ଓଡ଼ିଶା ତାଜା ନ୍ୟୁଜ (୦୭ ଅକ୍ଟୋବର ବୁଧବାର ) ବେଗୁନିଆପଡା :- ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ଅଙ୍ଗାର ଗାଁ ତୋଟା ସାହିର ଏକ ଭଙ୍ଗା ଦଦରା କୁଡ଼ିଆ ଟିଏ ତିନି ହାତ ଜାଗାରେ ଝାଟି ମାଟି କାନ୍ଥରେ ଠିଆ ଏହି କୁଡ଼ିଆରେ ଦିନରେ ଚାଳ କଣାରେ ଆକାଶ ଦିଶେ l ଭିତରେ ଏକ ଛିଣ୍ଡା ମସିଣା ଉପରେ ଶଯ୍ୟାଶାୟୀ ଅରକ୍ଷିତ l ଅରକ୍ଷିତ ସାହୁ, ବୟସ ପାଖାପାଖି 55 l ଦୀର୍ଘ ଦିନ ହେବ ପକ୍ଷାଘାତ ରୋଗରେ ପୀଡିତ l ଚାଲିବା ପାଇଁ ବଳ ନାହିଁ କି ଠିଆ ହେବା ପାଇଁ ସାହସ ନାହିଁ l ଶେଯ ପାଖରେ ପାଣି ଢାଳ ସହ ଗ୍ଲାସ ଟିଏ ଥୁଆ ହୋଇଛି l ଦେହ ହାତ ଥରିବା ସହ ଆଖିକୁ ଦିଶିବା କମ ହୋଇଗଲାଣି l … 15 ବର୍ଷ ପୂର୍ବେ ପତ୍ନୀ ଉର୍ମିଳାଙ୍କ ମୄର୍ତ୍ୟୁ ପରେ ଦ୍ୱିତୀୟ ପତ୍ନୀ ଭାବେ ଅହଲ୍ୟା ଙ୍କୁ ବିବାହ କରିଥିଲେ l ଘରେ ପତ୍ନୀଙ୍କ ସହ ଛୋଟ ପୁଅ ଓ ଝିଅ ଙ୍କୁ ନେଇ ତାଙ୍କ ସଂସାର ଚାଲିଥିବା ବେଳେ ଦେହ ଖରାପ ହୋଇଯାଇଥିଲା l5 ବର୍ଷ ପୂର୍ବେ ହଠାତ ପକ୍ଷାଘାତ ରୋଗରେ ପୀଡିତ ହେବା ପରେ ସବୁ କିଛି ଓଲଟ ପାଲଟ ହୋଇଯାଇଥିଲା l ସବୁ ଅର୍ଥ ଦେହରେ ଖର୍ଚ୍ଚ ହେବା ପରେ ନିଃଶ୍ବ ହୋଇଯାଇଥିଲା ପରିବାର l ପତ୍ନୀ ଅହଲ୍ୟା ମୂଲ ଲାଗି ପରିବାର ଚଳlନ୍ତି ସିନା ଅରକ୍ଷିତଙ୍କ ସ୍ୱାସ୍ଥ୍ୟ ପାଇଁ ଅର୍ଥ ଅଭାବ ଯୋଗୁଁ ତାଙ୍କ ସ୍ୱାସ୍ଥ୍ୟ ଦିନକୁ ଦିନ ବିଗିଡି ଯାଉଛି l ଗତ ପ୍ରବଳ ବର୍ଷାରେ ଘର କାନ୍ଥ ଭୁଶୁଡି ପଡ଼ିଥିବା ବେଳେ ଏଯାବତ ଅଧା ଗଢ଼ା ଝାଟି କାଦୁଅ କାନ୍ଥ ରହିଛି l
ରାସନ କାର୍ଡରେ ଚାଉଳ ମିଳୁଥିବା ବେଳେ ଇନ୍ଦିରା ଆବାସ ଟିଏ ଆଜି ପର୍ଯ୍ୟନ୍ତ ମିଳିନାହିଁ l ବର୍ଷା ଦିନେ ଘର ଭିତରେ ପାଣି ଗଳୁଥିବା ବେଳେ ରାସ୍ତାର ପାଣି ମଧ୍ୟ ଘର ଭିତରେ ପଶୁଛି l ଏ ସମ୍ପର୍କରେ ଅଙ୍ଗାର ଗାଁ ସରପଞ୍ଚ ସରୋଜ କୁମାର ସାହୁଙ୍କ ସହ ଯୋଗାଯୋଗ କରିବାରେ ସେ ପ୍ରକାଶ କରିଛନ୍ତିଯେ ବିଗତ ମସିହାରେ ତାଙ୍କ ନାମ ତାଲିକାରେ ନଥିବା ବେଳେ ବର୍ତ୍ତମାନ ଇନ୍ଦିରା ଆବାସ ସେ ପାଇବା ପାଇଁ ସମସ୍ତ ପ୍ରସ୍ତୁତି ସରିଛି l ତାଙ୍କ ପାଇଁ ନିହାତି ଘର ଆବଶ୍ୟକ, ଏଣୁ ସେ ନିଶ୍ଚିତ ପାଇବେ l ଅପର ପକ୍ଷରେ ତାଙ୍କ ପତ୍ନୀ ଅହଲ୍ୟା ତାଙ୍କ ଦୁଃଖ କହିବା ବେଳେ ଆଖିରୁ ଲୁହ ନିଗିଡି ପଡୁଛି l ଘରେ କେତେ କଷ୍ଟ କରି ସ୍ୱାମୀ ଆଉ ଦୁଇଟି ପିଲାଙ୍କ ପେଟରେ ଅlହର ଦେଇପାରିବେ ବୋଲି କୋହ ଭରା ବାକ୍ୟ ପ୍ରକାଶ କରିଛନ୍ତି, ଏପରିକି ପିଲାଙ୍କ ପାଇଁ ଲୁଗା ପଟା ସାଙ୍ଗକୁ ସ୍ୱାମୀଙ୍କ ଚିକତ୍ସା ଓ ଭଙ୍ଗା ଘରେ ଜୀବନ ତାଙ୍କ ପାଇଁ ଏକ ସଂଘର୍ଷ ପାଲଟି ଯାଇଛି ବୋଲିସେ କହିଛନ୍ତି l ତାଙ୍କ ସ୍ୱାସ୍ଥ୍ୟ ଅବସ୍ଥା ଦିନକୁ ଦିନ ଖରାପ ହେବାରେ ଲାଗିଛି ସିନା ଅର୍ଥ ଅଭାବରୁ ଚିକତ୍ସା ହୋଇପାରୁନି l ଏପରି ସ୍ଥିତିରେ ପ୍ରଶାସନ ଅସହାୟ ଅରକ୍ଷିତ ପାଖରେ ଠିଆ ହେବା ସହ ତାକୁ ଓ ତା ପରିବାରକୁ ସାହା ହେବା ପାଇଁ ସେ ଆକୁଳ ନିବେଦନ କରିଛନ୍ତି l (ରିପୋର୍ଟ: ଶେଷଦେବ ସାହୁ/ ଗଞ୍ଜାମ ଜିଲ୍ଲା ବ୍ୟୁରୋ)
