ଓଡ଼ିଶା ତାଜା ନ୍ୟୁଜ (୧୨ ଅକ୍ଟୋବର ସୋମବାର ) ବାଲେଶ୍ୱର :- ଜମିଲା ଉପ ନିର୍ବାଚନ ମଇଦାନ । ବାଲେଶ୍ୱର ଉପର୍ନିବାଚନ ଲାଗି ନିଜ ପ୍ରାର୍ଥୀ ଘୋଷଣା କଲା ବିଜେପି । ବାଲେଶ୍ୱରରେ ପୂର୍ବତନ ବିଧାୟକ ମଦନମୋହନ ଦତ୍ତଙ୍କ ପୁଅ ମାନସ ଦତ୍ତଙ୍କୁ ଦଳ ପ୍ରାର୍ଥୀ କରିଛି । କଂଗ୍ରେସରେ ଅଙ୍କ ଛିଡୁନି । ଯାହାକୁ ନେଇ ଗୋଷ୍ଠୀ କନ୍ଦଳ ବି ତେଜିବାରେ ଲାଗିଛ l ବାଲେଶ୍ୱର ବିଧାନସଭା ଆସନ ଲାଗି ଦଳ ପ୍ରାର୍ଥୀ ଘୋଷଣା କରିଛି । ବାଲେଶ୍ୱରରେ ଦିବଙ୍ଗତ ବିଧାୟକ ମଦନମୋହନ ଦତ୍ତଙ୍କ ପୁଅ ମାନସ ଦତ୍ତଙ୍କ ଉପରେ ଦଳ ଭରସା କରିଛି । ଭୋଟରଙ୍କ ସମବେଦନା ସାଉଣ୍ଟିବା ସହ ମାନସ ଏହି ଆସନକୁ ବଜାୟ ରଖିପାରିବେ ବୋଲି ବିଜେପିର ବିଶ୍ୱାସ ରହିଛି ।
ପ୍ରାର୍ଥୀ ଘୋଷଣା ସହ ଦଳ ପ୍ରଚାର ଅଭିଯାନ ଆରମ୍ଭ କରିବାକୁ ସଜବାଜ ହେଉଛି । କଂଗ୍ରେସରେ ଛକାପଞ୍ଝା ଲାଗି ରହିଛି । ଅନ୍ୟପକ୍ଷରେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ପୁଅ ନବଜ୍ୟୋତି କିମ୍ବା ଜଣେ ମହିଳା ସମାଜସେବୀଙ୍କୁ କଂଗ୍ରେସ ବାଲେଶ୍ୱର ଆସନରେ ପ୍ରାର୍ଥି କରିବା ସମ୍ଭାବନା ରହିଛି । ଗତ ଥର ଯିଏ ପ୍ରାର୍ଥି ହୋଇଥିଲେ ସେ ଏଥର ପ୍ରାର୍ଥି ହେବେ ନାହିଁ ବୋଲି କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି କହିଛନ୍ତି । (ଦୀପ୍ତିମାନ ପତି /ବାଲେଶ୍ୱର)
