ଓଡ଼ିଶା ତାଜା ନ୍ୟୁଜ (୧୨ ଅକ୍ଟୋବର ସୋମବାର ) ମାହାଙ୍ଗା :- ମାହାଙ୍ଗାରୁ ଲିଭିଗଲା ଆଉ ଏକ ପ୍ରଦୀପ, ଆର ପାରିରେ ମାହାଙ୍ଗା ର ସୁସାହିତ୍ୟିକ, ସଂସ୍କୃତିପ୍ରେମୀ, ପ୍ରାକ୍ତନ ସାଂସଦ,ପୂର୍ବତନ ମନ୍ତ୍ରୀ ପ୍ରାକ୍ତନ ବାଚସ୍ପତି ବାଗ୍ମୀ ଶରତ କର । ଆଜି ତାଙ୍କର ଭୁବନେଶ୍ୱର ର ଏକ ଘରୋଇ ନର୍ସିଙ୍ଗ ହୋମରେ ଚିକିତ୍ସାଧୀନ ଅବସ୍ଥାରେ 81ବର୍ଷ ବୟସରେ ଦେହାନ୍ତ ହୋଇଛି । ସେ ମାହାଙ୍ଗା ନିର୍ବାଚନ ମଣ୍ଡଳୀରୁ ତିନିତିନି ଥର ନିର୍ବାଚିତ ହୋଇ ରାଜ୍ୟର ଶିକ୍ଷା ସଂସ୍କୃତି, କ୍ରୀଡା ସୂଚନା ଲୋକସମ୍ପର୍କ ମନ୍ତ୍ରୀ ହେବାସହ ବିଜେଡି ସରକାର ସମୟରେ 2000 ମସିହାରେ ବାଚସ୍ପତି ହୋଇଥିଲେ । ସେ ମାହାଙ୍ଗାର ଜଣେ ଅଗ୍ନିବର୍ଷୀ ସୁବକ୍ତା ସହ ସଂସ୍କୃତି ପରମ୍ପରାର ପୁଜାରିଥିଲେ । ସେ ମାହାଙ୍ଗା ବ୍ଲକର ଶ୍ରୀକୃଷ୍ଣପୁର ପଂଚାୟତ ଆଡ଼ମମହେଶପୁର ଗ୍ରାମରେ 1939ମାସିହାରେ ଜନ୍ମ ଗ୍ରହଣ କରିବା ସହ 1971 ମସିହାରେ ଅଧ୍ୟାପକ ଚାକିରୀ ଛାଡି ରାଜନୀତିରେ ପାଦଦେଇ ସାଂସଦ ମନ୍ତ୍ରୀ ଓ ବାଚସ୍ପତି ହୋଇଥିଲେ ।
ସେ ବିଜୁ ବାବୁଙ୍କ ଅତିଅନ୍ତରଙ୍ଗ ଘନିଷ୍ଠ ବନ୍ଧୁ ଭାବେ ସର୍ବତ୍ର ପରିଚିତ ଥିଲେ ଥିଲେ । ତାଙ୍କ ବିୟୋଗରେ ମାହାଙ୍ଗା ନିର୍ବାଚନ ମଣ୍ଡଳୀ ସ୍ତବ୍ଧ ହୋଇଛି । ଶରତ କରଙ୍କ ବିୟୋଗରେ ପଚାଂୟତିରାଜ ମନ୍ତ୍ରୀ ପ୍ରତାପ ଜେନା ଶୋକ ପ୍ରକାଶ କରିବାସହ “ଓଡିଶାର ଅନ୍ୟତମ ବାଗ୍ମୀ ପ୍ରତିଭାଧର ରାଜ ନେତା ପୂର୍ବତନ ମନ୍ତ୍ରୀ , ସାଂସଦ ଓ ବାଚସ୍ପତି ଶରତ କରଙ୍କ ବିୟୋଗ ଖବର ପାଇ ଅତ୍ୟନ୍ତ ମର୍ମାହତ । ସ୍ୱର୍ଗତ କର ମାହାଙ୍ଗା