ଓଡ଼ିଶା ତାଜା ନ୍ୟୁଜ (୦୫ ଅକ୍ଟୋବର ସୋମବାର) ଢେଙ୍କାନାଳ :- ମହାଦୁର୍ନୀତିର ମହା ଖଳନାୟକ ଶ୍ରୀ ବରେନ୍ଦ୍ର ଧଳ, ଢେଙ୍କାନାଳରେ ବସି କଲେଣି ଖୋଳ । ଅଫିସ୍ କୁ ଆସୁଥିବା ଗରିବ ଚାଷୀ ଝିଅବୋହୂଙ୍କୁ ଦୁର୍ବ୍ୟବହାର, ଆୱାର୍ଡ ଟଙ୍କା ହଡ଼ପ,ଲାଞ୍ଚ ଓ ହାଇକୋର୍ଟ ଅବମାନନା ଏଭଳି ଅନେକ ଅଭିଯୋଗ କରି ସ୍ଥାନୀୟ ମହିଷାପାଟ ସ୍ଥିତ ରେଙ୍ଗାଳି ଦକ୍ଷିଣ ପାର୍ଶ୍ଵ କେନାଲ, ବିଭାଗ ଫଳକ ନିକଟରେ ଧାରଣାରେ ବସିଛନ୍ତି କଟକ ଜିଲ୍ଲା ଆଠଗଡ଼ ସ୍ଥିତ କଣ୍ଡରେଇ ଗ୍ରାମର ଶ୍ରୀ ନରେନ୍ଦ୍ର ମହାପାତ୍ର ।
ଅଭିଯୋଗ ମୁତାବକ, ଶ୍ରୀ ନରେନ୍ଦ୍ର ମହାପାତ୍ର, ପିତା ସ୍ୱର୍ଗତ ରାଧାଶ୍ୟାମ ମହାପାତ୍ର, ସା-କଣ୍ଡରେଇ, ଆଠଗଡ଼। ଆଠଗଡ଼ ସ୍ଥିତ ସାବିତ୍ରୀ ପୁର ଓ କଣ୍ଡରେଇ ମୌଜାରେ ଯାଉଥିବା ରେଙ୍ଗାଳି ରାଇଟ କେନାଲର ଭୂମି ଅଧିଗ୍ରହଣ ପାଇଁ ସ୍ଵର୍ଗତ ରାଧାଶ୍ୟାମ ମହାପାତ୍ରଙ୍କ ପିତା ସ୍ଵର୍ଗତ ଶ୍ରୀନାଥ ମହାପାତ୍ରଙ୍କ ନାମରେ ଥିବା ସତ୍ତ୍ବ ଅଧିକାରୀ ଚାରିପୁଅ ଓ ଜଣେ ଝିଅଙ୍କୁ ନୋଟିସ୍ ହୋଇଛି । ଅଶିଂଦାର ମାନଙ୍କୁ ଆୱାର୍ଡ ମିଳିବା କଥା କିନ୍ତୁ ଏହି ବିଭାଗର ସ୍ବତନ୍ତ୍ର ଭୂ-ଅର୍ଜନ ଅଧିକାରୀ ଶ୍ରୀ ବରେନ୍ଦ୍ର ଧଳ ଭାଇମାନଙ୍କ ଭିତରେ ଝଗଡ଼ା ଲଗାଇ ଚଞ୍ଚକତା କରି ବେଆଇନ ଭାବେ ସ୍ୱର୍ଗତ ଶ୍ରୀନାଥ ମହାପାତ୍ରଙ୍କ ବଡପୁଅ ସ୍ୱର୍ଗତ ରାଧାଶ୍ୟାମ ମହାପାତ୍ରଙ୍କ ଆୱାର୍ଡ଼ ରାଶି ନ ମିଳିବାକୁ ଚକ୍ରାନ୍ତ ଚଳାଇଛନ୍ତି ।
ଏ ନେଇ ମାନ୍ୟବର ଉଚ୍ଚନ୍ୟାୟାଳୟରେ WP(C)-0010431/2019 ରେ ବିଚାରାଧିନ ଥିବାବେଳେ ମାନ୍ୟବର ଉଚ୍ଚ ନ୍ୟାୟାଳୟଙ୍କ ନୋଟିସର ଜବାବ ନ ଦେଇ ଓ ନିର୍ଦ୍ଦେଶକୁ ଅବମାନନା କରି ବେଆଇନ ଭାବେ ଆୱାର୍ଡ଼ ରାଶି ପଇଠ କରିବା ସହିତ ସରକାରୀ ନିୟମକୁ ଉଲ୍ଲଂଘନ ଏବଂ ଆସୁଥିବା ଗରିବ ଚାଷୀ ଝିଅବୋହୂଙ୍କୁ ଦୁର୍ବ୍ୟବହାର ଓ ଲାଞ୍ଚ ମାଗିବା ଏଭଳି ଅନେକ ଅଭିଯୋଗ କରି ଧାରଣାରେ ବସିଛନ୍ତି ଏବଂ ଏହାର ସି ବି ଆଇ ତଦନ୍ତ ନିମନ୍ତେ ଦାବି କରିଛନ୍ତି ଶ୍ରୀ ନରେନ୍ଦ୍ର ମହାପାତ୍ର। (ଢେଙ୍କାନାଳ/ରିପୋର୍ଟ୍, ଅମର ରଞ୍ଜନ ଦାସ)
