ଓଡ଼ିଶା ତାଜା ନ୍ୟୁଜ ( ୦୪ ଅକ୍ଟୋବର ରବିବାର ) ଭୁବନେଶ୍ୱର ରିପୋର୍ଟ ଅଭିମନ୍ୟୁ :- ବିଜୁ ଜନତା ଦଳ ତାର ଦୁଇ ପ୍ରମୁଖ ସଂଗଠନ ଯୁବ ଓ ଛାତ୍ର ଶାଖାର ପୁନର୍ଗଠନ କରିସାରିଛି । ପ୍ରଥମେ କମିଟି ଚୟନ ଓ ପରେ ସଭାପତି ମନୋନୟନ କରି ଦଳ ଏକ ନୂଆ ରାଜନୈତିକ ପରମ୍ପରା ସୃଷ୍ଟି କରିଛି ନବୀନଙ୍କ ଏହି ମାଷ୍ଟର ଫଣ୍ଡା ବିଗତ ବର୍ଷ ଧରି ସଂଗଠନର ଧୀମା ଗତିକୁ ଚଳଚଂଚଳ କରିପାରିଥିବା ଆଲୋଚନା ହେଉଛି । ସଂଗଠନ ପୁନର୍ଗଠନ ଯୁବକ ଓ ଛାତ୍ର ନେତୃତ୍ୱକୁ ଏକ ଭିର୍ନ ବାର୍ତା ଦେଇଥିବାର ରାଜନୈତିକ ବିଶ୍ଲେଷକ ମାନେ ମତ ରଖିଛନ୍ତି ।
ଯୁବ ଓ ଛାତ୍ର ସଂଗଠନର କାୟାକଳ୍ପ ପରିବର୍ତନ ପାଇଁ ଦଳର ସୁପ୍ରିମୋ ଇସାରା ଦେବା ପରେ ଏନେଇ ଘଣ୍ଟା ଚକଟା ଆରମ୍ଭ ହୋଇଯାଇଥିଲା । ଦଳର ସଙ୍କଟ ମୋଚକ ସାଙ୍ଗଠନିକ ସମ୍ପାଦକ ବିଧାୟକ ପ୍ରଣବ ପ୍ରକାଶ ଦାସଙ୍କ ଫୋକସରେ ରହିଥିଲା ଏହି ଦୁଇ ସଂଗଠନ । ଯୁବ ଛାତ୍ର ସଂଗଠନରୁ ଦଳର ପୁରୁଣା ଛାପ ଛଡାଇ ନୂଆ ଲେପ ଦେବାକୁ ଆରମ୍ଭ ହେଲା କସରତ । ଏହି ସମ୍ପୂର୍ଣ ପ୍ରକ୍ରିୟାର ପ୍ରଚ୍ଛଦପଟ ପୃଷ୍ଠପୋଷକ ଭାବେ ପରିଚାଳନା କରୁଥିଲେ ଦଳର ଛାୟା ଆଉ କାୟା କୁହାଯାଉଥିବା ସାଙ୍ଗଠନିକ ସମ୍ପାଦକ ବବି ଦାସ । ଶେଷରେ ସମସ୍ତ କଳ୍ପନା ଜଳ୍ପନାର ଅନ୍ତ ଘଟାଇ ଦୁଇ ଛାମୁଆ ସଂଗଠନର ମଙ୍ଗ ପୁରୁଣା ନେତାଙ୍କ ହାତରୁ କାଢି ନୂଆ ଆଉ ଯୁବ ଚେହେରା ହାତରେ ଟେକିଦିଆଗଲା । ଚାନ୍ଦବାଲି ଓ ଧର୍ମଶାଳା ବିଧ୍ୟାୟକଙ୍କୁ ଦଳର ସାଧାରଣ ସମ୍ପାଦକ ଛାତ୍ର ଓ ଯୁବ ବ୍ୟାପାର ଦାଇତ୍ୱ ନ୍ୟସ୍ତ କରାଗଲା ।
