ଓଡ଼ିଶା ତାଜା ନ୍ୟୁଜ୍ (୨୧ ଅକ୍ଟୋବର ବୁଧବାର ) ଓଡ଼ଗାଁ :- ଓଡ଼ଗାଁ ବ୍ଲକ ଅନ୍ତର୍ଗତ କୁରାଳ ଗ୍ରାମପଞ୍ଚାୟତ ର ଦଣ୍ଡୋର ନିକଟରେ ଆଜି ଭୋର ସକାଳ ପ୍ରାୟ ୫ ଘଟିକା ସମୟରେ ଏକ ଅଚିହ୍ନା ବୋଲେରୋ ଧକ୍କାରେ ଦୁଇ ଭଉଣୀ ଆହତ ହୋଇଛନ୍ତି । ସକାଳୁ ସକାଳୁ ଦୁଇ ଭଉଣୀ ମର୍ଣ୍ଣିଙ୍ଗ ୱାର୍କ କରୁଥିବା ସମୟରେ ବୋଲେରୋ ଧକ୍କାରେ ଆହତ ଦୁଇ ଭଉଣୀ ହେଲେ ରିଙ୍କି ପ୍ରଧାନ ଏବଂ ସୋନାଲି ରାଉତ । ସକାଳୁ ନିଜ ଗ୍ରାମ ଦଣ୍ଡୋର ଆଡୁ କୁରାଳ ଅଭିମୁଖେ ମର୍ଣ୍ଣିଙ୍ଗ ୱାର୍କରେ ଆସୁଥିବା ବେଳେ ଉକ୍ତ ଦୁଇ ଭଉଣୀ ଙ୍କୁ ଓଡ଼ଗାଁ ଅଭିମୁଖେ ଯାଉଥିବା ଏକ ଧଳା ବୋଲେରୋ ତାଙ୍କୁ ପଛପଟୁ ଧକ୍କା ଦେଇ ଘଟଣାସ୍ଥଳରୁ ଦୃତ ଗତିରେ ପଳାଇଥିଲା ।
ସ୍ଥାନୀୟ ବାସିନ୍ଦା ଦୁଇ ଭଉଣୀ ଙ୍କୁ ଗୁରୁତର ଆହତ ଅବସ୍ଥାରେ ଓଡ଼ଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ଭର୍ତ୍ତି କରିଥିଲେ । ଯାହା ଫଳରେ ଏବେ ଦୁଇ ଭଉଣୀ ସୁସ୍ଥ ଥିବାର ଜଣାପଡିଛି । ବର୍ତ୍ତମାନ ସୁଦ୍ଧା ଉକ୍ତ ବୋଲେରୋ କାହାର ଓ କେଉଁଠାର ତାହାର କୌଣସି ପତ୍ତା ମିଳିନାହିଁ । ଆହାତଙ୍କ ପରିବାର ତରଫରୁ ଏ ନେଇ ଓଡ଼ଗାଁ ଆଦର୍ଶ ଥାନା ରେ ଏକ ଲିଖିତ ଅଭିଯୋଗ କରାଯାଇଛି । ଏବଂ ପୋଲିସ ତଦନ୍ତ ଜାରି ରଖିଛି । (ରିପୋର୍ଟ :-ଓଡ଼ଗାଁ / କୁରାଳରୁ – ଅଶ୍ଵିନୀ କୁମାର ସାହୁ )
