ନୟାଗଡ ଜିଲ୍ଲା (ଓଡିଶା ତାଜା ନିଉଜ୍) ରଣପୁର :- 9.1.2020 ଓଡିଶା ୟୁନିଅନ୍ ଅଫ୍ ଜର୍ନାଲିଷ୍ଟର ନୟାଗଡ ଶାଖା ଜିଲ୍ଲା ସଭାପତି ବରିଷ୍ଠ ସାମ୍ବାଦିକ ଅଶୋକ ରଥଙ୍କ ଦେହାନ୍ତରେ ରଣପୁର ପ୍ରେସ୍ କ୍ଲବ ତରଫରୁ ତାଙ୍କ ଅମର ଆତ୍ମାର ସଦ୍ଗତି କାମନା ପାଇଁ ଜାନୁୟାରୀ ୯ ତାରିଖ ୧୧ ଘଟିକା ସମୟରେ ତଳ ମଣିନାଗ ପୀଠରେ ଏକ ସମୁହ ଦୀପଦାନ କରାଯାଇଥିଲା । ରଣପୁର ପ୍ରେସ କ୍ଲବ ର ସମୂହ ସାମ୍ବାଦିକ ଭାଇ ମାନେ ଶୋକ ପ୍ରକାଶ କରିଛନ୍ତି ।
ଉପର ମଣିନାଗ ପୀଠରେ ଏକ ଶୋକ ସଭା କରାଯାଇ ଶ୍ରଦ୍ଧାଞ୍ଜଳୀ ପ୍ରଦାନ କରାଯାଇଥିଲା । ୰ଅଶୋକ ରଥ ପ୍ରଗତିବାଦୀ ଖବର କାଗଜର ନୟାଗଡ ଜିଲ୍ଲା ପ୍ରତିନିଧି ଭାବେ ଦୀର୍ଘ ବର୍ଷ କାର୍ଯ୍ୟ କରିଥିଲେ । ପରେ ପ୍ରଜା ଆନ୍ଦୋଳନ ପାକ୍ଷିକ ପତ୍ରିକାର ସମ୍ପାଦକ ଭାବେ କାର୍ଯ୍ୟ କରୁଥିଲେ । ୬୦ବର୍ଷ ବୟସରେ କିଡ୍ଡିନ୍ ରୋଗରେ ପିଡୀତ ହୋଇ ନୟାଗଡସ୍ଥ ନିଜ ବାସ ଭବନରେ ଶେଷ ନିଶ୍ୱାସ ତ୍ୟାଗ କରିଥିଲେ ।
ତାଙ୍କର ବିୟୋଗରେ ଓଡିଶା ୟୁନିଅନ୍ ଅଫ୍ ଜର୍ନାଲିଷ୍ଟର ରାଜ୍ୟ ଶୃଙ୍ଖଳା କମିଟି ଅଧ୍ୟକ୍ଷ ଆଚାର୍ଯ୍ୟ ବିଶ୍ୱରଂଜନ ଗଭୀର ଶୋକ ପ୍ରକାଶ କରିଛନ୍ତି ।
କେବଳ ନୟାଗଡ ଜିଲ୍ଲା ନୁହେଁ ସାରା ଓଡିଶା ଜଣେ ବିଦ୍ୱାନ,ଜ୍ଞାନୀ,ଆଇନଜ୍ଞ,ବରିଷ୍ଠ ସାମ୍ବାଦିକଙ୍କୁ ହରାଇ ନୟାଗଡ ଜିଲ୍ଲାରେ ଏକ ଶୁନ୍ୟସ୍ଥାନ ସୃଷ୍ଟି ହୋଇଛି । ପୁରୀ ସ୍ୱର୍ଗଦ୍ୱାରରେ ତାଙ୍କର ଅନ୍ତିମ ସଂସ୍କାର କରାଯାଇଥିବା ଜଣାପଡିଛି । ଓୟୁଜେର ରାଜ୍ୟ ସଭାପତି ପ୍ରସନ୍ନ ମହାନ୍ତି ମଧ୍ୟ ଗଭୀର ଶୋକ ପ୍ରକାଶ କରିଛନ୍ତି ।
