ଗାନ୍ଧୀ ଜୟନ୍ତୀ ଅବସରରେ ଜଗନ୍ନାଥ ୱେଲଫେୟାର ସୋସାଇଟି,ରୋଡ – ୮, ପକ୍ଷରୁ ସ୍ୱଚ୍ଛତା ଦିବସ ପାଳନ

ଭୁବନେଶ୍ୱର (ଓଡିଶା ତାଜା ନ୍ୟୁଜ ) ନି.ପ୍ର :- ଗାନ୍ଧୀ ଜୟନ୍ତୀ ଅବସରରେ ଜଗନ୍ନାଥ ୱେଲଫେୟାର ସୋସାଇଟି, ରୋଡ୍ ନଂ-୮, ଲେନ୍-୧ରୁ ଲେନ୍-୨୦, ଜଗନ୍ନାଥ ନଗର ପକ୍ଷରୁ ସମଗ୍ର ଅଞ୍ଚଳରେ ସ୍ୱଚ୍ଛତା ଦିବସ (Swachh Diwas) ଉପଲକ୍ଷେ ଏକ ବ୍ୟାପକ ସ୍ୱଚ୍ଛତା ଅଭିଯାନ ଆୟୋଜିତ ହୋଇଥିଲା। ଏଥିରେ ୧୫୦ରୁ ଅଧିକ ବାସିନ୍ଦାଙ୍କ ସହିତ ସୋସାଇଟିର ପଦାଧିକାରୀ, କାର୍ଯ୍ୟକାରୀ ଓ ପରାମର୍ଶଦାତା ସଦସ୍ୟମାନେ ସକ୍ରିୟ ଭାବେ ଯୋଗଦେଇଥିଲେ । ବିଏମସିର ସଫେଇ କର୍ମଚାରୀ ଓ ସୁପରଭାଇଜରମାନେ ମଧ୍ୟ ଏହି ଅଭିଯାନରେ ସାମିଲ ହୋଇ ରୋଡ୍ ନଂ-୮ର ସମସ୍ତ ଲେନ୍‌ରେ ସଫେଇ କାର୍ଯ୍ୟରେ ସହଯୋଗ କରିଥିଲେ ।

ଏହି କାର୍ଯ୍ୟକ୍ରମକୁ ୱାର୍ଡ ନଂ-୩୨ର ମାନ୍ୟବର କର୍ପୋରେଟର ଶ୍ରୀ ଶ୍ରୀଧର ଜେନା ଉଦ୍‌ଘାଟନ କରିବା ସହ ନିଜେ ସଫେଇ ଅଭିଯାନରେ ଯୋଗଦେଇ ବାସିନ୍ଦାମାନଙ୍କ ସହିତ ଲେନ୍‌ଗୁଡ଼ିକର ସଫେଇ କରିଥିଲେ । ସେ ଅଞ୍ଚଳକୁ ନିୟମିତ ଭାବେ ପରିଷ୍କାର ଓ ସ୍ୱଚ୍ଛ ରଖିବା ପାଇଁ ସମସ୍ତଙ୍କୁ ଆହ୍ୱାନ ଦେଇଥିଲେ ଏବଂ ଅଞ୍ଚଳର ଉନ୍ନତି ଓ ଆବଶ୍ୟକ ସହଯୋଗ ପାଇଁ ଭବିଷ୍ୟତରେ ସମସ୍ତ ପ୍ରକାର ସହଯୋଗ ଯୋଗାଇଦେବାର ଆଶ୍ୱାସନ ଦେଇଥିଲେ । ବାସିନ୍ଦାମାନଙ୍କର ସକ୍ରିୟ ଓ ସ୍ୱତଃସ୍ଫୂର୍ତ୍ତ ଯୋଗଦାନ କାର୍ଯ୍ୟକ୍ରମକୁ ସଫଳ କରିଥିଲା ।

ଏହି ଅଭିଯାନ ସୋସାଇଟିର ସଭାପତି ଶ୍ରୀ ବିଭୁଦେନ୍ଦୁ ଶତପଥୀ, ସାଧାରଣ ସମ୍ପାଦକ ଶ୍ରୀ ରଶ୍ମି ରଞ୍ଜନ ସ୍ୱାଇଁ, ସମ୍ପାଦକ (ସାଂଗଠନିକ ବ୍ୟାପାର) ଶ୍ରୀ ସୌଭାଗ୍ୟ ଜେନା, ଉପସଭାପତି ସୁଶ୍ରୀ ରଞ୍ଜିତା ସାହୁ ଓ ଶ୍ରୀ ସୁଶାନ୍ତ ସାମଲ, କୋଷାଧ୍ୟକ୍ଷ ଶ୍ରୀ ଜ୍ୟୋତି ପ୍ରକାଶ ମହାପାତ୍ର, ସହକାରୀ କୋଷାଧ୍ୟକ୍ଷ ଶ୍ରୀ ନରେନ୍ଦ୍ର ସେଠୀଙ୍କ ସମେତ ସମସ୍ତ କାର୍ଯ୍ୟକାରୀ, ପରାମର୍ଶଦାତା ସଦସ୍ୟ ଓ ବାସିନ୍ଦାଙ୍କ ସହଯୋଗରେ ଆୟୋଜିତ ହୋଇଥିଲା ।

ଜଗନ୍ନାଥ ୱେଲଫେୟାର ସୋସାଇଟି ପକ୍ଷରୁ ସମସ୍ତ ବାସିନ୍ଦା, ବିଏମସି ସଫେଇ କର୍ମଚାରୀ, ସୁପରଭାଇଜର ଓ ମାନ୍ୟବର କର୍ପୋରେଟରଙ୍କୁ ସକ୍ରିୟ ସହଯୋଗ ପାଇଁ କୃତଜ୍ଞତା ଜଣାଇବା ସହ ଅଞ୍ଚଳକୁ ସର୍ବଦା ସ୍ୱଚ୍ଛ, ସୁସ୍ଥ ଓ ସୁନ୍ଦର ରଖିବା ପାଇଁ ସାମୂହିକ ଭାବେ ପ୍ରୟାସ ଜାରି ରଖିବାକୁ ଆହ୍ୱାନ କରାଯାଇଛି ।