ଓଡ଼ିଶା ତାଜା ନ୍ୟୁଜ (୦୪ ଅକ୍ଟୋବର ରବିବାର ) ଭୁବନେଶ୍ୱର :- ପୂର୍ବତନ ମନ୍ତ୍ରୀ ତଥା ପିପିଲି ବିଧାୟକ ପ୍ରଦୀପ ମହାରଥିଙ୍କ ବିୟୋଗରେ ଗଭୀର ଶୋକ ବ୍ୟକ୍ତ କରିଛନ୍ତି ପିସିସି ସଭାପତି ଶ୍ରୀଯୁକ୍ତ ନିରଞ୍ଜନ ପଟ୍ଟନାୟକ । ପ୍ରଦୀପ ବାବୁ ଆମ୍ଭମାନଙ୍କୁ ଅକାଳରେ ଛାଡ଼ି ଚାଲିଯାଇଛନ୍ତି ଏହା ମୋତେ ମର୍ମ୍ମାହିତ କରିଛି ବୋଲି ଶ୍ରୀ ପଟ୍ଟନାୟକ କହିଛନ୍ତି । ଗତ କିଛିଦିନ ତଳେ ଅସୁସ୍ଥ ହୋଇ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ସମସ୍ତଙ୍କ ସହ ସୁସମ୍ପର୍କ ରଖିଥିବା ପ୍ରଦୀପ ବାବୁଙ୍କ ବିୟୋଗ ଦଳମତ ନିର୍ବିଶେଷରେ ଆଜି ସମଗ୍ର ଓଡ଼ିଶାରେ ଶୋକର ଛାୟା ଖେଳିଯାଇଛି ।
ସାଧାରଣ ଲୋକମାନଙ୍କ ପାଇଁ କାମ କରିବା ଥିଲା ତାଙ୍କର ଧର୍ମ । ଓଡ଼ିଶା ରାଜନୀତିରେ ପ୍ରଦୀପ ବାବୁ ଜଣେ ସ୍ପଷ୍ଟବାଦୀ ଓ ନିର୍ବିକ ନେତା ଭାବେ ଚର୍ଚ୍ଚିତ ଥିଲେ । ତାଙ୍କ ଭଳି ଜଣେ ବିଶିଷ୍ଟ ରାଜନେତାଙ୍କୁ ଆଜି ଓଡ଼ିଶା ହରେଇଛି । ପ୍ରଦୀପ ବାବୁଙ୍କ ବିୟୋଗ ଓଡ଼ିଶା ରାଜ୍ୟ ରାଜନୀତିରେ ଏକ ଅପୁରଣୀୟ କ୍ଷତି । ଏହି କ୍ଷତି ପୂରଣ କରିବା ଏତେ ସହଜ ନୁହେଁ । ସ୍ୱର୍ଗତ ମହାରଥି ବାବୁଙ୍କ ଅମର ଆତ୍ମାର ସଦ୍ଗତି କାମନା କରି ଶୋକ ସନ୍ତପ୍ତ ପରିବାରବର୍ଗଙ୍କ ପ୍ରତି ଗଭୀର ସମବେଦନା ଜଣାଇଛନ୍ତି ପିସିିସି ସଭାପତି ଶ୍ରୀ ପଟ୍ଟନାୟକ ।
