ଓଡ଼ିଶା ତାଜା ନ୍ୟୁଜ (୦୬ ଅକ୍ଟୋବର ମଙ୍ଗଳବାର ) ନୟାଗଡ :- ନୟାଗଡ ଜିଲ୍ଲା ଓଡ଼ଗାଁ ବ୍ଲକ ଅନ୍ତର୍ଗତ କୁରାଳ ଗ୍ରାମ ବେଙ୍ଗେଇସାହିର ଅବସରପ୍ରାପ୍ତ ଶିକ୍ଷକ ତଥା ବର୍ତ୍ତମାନ ବ୍ରାହ୍ମଣ ସମାଜର ସମ୍ପାଦକ ଆର୍ତ୍ତବନ୍ଧୁ ମିଶ୍ରଙ୍କର ଆଜି ବୟସାଧିକ କାରଣରୁ ନିଜ ବାସଭବନରେ ୮୩ ବର୍ଷ ବୟସରେ ମୃତ୍ୟୁବରଣ ଘଟିଅଛି । ସାଲିସବିହୀନ ଶିକ୍ଷକତା ଜୀବନ, ଅନୁଶାସନ ,ଶୃଙ୍ଖଳା ଏବଂ ସଂସ୍କାରକୁ ସେ ସଦାସର୍ବଦା ପ୍ରାଧାନ୍ୟ ଦେଉଥିଲେ । ଦୀର୍ଘ ୪୦ବର୍ଷରୁ ଉର୍ଦ୍ଧ୍ବ ସମୟ ଧରି ଶିକ୍ଷାଦାନ କରି ସମଗ୍ର ଅଞ୍ଚଳରେ ଜଣେ ଆଦର୍ଶ ଶିକ୍ଷକ ଭାବରେ ବେଶ ଜଣାଶୁଣା ଥିଲେ । ତାଙ୍କ ଠାରୁ ଶିକ୍ଷାଗ୍ରହଣ କରି ଶହ ଶହ ଛାତ୍ର ଆଜି ବହୁ ଉଚ୍ଚ ପଦପଦବୀରେ ଅଧିଷ୍ଠିତ ହୋଇଛନ୍ତି । ବହୁଚର୍ଚିତ ଦୁର୍ବାର ଶିକ୍ଷକ ଆନ୍ଦୋଳନର ଯୋଗ ଦେଇ ସେ ବହୁବାର କାରାବରଣ ମଧ୍ୟ ହୋଇଛନ୍ତି । ଜାତି, ଧର୍ମ ବର୍ଣ୍ଣ ନିର୍ବିଶେଷରେ ପ୍ରାୟ ୩୦୦ରୁ ଉର୍ଦ୍ଧ୍ବ ଶବ ସତ୍କାର କରି ସମଗ୍ର ଅଞ୍ଚଳରେ ଜଣେ ସମାଜସେବୀ ରୂପେ ସେ ବେଶ ଜଣାଶୁଣା ଥିଲେ । ତାଙ୍କର ମୃତ୍ୟୁରେ ସମଗ୍ର ଅଞ୍ଚଳରେ ତଥା ଶିକ୍ଷକ ମହଲରେ ଏକ ଶୋକର ଛାୟା ଖେଳିଯାଇଅଛି ।
