ଓଡ଼ିଶା ତାଜା ନ୍ୟୁଜ ( ୩ ଅକ୍ଟୋବର ଶନିବାର ) ବ୍ରହ୍ମପୁର :- ଉତ୍ତରପ୍ରଦେଶରେ ଅସୁରକ୍ଷିତ ଥିବା ନାରୀ ସମାଜକୁ ସୁରକ୍ଷା ପ୍ରଦାନରେ ଅସଫଳ କାରଣରୁ ପ୍ରତ୍ୟହ ପ୍ରଦେଶରେ ନାରିଯାତିଙ୍କ ପ୍ରତି ନିର୍ଯାତନା ବଢ଼ି ଚାଲିଛି । ସରକାର ଯୌନ ପିପାଶୁଙ୍କ ପ୍ରତି ଢିଲା ଦଣ୍ଡବିଧାନ ଯୋଗୁଁ ନାରୀ ଗଣଧର୍ଷଣ ବଢ଼ିବାରେ ଲାଗିଥିଲା ବେଳେ ଗୈରିକ ସରକାର ନିଜ ଆତ୍ମପ୍ରଚାରରେ ବ୍ୟସ୍ଥ ରହୁଥିବା ଦେଖିବାକୁ ମିଳିଅଛି । ଏହି ସମୟରେ ପ୍ରଦେଶରେ ମନିଷା ବାଲ୍ମୀକି ନାମ୍ନୀ ଜନୈକା ଯୁବତୀଙ୍କ ପ୍ରତି ଅମାନବୀୟ ଗଣଧର୍ଷଣ ଘଟଣାରେ ସରକାରଙ୍କ ଉଦାସୀନତାକୁ ନେଇ କଂଗ୍ରେସ ଦଳ ପକ୍ଷରୁ ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀଙ୍କ ନେତୃତ୍ଵରେ ଯୁବ କଂଗ୍ରେସ ପାଖରୁ ଉତ୍ତରପ୍ରଦେଶରେ କରାଯାଇଥିବା ପ୍ରତିବାଦ ସଭାରେ ସରକାରଙ୍କ ନିର୍ଦ୍ଦେଶରେ ରାଜ୍ୟ ପୋଲିସ୍ ସଭା ଭଣ୍ଡୁର ଉଦ୍ୟମ କରି କର୍ମୀଙ୍କ ସହ ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧିଙ୍କୁ ମରଣାନ୍ତକ ଆକ୍ରମଣ କରିଅଛି ।
କିଛି କର୍ମୀଙ୍କୁ ଲାହୁ ଲୁହାଣ କରିଥିବା ବେଳେ ଉଭୟ ରାହୁଲ ଏବଂ ପ୍ରିୟଙ୍କା ଗାନ୍ଧିଙ୍କୁ ଅଗଣତାନ୍ତ୍ରିକ ଭାବେ ଗିରଫ କରିଛି । ଉତ୍ତରପ୍ରଦେଶ ସରକାରଙ୍କ ଏତାଦୃଶ ଅମାନବୀୟ ,ଅଗଣତାନ୍ତ୍ରିକ ତଥା ଅସାମ୍ବିଧାନିକ କାର୍ଯ୍ୟଧାରାକୁ ରାଷ୍ଟ୍ରୀୟ ଯୁବ କଂଗ୍ରେସ ପକ୍ଷରୁ ତୀବ୍ର ବିରୋଧ କରାଯିବା ସହିତ ପ୍ରାଦେଶିକ ସ୍ତରରେ ଏହାର ଦୃଢ଼ ନିନ୍ଦା କରାଯିବା ସହିତ ପ୍ରତିବାଦ କରାଯାଇଛି । ଏହି କ୍ରମରେ ଗଞ୍ଜାମ ଜିଲ୍ଲା ଯୁବ କଂଗ୍ରେସ ପକ୍ଷରୁ ଏକ ପ୍ରତିବାଦ ସଭା ଅାୟୋଜନ କରାଯାଇ ୟୁ ପି ସରକାରଙ୍କ ଆଭିମୁଖ୍ୟକୁ ଦୃଢ ବିରୋଧ କରାଯିବା ସହିତ ପ୍ରତିବାଦ କରାଯାଇଅଛି । ବ୍ରହ୍ମପୁର ଗାନ୍ଧୀନଗର ସ୍ଥିତ କଂଗ୍ରେସର ଦଳୀୟ କାର୍ଯ୍ୟଳୟ ସମ୍ମୁଖରେ ଯୁବ କଂଗ୍ରେସର ସଭ୍ୟ ଓ କର୍ମକର୍ତ୍ତା ମିଳିତ ସମବେତରେ ଉଭୟ କେନ୍ଦ୍ର ସରକାର ଓ ୟୁ ପି ସରକାରଙ୍କ ବିରୋଧରେ ନାରାବାଜି କରିଥିଲେ । ବିଜେପି ନେତୃତ୍ଵାଧୀନ ସରକାରଙ୍କ ଅପାରଗତା ଲୁଚାଇବା ନେଇ କଂଗ୍ରେସ ବିରୋଧୀ ଢାଲ ପ୍ରୟୋଗକୁ ଦୃଢ଼ ନିନ୍ଦା କରିଥିଲେ ।
ରାହୁଲ ଓ ପ୍ରିୟଙ୍କା ଗାନ୍ଧୀଙ୍କ ପ୍ରତି ସରକାରଙ୍କ ଅଶୋଭନୀୟ ଆଚରଣକୁ ପ୍ରତିବାଦ କରିବା ସହିତ ରାଜ୍ୟ ସରକାରଙ୍କୁ ଧିକ୍କାର କରିଥିଲେ ଉଭୟ ମୋଦି ଏବଂ ଯୋଗୀଙ୍କ କୁଶପୁତ୍ତଳିକା ଧରି ଅଗ୍ନି ସଂଯୋଗ କରିଥିଲେ । ଅନୁଷ୍ଟିତ କାର୍ଯ୍ୟକ୍ରମରେ ଯୁବ କଂଗ୍ରେସ ପକ୍ଷରୁ ପ୍ରମିତ ରଞ୍ଜନ ମହାପାତ୍ର , ପିଣ୍ଟୁ ଜେନା , ଚିନ୍ମୟ କୁମାର ହୋତା , ସୁପ୍ରଭା କୁମାରୀ ଦାଶ , ସୁଶ୍ରିଶ୍ମିତା ଶତପଥୀ , ଭବାନୀ ସାହୁ , ଅଭିଷେକ ମହାନ୍ତି , ୟୁ ଶ୍ରୀନାଥ ପାତ୍ର , ମନୋଜ ଦାସ , ରବି ଦାଶ , ସିଦ୍ଧାନ୍ତ ସାହୁ , ସାଇ ପ୍ରସାଦ ପାଢ଼ୀ , ଟିକିନା ସାହୁ , ସିଲୁ ସାହୁ , ପି ରଜରାଓ ପ୍ରମୁଖ ଅଂଶ ଗ୍ରହଣ କରିଥିଲେ । (ରିପୋର୍ଟ- ଶେଷଦେବ ସାହୁ/ ଗଞ୍ଜାମ ଜିଲ୍ଲା ବ୍ୟୁରୋ)