ପରବର୍ତୀ ସମୟରେ ଦଳ ଯୁବ ଶାଖାର ସଭାପତି ପଦରେ ଅନୁଭବୀ ଯୁବଛାତ୍ର ନେତା ଦୁଇ ଥରର ବିଧାୟକ ବ୍ୟୋମକେଶ ରାୟ ଓ ଛାତ୍ର ସଂଗଠନ ଦାୟିତ୍ୱରେ ବିଧାୟକ ଦେବୀ ରଞ୍ଜନ ତ୍ରିପାଠୀଙ୍କୁ ଯଥାକ୍ରମେ ନିଯୁକ୍ତ କରିଲା ଦଳ । ତେବେ ଦଳର ମିଳିତ ମୋର୍ଚାର କମାଣ ରହିଲା ଧର୍ମଶାଳା ବିଧାୟକ ପ୍ରଣବ ବଳବନ୍ତରାୟ ଓରଫ ଜିତୁଙ୍କ ହାତରେ । ଦିବଂଗତ ବିଜେଡି ନେତା କଳ୍ପତରୁ ଦାସଙ୍କ ପୁଅ ହେଉଛନ୍ତି ଜିତୁ । ସ୍ବର୍ଗତ ଦାସଙ୍କ ପୁଅ ପ୍ରଣବ ଦଳରୁ ଦୁଇ ଦୁଇ ଥର ବିଧାୟକ । ବିଜୁ ଜନତା ଦଳ ସହ ତାଙ୍କ ପରିବାର ଓ ସେ ବହୁ ବର୍ଷ ଧରି ଜଡିତ । ତେଣୁ ତାଙ୍କର ଦୂରଦୃଷ୍ଟି ଓ ଦକ୍ଷତା ଆଧାରରେ ଦଳ ତାଙ୍କୁ ଏହି ଗୁରୁ ଦାଇତ୍ୱ ଦେଇଛି । ଏହା ସହ ବ୍ୟୋମକେଶ ଓରଫ ବାପି ମଧ୍ୟ ପୂର୍ବରୁ ଛାତ୍ର ଶାଖା ସଭାପତି ଭାବେ ସଫଳତାର ସହ କାର୍ଯ୍ୟ କରି ବିଜେଡି ସୁପ୍ରିମୋଙ୍କ ଆସ୍ଥାଭାଜନ ହୋଇପାରିଛନ୍ତି । ଶ୍ରୀ ରାୟଙ୍କ ଅଭିଜ୍ଞତା ଓ ଅନୁଭବକୁ ଦଳ କାମରେ ଲଗାଇବା ପାଇଁ ତାଙ୍କ ଉପରେ ଭରସା ଜାହିର କରିଛି ।
ସଭାପତି ମାନୋନୟ ପୂର୍ବରୁ କମିଟି ଚୟନ କରି ସମସ୍ତଙ୍କୁ ଚକମା ଦେଇଛନ୍ତି ଏହି ଦୁଇ ୟଙ୍ଗ ବ୍ରିଗେଡ । ଦଳ ମୋର୍ଚାର ମଙ୍ଗ ସମ୍ଭାଳିବା ପରେ ସଂଗଠନ ପୁନର୍ବିନ୍ୟାସର ଆଭାସ ଦେଇ ଭିଡିଓ କନ୍ଫରେସିଙ୍ଗ ଜରିଆରେ ଜିଲ୍ଲା ୱାରୀ ସଂଗଠନର ସମୀକ୍ଷା ଏବଂ କୋଭିଡି କଟକଣା ସତ୍ୱେ ଯୁବ ଛାତ୍ର ସଂଗଠନର କର୍ମକର୍ତାଙ୍କ ସହ ପାଞ୍ଚ ପାଞ୍ଚ ଥର ଆଲୋଚନା ସହ କୋଭିଡି ଓ ବିଶ୍ୱ ବିଦ୍ୟାଳୟ ଆଇନ ସମ୍ପର୍କିତ ବହୁ ଗୁରତ୍ବପୂର୍ଣ ୱେବିନାର ମାଧ୍ୟମରେ ବ୍ୟାପକ ସମର୍ଥନ ହାସଲ କରି ଏକ ଇତିହାସ ତିଆରି କରିଛି । ତୁହାକୁ ତୁହା ୱେବିନାର ମାଧ୍ୟମରେ ଯୁବ ଓ ଛାତ୍ରଙ୍କ ସହ ସମ୍ପର୍କକୁ ମଜବୁତ କରିବା ଯୋଗୁଁ ଶିଥିଳ ସଙ୍ଗଠନରେ ଚମକ ଆସିଛି । ସଂଗଠନର କାର୍ଯ୍ୟକୁ ବ୍ୟାପକ ଓ ତ୍ୱରାନ୍ୱିତ କରିବାରେ ଜୋର ଦେଇଛନ୍ତି ଦଳର ଏହି ଦୁଇ ଧୂରୀଣ ଯୁବ ବିଧାୟକ । ସଂଗଠନର ନବକଳେବର ବିରୋଧୀଙ୍କୁ ସାମ୍ନା କରିବାକୁ ବଳ ଯୁଟେଇବାରେ ସହାୟକ ହେବ ବୋଲି ଆଶା କରାଯାଉଛି ।
୨୦୨୪ ପୂର୍ବରୁ ପଂଚାୟତ ଓ ପୌର ନିର୍ବାଚନରେ ଯୁବ ଓ ଛାତ୍ର ଶାଖାକୁ ପ୍ରମୁଖ ଅସ୍ତ୍ର କରିପାରେ ଦଳ । ତେଣୁ ସ୍ଥାଣୁ ପାଲଟି ଯାଇଥିବା ଦଳର ଦୁଇ ଛାମୁଆ ଶକ୍ତିକୁ କ୍ରିୟାଶୀଳ କରିବାକୁ ଅଣ୍ଟା ଭିଡିଛିନ୍ତି ଜିତୁ ଆଉ ବାପି ।
ଆଉ ଏହି ଦୁଇ ଜଣଙ୍କ ଉପରେ ଦଳ ସୁପ୍ରିମୋ ନବୀନଙ୍କ ଆଶୀର୍ବାଦ ଆଉ ସାଙ୍ଗଠନିକ ସମ୍ପାଦକ ବବି ଦାସଙ୍କ ପ୍ରତ୍ୟକ୍ଷ ସମର୍ଥନ ରହିଛି । ବିଜେଡିର ସର୍ବଶକ୍ତିମାନ ଆଉ ନିରଙ୍କୁଶ କ୍ଷମତାକେନ୍ଦ୍ର କୁହାଯାଉଥିବା ବବି ଦାସଙ୍କ ପୂର୍ଣ୍ଣ ସମର୍ଥନରେ ସଙ୍ଗଠନକୁ ନୂଆ ରୂପ ଆଉ ରଙ୍ଗ ଦେଇ ବିରୋଧୀଙ୍କ ସହ ବଳ କଷିବା ପାଇଁ ଉଭୟ ଜିତୁ ଆଉ ବାପି ଯୋଜନା ପ୍ରସ୍ତୁତ କରିସାରିଛନ୍ତି । ୨୦୨୪ରେ ବିରୋଧୀଙ୍କୁ ସତ୍ତା ହାସଲରୁ ମାତ ଦେଇ ନବୀନଙ୍କୁ ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ମୁକୁଟ ପିନ୍ଧାଇବାରେ ଦଳର ଏହି ପରିବର୍ତ୍ତିତ ଯୁବ ଚେହେରା ସଫଳ ହେବେ ବୋଲି ଆଶା କରାଯାଉଛି ।
