ଓଡ଼ିଶା ତାଜା ନ୍ୟୁଜ (୨୫ ଅକ୍ଟୋବର ରବିବାର) ବାଲେଶ୍ୱର :– ପୁଣି ବିବାଦ ରେ ଖାଦ୍ୟ ଏବଂ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ I ନିକଟରେ କରୋନା ଟୀକା କୁ ନେଇ ରଣେନ୍ଦ୍ର ଏବଂ ଦୁଇ କେନ୍ଦ୍ରମନ୍ତ୍ରୀ ତୁ ତୁ ମେ ମେ ଚାଲିଥିବା ବେଳେ କିଛିଦିନ ତଳେ ପୂର୍ବତନ ସ୍ବର୍ଗତ ବିଧାୟକ ମଦନ ଦତ୍ତ ଙ୍କ ମୃତ୍ୟୁ ବିଜେଡି ପାଇଁ ଆଶୀର୍ବାଦ କହି ଚର୍ଚା ରେ ଅଛନ୍ତି I ତେବେ ଆଜି ଖବର ସଂଗ୍ରହ କରୁଥିବା ବେଳେ ଜଣେ ମହିଳା ସାମ୍ବାଦିକା ଙ୍କୁ ଠେଲି ଦେଇଛନ୍ତି ମନ୍ତ୍ରୀ ରଣେନ୍ଦ୍ର ସ୍ୱାଇଁ I ନିର୍ଦ୍ଧିଷ୍ଟ ଖବର ଅନୁଯାୟୀ ସାମ୍ବାଦିକା ଜଣଙ୍କ ଘରୋଇ ଟିଭି କନକ ର ବାଲେଶ୍ୱର ପ୍ରତିନିଧି ସୁମନା ପରିଡା I
ବିଜେଡି ରାଲି ଚାଲିଥିବା ବେଳେ ସେ ମନ୍ତ୍ରୀ ରଣେନ୍ଦ୍ର ଙ୍କ ଠାରୁ ଏକ ବାଇଟ ନେବାକୁ ତାଙ୍କ ସହିତ ପ୍ରାୟ 2 କିଲୋମିଟର ଚାଲିଥିଲେ ଅନ୍ୟ ଗଣମାଧ୍ୟମ ମାନଙ୍କ ସହିତ I ଏକ ପ୍ରସଙ୍ଗ ରେ ସେ ମନ୍ତ୍ରୀ ଙ୍କ ଠାରୁ ବାଇଟ ନେବାକୁ ଚାଁହୁଥିଲେ କିନ୍ତୁ ମନ୍ତ୍ରୀ କୌଣସି ବାଇଟ ନଦେଇ ରିପୋର୍ଟର ଙ୍କ ବୁମ କୁ ଠେଲିଦେଇଥିଲେ I ଏବଂ ଅନ୍ୟମାନେ ସାମ୍ବାଦିକା ଙ୍କୁ ଠେଲାପେଲା କରିଥିଲେ ଫଳରେ ଭାରସାମ୍ୟ ହରାଇ ସାମ୍ବାଦିକା ତଳେ ପଡି ଯାଉଥିବା ବେଳେ ଜଣେ କେହି ତାଙ୍କୁ ଧରିନେଇଥିଲେ Iଏନେଇ ଖୋଦ ସାମ୍ବାଦିକା ସୁମନା ଏକ ପ୍ରତିଷ୍ଠିତ ୱେବ ଚାନେଲ ରେ ପ୍ରତିକ୍ରିୟା ରଖିଛନ୍ତି I
ଏହାକୁ ନେଇ ଏବେ ଜୋରଦାର ସମାଲୋଚନା କରାଯାଉଛି ,ଯଦି ପ୍ରତିକ୍ରିୟା ଦେବାର ନଥିଲା ତେବେ ଦୁର୍ବ୍ୟବହାର କରିବାର ମନ୍ତ୍ରୀ ଙ୍କର କୌଣସି ଆବଶ୍ୟକତା ଥିଲା କି ? ତେବେ ଏହା ଉପରେ ଏବେ ସମସ୍ତଙ୍କ ନଜର ରହିଛି ,ଗୋଟାଇପଟେ କନକ ଟିଭି ର ମାଲିକ ସୌମ୍ୟ ବାବୁ ବିଜେଡି ନେତା ହେଇଥିବା ବେଳେ ଏପଟେ ସାମ୍ବାଦିକା ଙ୍କୁ ବିଜେଡି ନେତା ଙ୍କ ଦୁର୍ବ୍ୟବହାର I ସୌମ୍ୟ ବାବୁ ଚୁପ ରହିବେ କି ସାମ୍ବାଦିକା ଙ୍କ ପାଇଁ ବିଜେଡି ବିରୁଧରେ ସ୍ୱର ଉଠେଇବେ ତାହା ଆଗାମୀ ଦିନରେ ଦେଖିବାକୁ ମିଳିବ I (ଦୀପ୍ତିମାନ ପତି /ବାଲେଶ୍ୱର)
