ଓଡ଼ିଶା ତାଜା ନ୍ୟୁଜ (୧୮ ଅକ୍ଟୋବର ରବିବାର ) ବାଲେଶ୍ବର /ରିପୋର୍ଟ ଅଭିମନ୍ୟୁ ,ଦୀପ୍ତିମାନ୍ ପତି :- ବାଲେଶ୍ଵର ଉପନିର୍ବାଚନ ରେ ,ବିଜେଡିର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ଉପନିର୍ବାଚନ ପାଇଁ ବିଧାୟକ ପ୍ରାର୍ଥୀ ନାମ ଘୋଷଣା କରିବା ପରେ ରାଜ୍ୟ ସ୍ତରୀୟ ବିଜେଡି ବରିଷ୍ଠ ନେତାଙ୍କ ପ୍ରତ୍ୟକ୍ଷ ତତ୍ୱାବଧାନ ରେ ପ୍ରଚାର କାର୍ଯ୍ୟ ଜୋର୍ ଧରିଛି । ବାଲେଶ୍ୱର ଜିଲ୍ଲା ବିଜୁ ଜନତା ଦଳ ପକ୍ଷରୁ ଏକ ମହାମିଶ୍ରଣ ପର୍ବରେ ଆଜି ଜିଲ୍ଲା ବିଜେପି ସାଧାରଣ ସମ୍ପାଦକ ତୁଷାରକାନ୍ତି ବେହେରା, ମଣ୍ଡଳ ସଭାପତି ଓ ୧୦୦ ରୁ ଅଧିକ ବିଜେପି କର୍ମୀ ଆଜି ଦଳ ଛାଡି ବିଜେଡି ରେ ଯୋଗ ଦେଇଛନ୍ତି ।
ଏହି ମିଶ୍ରଣ ପର୍ବ ରେ ମନ୍ତ୍ରୀ ନବ କିଶୋର ଦାସ,ମନ୍ତ୍ରୀ ପ୍ରେମାନନ୍ଦ ନାୟକ,ମନ୍ତ୍ରୀ ପ୍ରତାପ ଜେନା,ବିଧାୟକ ତଥା ପୂର୍ବତନ ମନ୍ତ୍ରୀ ଦେବୀ ମିଶ୍ର, ବିଧାୟକ ସୁଶାନ୍ତ ରାଉତ , ବାଲେଶ୍ଵର ଜିଲ୍ଲା ବିଜୁ ଜନତା ଦଳର ସଭାପତି ତଥା ପୂର୍ବତନ ସାଂସଦ ଶ୍ରୀ ରବୀନ୍ଦ୍ର ଜେନା ଓ ବରୀ ବିଜୁ ଜନତା ଦଳର ମାର୍ଗଦର୍ଶକ ଶ୍ରୀ ଦେବେନ୍ଦ୍ର ଦାସ ପ୍ରମୁଖ ଯୋଗ ଦେଇଥିଲେ ।
ବାଲେଶ୍ଵର ନଗର ନିଗମ ରେ ୨ନମ୍ବର ୱାର୍ଡ ରେ ବିଜୁ ଜନତା ଦଳର ର ପ୍ରାର୍ଥୀ ଶ୍ରୀଯୁକ୍ତ ସ୍ୱରୂପ କୁମାର ଦାସ ଙ୍କ ପାଇଁ ପ୍ରଚାର ଦାୟିତ୍ୱ ରେ ଥିବା , ବରୀ ବିଜୁ ଜନତା ଦଳର ଆବାହକ ଶ୍ରୀଯୁକ୍ତ ଦେବେନ୍ଦ୍ର ଦାସ , ଶ୍ରୀଯୁକ୍ତ ସ୍ୱରୂପ କୁମାର ଦାସ ଙ୍କ ଉପସ୍ଥିତ ରେ ୨ ୱାର୍ଡ ରେ ଥିବା ମହିଳା ସ୍ଵୟଂ ସହାୟକ ଗୋଷ୍ଠୀ ଓ ନନଷ୍ଟପ କ୍ଳବ୍ ର ସଦସ୍ୟ ମାନଙ୍କ ସହ ଆଲୋଚନା କରିଲେ ଓ ବିଜୁ ଜନତା ଦଳ କୁ ବହୁ ସଂଖ୍ୟକ ଭୋଟ ଦେଇ ଜୟଯୁକ୍ତ କରିବାକୁ ନିବେଦନ କଲେ ।
