ଓଡ଼ିଶା ତାଜା ନ୍ୟୁଜ (୧୯ ଅକ୍ଟୋବର ସୋମବାର) ପାରଳାଖେମୁଣ୍ଡି :- ବନ ବିଭାଗ ଓ କାଠ ମାଫିଆ ଙ୍କ ମଧ୍ୟରେ ମଧୁ ଚନ୍ଦ୍ରିକା ଜଗୁ ଗଜପତି ଜିଲ୍ଲାର ଲାବଣ୍ୟଗଡ ଠାରେ ଥିବା ବିରଳ ରକ୍ତ ଚନ୍ଦନ ବନରୁ ଆନ୍ତଃରାଜ୍ୟ ଓ ଆନ୍ତର୍ଜାତୀୟ ମାଫିଆଙ୍କ ଦ୍ୱାରା କଟାଯାଇ ଅତ୍ୟନ୍ତ ଗୋପନୀୟ ଭାବେ ରଖାଯାଇଥିବା ୬କ୍ୱିଣ୍ଟାଲ ୬୦କେଜି ରକ୍ତ ଚନ୍ଦନକୁ ଜବତ କରାଯାଇଥିବା ଜଣାଯାଇଛି । ଏହା ଗାରବନ୍ଧ ଥାନା ନିକଟସ୍ଥ ଆନ୍ଧ୍ର ସୀମାନ୍ତ ଭୀମପୁର ଗ୍ରାମର ଏକ ପରିତ୍ୟକ୍ତ ଘରେ ଅତ୍ୟନ୍ତ ଗୋପନୀୟ ଭାବେ ରଖାଯାଇଥିଲା । ଏହାର ସୁଚନା ପାରଳା ଡିଏଫଓ ସଂଗ୍ରମ କେଶରୀ ବେହେରାଙ୍କ ଠାରେ ପହଞ୍ଚିବା ପରେ ବନ ବିଭାଗ ଓ ପୋଲିସ ମିଳିତ ଭାବେ ସ୍ୱତନ୍ତ୍ର ଚଢାଉ କରି ରକ୍ତ ଚନ୍ଦନ କାଠ ଗୁଡିକୁ ଜବତ କରିଛନ୍ତି ।
କିନ୍ତୁ ଏହି ଘଟଣାରେ କାହାକୁ ଗିରଫ କରାଯାଇ ନାହିଁ । ଆନ୍ତଃରାଜ୍ୟ ଓ ଆନ୍ତର୍ଜାତୀୟ ମାଫିଆ ମାନଙ୍କ ସହ କେତେକ ଦଲାଲଙ୍କ ମିଳିତରେ ଗଠିତ ହୋଇଥିବା ରକ୍ତଚନ୍ଦନ ଚୋରା ଚାଲାଣ ର୍ୟାକେଟ ଏଥିରେ ଖସି ପଳାଇବାରେ ସକ୍ଷମ ହୋଇଛନ୍ତି ନା ଜାଣିଶୁଣି ବନବିଭାଗ ର କେତେକ ଦୁର୍ନୀତି ଗ୍ରସ୍ତ ଅଧିକାରୀଙ୍କ ସହ ରହିଥିବା ଗୁପ୍ତ ସଂପର୍କ ପଦା ପଡ଼ିଯିବା ଆଶଙ୍କା କରି ତାଙ୍କୁ ଫେରାର ହେବା ପାଇଁ ସୁଯୋଗ ଦିଆଯାଇଛି ତାର ତଦନ୍ତ ହେବା ଆବଶ୍ୟକ l ପାରଳା ବନଖଣ୍ଡର ଅଧିନରେ ଥିବା ରକ୍ତଚନ୍ଦନ ବନରୁ କର୍ମଚାରୀ ଓ ଅଧିକାରୀଙ୍କ ଅଜ୍ଞାତ ସାରରେ କିଭଳି ୬କ୍ୱିଣ୍ଟାଲ ୬୦କେଜି ୧୮ ଖଣ୍ଡ ରକ୍ତ ଚନ୍ଦନ କାଠ ଭୀମପୁର ଗ୍ରାମର ଏକ ପରିତକ୍ତ ଘରକୁ ଆସିଲା? । ଅତ୍ୟନ୍ତ ମୁଲ୍ୟବାନ ମୋହଷଧି ତିଆରି ପାଇଁ ଆନ୍ତର୍ଜାତୀୟ ବଜାରରେ ରକ୍ତଚନ୍ଦନର ଚାହିଦା ଯଥେଷ୍ଟ ପରିମାଣରେ ରହିଛି ।
ଆନ୍ତର୍ଜାତୀୟ ବଜାରରେ ୬କ୍ୱିଣ୍ଟାଲ ୬୦କେଜି ରକ୍ତ ଚନ୍ଦନର ମୁଲ୍ୟ ୪୦ରୁ୫୦ ଲକ୍ଷ ଟଙ୍କା ହେବ । ତେଣୁ ଏହି ମାଫିଆମାନେ ଅଞ୍ଚଳର କେତେକ ଦଲାଲ ଓ ଦୁର୍ନିତି ଗ୍ରସ୍ତ କର୍ମଚାରୀଙ୍କ ସହାୟତାରେ ବିରଳ ଓ ଅତ୍ୟନ୍ତ ମୁଲ୍ୟବାନ ଚନ୍ଦନ ଗଛକୁ କାଟି ଚୋରା ଚାଲାଣ କରୁଛନ୍ତି । ବନ ବିଭାଗ ଅଧିନରେ ଥିବା ଲାବଣ୍ୟଗଡ ବିରଳ ରକ୍ତଚନ୍ଦନ ବଗିଚାରୁ ଜବତ୍ ରକ୍ତ ଚନ୍ଦନ କାଠ କାଟି ନିଆଯାଇଥିବା ସନ୍ଦେହ କରାଯାଉଛି l ଏହାର ଉଚ୍ଚସ୍ତରୀୟ ତଦନ୍ତ କଲେ ବନ ବିଭାଗର କେତେକ ଅଧିକାରୀ ଓ କାଠା ମାଫିଆ ଙ୍କ ମଧ୍ୟରେ ଥିବା ସଂପର୍କ ଜଣା ପଡ଼ିବ ବୋଲି ଏ ଅଞ୍ଚଳର ସର୍ବ ସାଧାରଣ ରେ ଦାବୀ ହେଉଛି l (ପାରଳାଖେମୁଣ୍ଡି, ଗରୁଡ଼ ଧ୍ୱଜ ଚୌଧୁରୀ)
