ଭୁବନେଶ୍ୱର (ଓଡିଶା ତାଜା ନ୍ୟୁଜ ) ନି.ପ୍ର :- ପ୍ରେମ, ସେବା ଓ ଆଧ୍ୟାତ୍ମିକତାର ଦିବ୍ୟ ବାର୍ତ୍ତା ନେଇ ଦେଶବ୍ୟାପୀ ପରିକ୍ରମା କରୁଥିବା ‘ଶ୍ରୀ ସତ୍ୟସାଇ ପ୍ରେମ ପ୍ରଭାହିନୀ ରଥ’ ଭୁବନେଶ୍ୱର ସାଇ ଜିଲାରେ ପହଞ୍ଚିଛି । ଦିବ୍ୟ ପ୍ରେମର ପ୍ରତୀକ ଏହି ରଥକୁ ନେଇ ସାଇ ଭକ୍ତମାନଙ୍କ ମଧ୍ୟରେ ଉତ୍ସାହ ଓ ଆଧ୍ୟାତ୍ମିକ ଭାବାବେଗ ପ୍ରକାଶ ପାଇଛି । ସାଇ ଜନନୀଠାରେ ପ୍ରେମ ପ୍ରଭାହିନୀ ରଥକୁ ନେଇ ବିଭିନ୍ନ ଆଧ୍ୟାତ୍ମିକ ଓ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା ।
ସକାଳେ ମହାରୁଦ୍ରମ୍ ଅନୁଷ୍ଠିତ ହୋଇଥିଲା । ଏହାପରେ ଭକ୍ତବୃନ୍ଦଙ୍କ ପାଇଁ ଦିବ୍ୟ ରଥ ଦର୍ଶନର ବ୍ୟବସ୍ଥା କରାଯାଇଥିଲା । ସନ୍ଧ୍ୟାରେ ବାଳବିକାଶ ଏବଂ ସତ୍ୟସାଇ ବିଦ୍ୟାଳୟ ଛାତ୍ରଛାତ୍ରୀଙ୍କ ପକ୍ଷରୁ ସଂସ୍କୃତି ଓ ଭକ୍ତିଭାବ ଆଧାରିତ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ବୁଧବାର ଏହି ରଥ ଭୁବନେଶ୍ବର ସାଇ ଜିଲାର ଆଉ ଏକ ସମିତିରେ ଭକ୍ତଙ୍କୁ ଦର୍ଶନ ଦେବ ।
ଏହାପରେ ରଥଟି ପୁରୀ ଅଭିମୁଖେ ଯାତ୍ରା କରିବ । ଉତ୍ତରାଠାରେ ଭୁବନେଶ୍ୱର ସାଇ ଜିଲା ପକ୍ଷରୁ ଭୁବନେଶ୍ବର-ପୁରୀ ସାଇ ଜିଲାକୁ ହସ୍ତାନ୍ତର କରାଯିବ । ସୂଚନା ଅନୁସାରେ ପ୍ରଶାନ୍ତି ନିଳୟମରୁ ୨୩ ନଭେମ୍ବର ୨୦୨୫ରେ ଯାତ୍ରା ଆରମ୍ଭ କରିଥିବା ‘ପ୍ରେମ ପ୍ରଭାହିନୀ ରଥ’ ଦେଶର ବିଭିନ୍ନ ଅଞ୍ଚଳ ପରିକ୍ରମା କରି ଗୁରୁପୂର୍ଣ୍ଣିମା
