ଓଡ଼ିଶା ତାଜା ନ୍ୟୁଜ (୧୪ ଅକ୍ଟୋବର ବୁଧବାର ) ମାହାଙ୍ଗା :- ବରିଷ୍ଠ ସାମ୍ବାଦିକ ତଥା ଓଡି ନିଉଜ ର କଟକ ଜିଲ୍ଲା ପ୍ରତିନିଧି ସୁବାସ ମହାନ୍ତି ଙ୍କ ବ୍ରେନ ଷ୍ଟ୍ରୋକ ରେ କଟକ ସ୍ଥିତ ଏକ ଘରୋଇ ନର୍ସିଙ୍ଗ ହୋମ ରେ ପରଲୋକ ହୋଇଯାଇଛି । ଗତ ଚାରିଦିନ ପୂର୍ବେ ଶ୍ରୀ ମହାନ୍ତି ନିଜ ବାସଭବନ ରେ ସୋଇଥିବା ସମୟରେ ମସ୍ତିଷ୍କ ରେ ଯନ୍ତ୍ରଣା ଅନୁଭବ କରିବା ସହ ଚେତାଶୂନ୍ୟ ହୋଇଯାଇଥିଲେ । ତୁରନ୍ତ ତାଙ୍କୁ ମେଡ଼ିକାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଥିଲା । ଗତ ମଙ୍ଗଳବାର ଦିନ ତାଙ୍କ ମସ୍ତିଷ୍କରେ ଅସ୍ତ୍ରୋପଚାର ପାଇଁ ପ୍ରସ୍ତୁତି ଚାଲିଥିବାବେଳ ସେ ଗୁରୁତର ଅସୁସ୍ଥ ହେବା ସହ କୀଡୀନି ଫେଲ ହୋଇଯିବା ସହ ତାଙ୍କର ମୃତ୍ୟୁ ହୋଇଥିଲା । ମୃତ୍ୟୁ ବେଳକୁ ତାଙ୍କୁ 54 ବର୍ଷ ହୋଇଥିଲା ।
ସେ ପ୍ରଜାତଂତ୍ର, ସାହାଣମେଲା ଓ ଓଡ଼ିନିଉଜ ରେ ଜିଲ୍ଲା ପ୍ରତିନଧି ଭାବେ କାର୍ଯ୍ୟ କରି ସମସ୍ତଙ୍କର ନିକଟତର ହୋଇଥିଲେ । ସେ ମାହାଙ୍ଗା ଅଂଚଳରେ ଜଣେ ନିର୍ଭିକ ନିସ୍ଵାର୍ଥପର ପରୋପକାରୀ ସାମ୍ବାଦିକ ଭାବେ ପରିଚିତ ଥିଲେ । କଟକ ସ୍ଥିତ କାଳିଆ ବୋଦାରେ ଅନ୍ତିମସଂସ୍କାର କରାଯାଇଥିଲା । ତାଙ୍କ ବିୟୋଗରେ ସାମ୍ବାଦିକ ସାହିତ୍ୟିକ ଭକ୍ତ ଚରଣ ସାହୁ, ମାହାଙ୍ଗା ପ୍ରେସ କ୍ଲବ ସଭାପତି ଦୀପକ ସାହୁ, କାର୍ଯ୍ୟକାରୀ ସଭାପତି ଲଷ୍ମୀଧର ଖୁଣ୍ଟିଆ, ବରିଷ୍ଠ ସାମ୍ବାଦିକ ସୀତାନାଥ ସିଂହ, ସାମ୍ବାଦିକ ଅଶୋକ ଦାସ, ଅମୀୟ ନାୟକ ରମେଶ ସାହୁ , ତାପସ ବିଶ୍ୱାଳ ଅସିତ ସାମଲ ଅର୍ଜୁନ ସାହୁ ସମେତ ପ୍ରେସ କ୍ଲବ ର ସମସ୍ତ ସାମ୍ବାଦିକ କର୍ମକର୍ତ୍ତା ସ୍ବର୍ଗତ ମହାନ୍ତିଙ୍କ ପରିବାର ପ୍ରତି ଗଭୀର ସମବେଦନା ଜଣାଇବା ସହ ତାଙ୍କ ଅମର ଆତ୍ମାର ସଦଗତି ନିମନ୍ତେ ଭଗବାନଙ୍କୁ ପାର୍ଥନା କରିଛନ୍ତି । (ମାହାଙ୍ଗା / ଲଷ୍ମୀଧର ଖୁଣ୍ଟିଆ )
