ବିରିଡି ବ୍ଲକରେ ଖାଦ୍ୟ, ପୋଷଣ, ସ୍ୱାସ୍ଥ୍ୟ ଏବଂ ସ୍ୱଚ୍ଛତା ସମ୍ବନ୍ଧୀୟ ତାଲିମ

ଜଗତସିଂହପୁର ( ଓଡିଶା ତାଜା ନ୍ୟୁଜ ) ନି. ପ୍ର :- ବିରିଡି ବ୍ଲକ ଜୀବିକା ମିଶନ ପକ୍ଷରୁ ଦୁଇଦିନିଆ ତାଲିମ ଶିବିର ଅନୁଷ୍ଠିତ ହୋଇଯାଇଛି l ମଙ୍ଗଳବାର ଉଚ୍ଛବକୁ ବ୍ଲକ ଅଧ୍ୟକ୍ଷା ମମତା ପାତ୍ର ଉଦ୍ଘାଟନ କରିଥିଲେ l ଅନ୍ୟମାନଙ୍କ ମଧ୍ୟରେ ବିଡ଼ିଓ ଆୟୁଷି ପତି ଉପସ୍ଥିତ ଥିଲେ l ବ୍ଲକ ପ୍ରକଳ୍ପ ପରିଚାଳକ ପ୍ରତାପ ରୁଦ୍ର ନନ୍ଦ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ତାଲିମ ଶିବିରରେ ବ୍ଲକର ସମସ୍ତ ପଞ୍ଚାୟତ ର ସିଆରପି ମାନେ ଯୋଗଦାନ କରି ତାଲିମ ଗ୍ରହଣ କରିଥିଲେ l

ତାଲିମ କାର୍ଯ୍ୟକ୍ରମକୁ ଆରମ୍ଭ କରି ବିପିଏମ ନନ୍ଦ ଉପଯୁକ୍ତ ସମୟରେ ଶିଶୁ ମାନଙ୍କୁ ଖାଦ୍ୟ, ପୋଷଣ, ସ୍ୱଚ୍ଛତା ଏବଂ ସ୍ୱାସ୍ଥ ଉପରେ ମା ମାନେ ଧ୍ୟାନଦେବାପାଇଁ କହିଥିଲେ l ଏହି କାର୍ଯ୍ୟକ୍ରମର ଲକ୍ଷ୍ୟ ହେଉଛି ସମନ୍ୟୁତ ପ୍ରୟାସ ମାଧ୍ୟମରେ ଜୀବନର ପ୍ରଥମ ଶହେ ଦିନ ଧ୍ୟାନଦେଇ କୁପୋଷଣକୁ ରୋକିବା ରୋଗ ହାର କମାଇବା ଏବଂ ସମୁଦାୟ ସ୍ଵାସ୍ତକର ଅଭ୍ୟାସକୁ ପ୍ରୋଛାହନ ଦେବା l

ଏହି ପଦକ୍ଷେପ ଜରିଆରେ ଗ୍ରାମର ଏସ ଏଚ ଜି ଗୋଷ୍ଠି ଓ ଆଞ୍ଚଳିକ ମଞ୍ଚଗୁଡିକର ବ୍ୟାପକ ସଚେତନତା ସୃଷ୍ଟିକରି ସରକାରୀ ସେବପ୍ରଦାନରେ ଉନ୍ନତି ଆଣିପାରିଲେ ଯାହାକି ମା ଓ ଶିଶୁ ମାନଙ୍କ ପାଇଁ ଉନ୍ନତ ପୃଷ୍ଟି ସାଧନ ସମ୍ବଭ ହୋଇ ପାରିବ ବୋଲି କହିଥିଲେ l ଉକ୍ତ ତାଲିମ କାର୍ଯ୍ୟକ୍ରମ ରେ ବିପିଏଲ ନିବେଦିତା ଦାସ ଜୀବିକା ସଂଯୋଜିକା ସସ୍ମିତା ବେହେରା, ଦୀପ୍ତି ଦାଶ, ସସ୍ମିତା ବରାଳ, ପ୍ରମୋଦ ସିଂ ଓ ପ୍ରଭାତ ସାହୁ କାର୍ଯ୍ୟକ୍ରମ ପରିଚାଳନା କରିଥିଲା ବେଳେ ପୁଜାରିଣୀ ଦାସ ଓ ରିତାବାରିକ ତାଲିମ ପ୍ରଦାନ କରିଥିଲେ l