ଓଡ଼ିଶା ତାଜା ନ୍ୟୁଜ (୮ ଅକ୍ଟୋବର ଗୁରୁବାର) ବରଗଡ଼ :- ନେତାଜୀ ସୁବାଷ ଚନ୍ଦ୍ର ବୋଷଙ୍କ ଆହ୍ବାନରେ ଅନୁ ପ୍ରାଣିତ ହୋଇ ଶେଖ୍ ରାମଜାନ କୁରେସୀ ଆଜାଦ୍ ହିନ୍ଦ୍ ଫୌଜରେ ସାମିଲ ହୋଇଥିଲେ । ମଧ୍ୟ ପ୍ରଦେଶର ମୂଳ ନିବାସୀ ସ୍ବର୍ଗତ କୁରେସୀ ଗତ ପଚାଶ ବର୍ଷରୁ ଉର୍ଦ୍ଧ୍ବ ସମୟ ହେବ ବରଗଡ଼ ଜିଲ୍ଲାର ମାଣ୍ତୋସିଲ ଗ୍ରାମକୁ ଆସି ସେଠାରେ ସ୍ଥାୟୀ ଭାବରେ ରହି ଆସୁଥିଲେ । ସ୍ବର୍ଗତ କୁରେସୀ ସପ୍ତାହିକ ବଜାର ବୁଲି ଛତା ଏବଂ ତାଲା ଚାବି ମରାମତି କରି ପରିବାର ପ୍ରତି ପୋଷଣ କରୁଥିଲେ । ତାଙ୍କ ସ୍ତ୍ରୀ ମଧ୍ୟ ଘରକୁ ଘରବୁଲି ମହିଳା ମାନଙ୍କୁ ଚୁଡି ବିକ୍ରୀ କରୁଥିଲେ ।
କୁରେସୀଙ୍କ ଧର୍ମପତ୍ନୀ ମିନତ୍ ବାଈ ବି କୁରେସୀ ବେଗମ ଚୁଡି ବିକ୍ରୀ କରି ପରିବାର ପରି ପୋଷଣ କରୁଥିବା ସଂବାଦ ଗତ କିଛି ମାସ ତଳେ ସାରା ଓଡିଶାରେ ହଇଚଇ ସୃଷ୍ଟି କରିଥିଲା । ଆଜି ଅପରାହ୍ନ ୨ଟା ୩୦ ମିଟର ସମୟରେ ସ୍ବର୍ଗତ କୁରେସୀଙ୍କ ଧର୍ମପତ୍ନୀ ମିନତ୍ ବାଈ ବି କୁରେସୀ ତାଙ୍କ ମାଣ୍ତୋସିଲ ସ୍ଥିତ ବାସଭବନରେ ଦେହାନ୍ତ ହୋଇ ଯାଇଛି । ତାଙ୍କୁ ୭୦ ବର୍ଷ ହେଉଥିବା ବେଳେ ଗତ ଚାରି ପଞ୍ଚା ଦିନ ହେଲା ଜୂର ହେଉଥିବା କଥା ତାଙ୍କର ଏକମାତ୍ର ପୁତ୍ର ଅଲ୍ଲି ମହମ୍ମଦ କୁରେସୀଙ୍କ ଠାରୁ ସୂଚନା ମିଳିଛି । ଘରୋଇ ଆର୍ଥିକ ପରିସ୍ଥିତି ଠିକ୍ ନଥିବାରୁ କୌଣସି ବଡ ହସପିଟାଲ ରେ ମୋର ମାଁଙ୍କ ଚିକିତ୍ସା କରି ପାରିଲି ନାହିଁ ବୋଲି ଅଲ୍ଲି ମହମ୍ମଦ କୁରେସୀ କ୍ଷୋଭ ପ୍ରକାଶ କରିଛନ୍ତି ।
ବରତୁଣ୍ତା ଗ୍ରାମର କବର ସ୍ଥାନ ଠାରେ ଯେଉଁ ଠାରେ ଶେଖ୍ ରାମଜାନ କ୍ବିରେସିଙ୍କ ୫ ବର୍ଷ ତଳେ ଯେଉଁ ଠାରେ କବର ଦିଆ ହୋଇଥିଲା ତାଙ୍କ ପାଖରେ ମିନତ୍ ବାଈ ବି କୁରେସୀଙ୍କୁ କବର ଦିଆଯିବ ବୋଲି ପରିବାର ସୂତ୍ରରୁ ପ୍ରକାଶ । ପଦ୍ମପୁର ପୂର୍ବତନ ବିଧାୟକ ତଥା ବିଜେପି କୃଷକ ମୋର୍ଚ୍ଚା ରାଜ୍ୟ ସଭାପତି ଶ୍ରୀ ପ୍ରଦୀପ ପୁରୋହିତ ମିନତ୍ ବାଈ ବି କୁରେସୀଙ୍କ ମୃତ୍ୟୁରେ ଗଭୀର ଶୋକ ପ୍ରକାଶ କରିବା ସହ ଗୋଟିଏ ସ୍ବାଧୀନତା ସଂଗ୍ରାମୀ ପରିବାର କୁ ରାଜ୍ୟ ସରକାର ସାମାନ୍ୟ ଚିକିତ୍ସା ସୁବିଧା ମଧ୍ୟ ଯୋଗାଇ ଦେଇ ପାରିଲେ ନାହିଁ ବୋଲି କ୍ଷୋଭ ପ୍ରକାଶ କରିଛନ୍ତି । ସମାଜସେବୀ ତଥା ବରଗଡ଼ ଜିଲ୍ଲା ପ୍ରତିନିଧି ବିଜେପି ଲଳିତ ଜଗତ,ମାଣ୍ତୋସିଲ ଗ୍ରାମ୍ଯ କମିଟି ପୂର୍ବତନ ସଭାପତି ଶେଖ୍ ମହମ୍ମଦ ହନିଫ ପ୍ରମୁଖ ଶୋକ ପ୍ରକାଶ କରି ପରିବାରଙ୍କୁ ସମବେଦନା ଜଣାଇଛନ୍ତି ।( ସତ୍ୟ ନାରାୟଣ ପ୍ରଧାନ ବରଗଡ଼)
