ ମଧ୍ୟରୁ ବିଜେଡ଼ି କୁ ମିଳିଛି ବଡ଼ ସଫଳତା । ବାଲେଶ୍ଵର ସଦର ଓ ତିର୍ତ୍ତୋଲ ବିଧାନସଭା ଉପ ନିର୍ବାଚନରେ ବିଜେଡି ବିଜୟୀ ହୋଈଛି । ଦୁଇଟି ଆସନ ହାସଲ କରିଛି ବିଜେଡି । ହାତ ଛଡା ହୋଇଛି ବିଜେପିର ବାଲେଶ୍ଵର ସଦର ନିର୍ବାଚନମଣ୍ଡଳୀ । ବାଲେଶ୍ଵର ସଦର ଓ ତିର୍ତ୍ତୋଲରେ ଶାସକ ଦଳର ପ୍ରାର୍ଥୀଙ୍କୁ କଡା ଟକ୍କର ଦେଇଥିଲେ ମଧ୍ୟ ବିଜେପି ବହୁ ରହିଯାଇଛି । ଉପନିର୍ବାଚନ ରେ ବାଜିମାତ କରିଛି ବିଜେଡି । ଏହା ପ୍ରମାଣିତ କରିଛି ବିରୋଧୀଙ୍କ ଉପରେ ରାଜ୍ୟବାସୀଙ୍କର ଭରସା ନାହିଁ । ଏଠାରେ ଦଳ ର ସୁପ୍ରିମ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲୋକପ୍ରିୟତା ବଜାୟ ରହିଛି । ଯାହାଫଳରେ ବିଜେଡ଼ି କୁ ଜନସାଧାରଣ ଙ୍କ ବହୁ ସମର୍ଥନ ମିଳିଛି ।

ଦଳ ବିଜୟୀ ହୋଈଛି , ତିର୍ତ୍ତୋଲ ଉପନିର୍ବାଚନରେ ବିଜେଡି ପ୍ରାର୍ଥୀ ବିଜୟ ଶଙ୍କର ଦାସ ୪୧୭୦୩ଟି ଭୋଟରେ ବିଜୟୀ ହୋଇଛନ୍ତି । ବିଜୟଙ୍କୁ ୮୮୩୧୦ ଭୋଟ ମିଳିଥିବା ବେଳେ ତାଙ୍କର ନିକଟତମ ପ୍ରତିନ୍ଦ୍ୱନ୍ଦ୍ୱୀ ରାଜକିଶୋର ବେହରାଙ୍କୁ ୪୬୬୦୭ ଭୋଟ ମିଳିଛି । ସେହିପରି ବାଲେଶ୍ୱରରେ ବିଜେଡି ପ୍ରାର୍ଥୀ ସ୍ୱରୂପ କୁମାର ଦାସ ୧୩୧୯୫ ଭୋଟରେ ବିଜେପିର ମାନସ ଦତ୍ତଙ୍କୁ ପରାଜିତ କରି ବିଜୟ ଲାଭ କରିଛନ୍ତି । ଏହି ଅବସରରେ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ସ୍ୱରୂପ କୁମାର ଦାସ ଓ ବିଜୟ ଶଙ୍କର ଦାସଙ୍କୁ ଶୁଭେଚ୍ଛା ଜଣାଇଛନ୍ତି । ଟୁଇଟ୍‌ କରି ନବୀନ ଲେଖିଛନ୍ତି ଏହି ବିଜୟ ଆପଣମାନଙ୍କ ଭଲ ପାଇବା ଓ ଅକୁଣ୍ଠ ସମର୍ଥନର ପ୍ରତିଫଳନ । ଲୋକଙ୍କ ପାଖରେ ପହଞ୍ଚି ସେମାନଙ୍କ ହୃଦୟ ଜିଣିଥିବାରୁ ବିଜୁ ଜନତା ଦଳର ସମସ୍ତ କର୍ମୀଙ୍କୁ ସାଧୁବାଦ । ସେ ଟୁଇଟ୍ କରି ଲେଖିଛନ୍ତି, କୋଭିଡ-୧୯ ସଙ୍କଟ ସମୟରେ ମତଦାନ କରି ଆମକୁ ଆଶୀର୍ବାଦ କରିଥିବା ବାଲେଶ୍ୱର ସଦର ଓ ତିର୍ତ୍ତୋଲବାସୀ ବିଶେଷ କରି ମହିଳାମାନଙ୍କୁ ମୋର କୃତଜ୍ଞତା ଜଣାଉଛି । ଏ ବିଜୟ ଆପଣମାନଙ୍କର ବିଜୟ ।

ଆପଣମାନଙ୍କ ଉନ୍ନତି ଓ କଲ୍ୟାଣ ପାଇଁ ବିଜୁ ଜନତା ଦଳ ସର୍ବଦା ସଂକଳ୍ପବଦ୍ଧ । ସୂଚନାଯୋଗ୍ୟ ୨୦୧୯ ସାଧାରଣ ନିର୍ବାଚନରେ ବିଜେପି ପ୍ରାର୍ଥୀ ମଦନ ମୋହନ ଦତ୍ତ ୭୪, ୮୧୫ (୪୭.୨୬%) ଭୋଟ ପାଇଁ ବିଜୟୀ ହୋଇଥିଲେ । ବିଜେଡ଼ି ପ୍ରାର୍ଥୀ ଜୀବନ ପ୍ରଦୀପ ଦାସଙ୍କୁ ମିଳିଥିଲା ୬୧,୪୦୯ (୩୮.୭୯%) ଭୋଟ । ମଦନ ମୋହନ ୧୩,୪୦୬ ଖଣ୍ଡ ଭୋଟ ବ୍ୟବଧାନରେ ବିଜୟୀ ହୋଇଥିଲେ। କଂଗ୍ରେସର ମାନସ ରଂଜନ ଦାସ ପଟ୍ଟନାୟକଙ୍କୁ ପାଇଥିଲେ ୧୯,୭୦୪ (୧୨.୪୫%) ଭୋଟ । ସେହିପରି ତିର୍ତ୍ତୋଲରେ ବିଜେଡ଼ି ପ୍ରାର୍ଥୀ ବିଷ୍ଣୁଚରଣ ଦାସ ୯୩,୯୬୭ (୫୪.୧୮%) ଭୋଟ ପାଇଥିଲା ବେଳେ ବିଜେପି ପ୍ରାର୍ଥୀ ରମାକାନ୍ତ ଭୋଇଙ୍କୁ ମିଳିଥିଲା ୫୩,୫୮୧ (୩୦.୯%) ଭୋଟ । ବିଷ୍ଣୁ ଦାସ ୪୦,୩୮୬ ଭୋଟ ବ୍ୟବଧାନରେ ବିଜୟଲାଭ କରିଥିବା ବେଳେ କଂଗ୍ରେସର ଦେବୀ ପ୍ରସାଦ ମଲ୍ଲିକଙ୍କୁ ୨୩,୮୦୯ (୧୩.୭୩%) ଭୋଟ ମିଳିଥିଲା ।(ବାଲେଶ୍ୱର ରିପୋର୍ଟ,ଦୀପ୍ତିମାନ ପତି/ତିର୍ତ୍ତୋଲ ରିପୋର୍ଟ, ଭାସ୍କର ପଟ୍ଟନାୟକ)