ଓଡ଼ିଶା ତାଜା ନ୍ୟୁଜ (୮ ଅକ୍ଟୋବର ଗୁରୁବାର) ବରଗଡ଼ :- ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ଜାଲପାଲି ଠାରେ ନବ ନର୍ମିତ ସୋଲାର ପାୱାର ପ୍ଲାଣ୍ଟ କୁ ଭିଡିଓ କନଫରେନ୍ସ ମାଧ୍ୟମରେ ଓଡ଼ିଶାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଲୋକାର୍ପିତ କରିଛନ୍ତି । ଆଦିତ୍ୟ ବିର୍ଲା କମ୍ପାନୀ ରିନିଏବଲ ୟୁନିଟ ( ସୋଲାର ପାୱାର) ବିଜେପୁର ୟୁନିଟ ର ଲୋକାର୍ପିତ ହୋଇଥିଲା । ଯାହାକି ଜାଲପାଲି ଗ୍ରୀଡ ମାଧ୍ୟମରେ ୩୬୦୦୦ ଲୋକଙ୍କୁ ପାଓ୍ବ।ର ଯୋଗାଇ ପାରିବ ବୋଲି ସୂଚିତ କରିଥିଲେ। ୧୧୦ ଏକର ପରିମିତ ଜମି ରେ ଏହି ୟୁନିଟ ମୁଖ୍ୟତଃ ବୁଢାପାଲି, ଲେମ ଧର, ଭାଲୁ ବାହାଲ ଗ୍ରାମ ର ଚାଷୀ ପରିବାର ବର୍ଗ ଉପକୃତ ହୋଇପାରିବେ ।
ଏଠାରେ ସୂଚନାଯୋଗ୍ୟ ଯେ ଏହି ୨୫ ମେଗାୱାଟ ସୋଲାର ପାୱାର କାର୍ଯ୍ୟ ଜାନୁଆରୀ ୨୦୨୦ ରୁ ଆରମ୍ଭ ହୋଇଥିଲା। ଯାହାକି ଅକ୍ଟୋବର ୨୦୨୦ ସମ୍ପୁର୍ଣ୍ଣ ହୋଇ ବିଜେପୁର ବାସୀଙ୍କ ପାଇଁ ଲୋକାର୍ପିତ ହୋଇଛି । ଲୋକାର୍ପଣ ଉତ୍ସବ ରେ ଶ୍ରମ ଓ ଗ୍ରାମ ଉନ୍ନୟନ ମନ୍ତ୍ରୀ ସୁଶାନ୍ତ ସିଂ, ବିଧାୟକ ଦେବେଶ ଆଚାର୍ଯ୍ୟ, ବିଧାୟିକା ସ୍ନେହାଙ୍ଗିନୀ ଛୁରିଆ, ବିଧାୟିକା ରୀତା ସାହୁ, ଜିଲ୍ଲା ପ୍ରଶାସନ ପକ୍ଷରୁ ଅତିରିକ୍ତ ଜିଲ୍ଲାପାଳ ମିର୍ଦ୍ଧା ଟପ୍ପୋ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ କଲ୍ୟାଣୀ ଦାସ, ଆଦିତ୍ୟ ବିର୍ଲା କମ୍ପାନୀ ର ବରିଷ୍ଠ ମହା ପ୍ରବନ୍ଧକ ଅଜୟ ପ୍ରତାପ ସିଂ, ପ୍ରକଳ୍ପ ମୁଖ୍ୟ କେ. ଏନ୍. ଜନାର୍ଦ୍ଦନ, ଯୁଧିଷ୍ଠିର ମଲ୍ଲିକ, ଆୟୁଷ ମଞ୍ଜୁର, ସଚ୍ଚିକାନ୍ତ ମିଶ୍ର ପ୍ରମୁଖ ଉପସ୍ଥିତ ଥିଲ । (ସତ୍ୟ ନାରାୟଣ ପ୍ରଧାନ /ବରଗଡ଼ ଜିଲ୍ଲା )