ଅଂଚଳରେ ନିଜର ସ୍ୱତନ୍ତ୍ରତା ପାଇଁ ଘରେ ଘରେ ସୁପରିଚ ଥିଲେ । ଜଣେ ବିଶିଷ୍ଟ ଶିକ୍ଷାବିତ୍ , ସାହିତ୍ୟିକ , ସଂଗ୍ରାମୀ ନେତା , ସୁବକ୍ତା ଭାବରେ ସାରା ରାଜ୍ୟରେ ଖ୍ୟାତି ଅର୍ଜନ କରି ମାହାଙ୍ଗା ପାଇଁ ଗୌରବ ଆଣିଦେଇଥିଲେ ।
ମାହାଙ୍ଗା ଅଂଚଳର ବିକାଶ ପାଇଁ ତାଙ୍କର ଅବଦାନ ନିମନ୍ତେ ସେ ସଦା ସ୍ମରଣୀୟ ହୋଇ ରହିବେ । ତାଙ୍କର ଅମର ଆତ୍ମାକୁ ବିନମ୍ର ଶ୍ରଦ୍ଧାଞ୍ଜଳୀ ଜଣାଇ ତାଙ୍କ ଶୋକ ସନ୍ତପ୍ତ ପରିବାର ବର୍ଗଙ୍କ ପ୍ରତି ଗଭୀର ସମବେଦନା ଜଣାଇଛନ୍ତି । ପୂର୍ବତନ ବିଧାୟକ ବିକ୍ରମ କେଶରୀ ବର୍ମା, ମାହାଙ୍ଗା ବ୍ଲକ ଅଧକ୍ଷ ଶରତ ନାୟକ, ପ୍ରାକ୍ତନ ବ୍ଲକ ଅଧକ୍ଷ ଭିକାରି ସ୍ୱାଇଁ, ରାଜକିଶୋର ଜେନା, ସାହିତ୍ୟିକ ଭକ୍ତ ଚରଣ ସାହୁ, ରାମଚନ୍ଦ୍ର ବେହେରା, ଶିକ୍ଷାବିତ ଭାବଗ୍ରାହୀ ରାଉତ, ଡ଼ଃ ଯୁଧିଷ୍ଠିର ଖଟୁଆ, କଂଗ୍ରେସ ନେତା ଦେବେନ୍ଦ୍ର ସାହୁ, ପ୍ରଦୀପ୍ତ କୁମାର ଦାଶ, ଡ଼ଃ ସନ୍ତୋଷ ବଳ, କୁଳମଣି ବରାଳ, ବିଜେପି ନେତା ସାରଦା ପ୍ରଧାନ,
ମାହାଙ୍ଗା ପ୍ରେସ କ୍ଲବ ସଭାପତି ଦୀପକ ସାହୁ, କାର୍ଯ୍ୟକାରୀ ସଭାପତି ଲଷ୍ମୀଧର ଖୁଣ୍ଟିଆ, ବରିଷ୍ଠ ସାମ୍ବାଦିକ ସୀତାନାଥ ସିଂହ, ସାମ୍ବାଦିକ ଅଶୋକ ଦାସ, ଅମୀୟ ନାୟକ ରମେଶ ସାହୁ, ତାପସ ବିଶ୍ୱାଳ, ଅସିତ ସାମଲ ସମେତ ମାହାଙ୍ଗା ପ୍ରେସ କ୍ଲବ ର ସମସ୍ତ ସାମ୍ବାଦିକ କର୍ମକର୍ତ୍ତା ସ୍ବର୍ଗତ କର ଙ୍କ ପରିବାର ପ୍ରତି ଗଭୀର ସମବେଦନା ଜଣାଇଛନ୍ତି । ସନ୍ଧ୍ୟାରେ ଭୁବନେଶ୍ୱର ସତ୍ୟନଗର ରେ ସ୍ବର୍ଗତ କରଙ୍କ ଅନ୍ତିମ ସଂସ୍କାର କରାଯାଇଛି । (ରିପୋର୍ଟ – ଲଷ୍ମୀଧର ଖୁଣ୍ଟିଆ )
