ଓଡ଼ିଶା ତାଜା ନ୍ୟୁଜ (୦୬ ଅକ୍ଟୋବର ମଙ୍ଗଳବାର ) ଭଞ୍ଜନଗର :- ଭଞ୍ଜନଗର ଥାନା ଅନ୍ତର୍ଗତ କୁଲାଡ଼ ଗ୍ରାମର ଭାଗ୍ୟ ବେହେରା ନାମକ ଜଣେ ମହିଳା ଗତ ଅଗଷ୍ଟ ମାସ ୧୭ ତାରିଖରୁ ହଠାତ ନିଖୋଜ ହୋଇଯାଇଥିଲେ । ଫଳରେ ପରିବାର ଲୋକେ ଖୋଜା ଖୋଜି ପରେ ମଧ୍ୟ କୌଣସି ସୂଚନା ନ ପାଇବାରୁ ଏ ନେଇ ଭଞ୍ଜନଗର ଥାନା ରେ ଭାଗ୍ୟ ଖଲି ପତ୍ର ତୋଳିବାକୁ ଯାଇ ନିଖୋଜ ହୋଇଯାଇଥିବା ଅଭିଯୋଗ କରିଥିଲେ । ପୋଲିସ ନିଖୋଜ କେସ ନମ୍ବର ୩୬/୨୦ ରେ ଏକ ମାମଲା ରୁଜୁ କରି ତଦନ୍ତ ଚଳାଇଥିଲା । ଘଟଣାର ଅନେକ ଦିନ ପରେ ସ୍ଥାନୀୟ କଶାପଲ୍ଲୀ ଜଙ୍ଗଲ ରୁ ମହିଳା ଙ୍କ ଗଳିତ ଶବ ଉଦ୍ଧାର କରାଯାଇଛି ।
ଅପରାହ୍ନ ରେ ଉକ୍ତ ଜଙ୍ଗଲର ଏକ ଗଛ ପାଖରେ ଦୁର୍ଗନ୍ଧ ହେବାରୁ ଗ୍ରାମବାସୀ ମାନେ ସେଠାକୁ ଯାଇ ଗଳିତ ଶବ ପଡିଥିବା ଦେଖିବାକୁ ପାଇଥିଲେ । ଏହା ପରେ ପରିବାର ଲୋକେ ସେଠାରେ ପହଞ୍ଚି ଶବ ଚିହ୍ନଟ କରିବା ପରେ ପୁଲିସ ଶବ କୁ ଜବତ କରି ବ୍ୟବଚ୍ଛେଦ ପାଇଁ ବ୍ରହ୍ମପୁର ବଡ଼ ମେଡ଼ିକାଲ ଏଫଏମ୍ଟି କୁ ପଠାଇଛି । ତେବେ ଭାଗ୍ୟ ଙ୍କ ମୃତ୍ୟୁ କିପରି ହେଲା ଜଣାପଡିନଥିବା ବେଳେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ଥାନା ଅଧିକାରୀ ସୁଦୀପ୍ତ କୁମାର ସାହୁ ସୂଚନା ଦେଇଛନ୍ତି । (ରିପୋର୍ଟ :- ଶେଷଦେବ ସାହୁ ଗଞ୍ଜାମ )
