ଓଡ଼ିଶା ତାଜା ନ୍ୟୁଜ (୩ ଅକ୍ଟୋବର ଶନିବାର) କୋରାଇ :- କୋରାଇ ର ବରିଷ୍ଠ ସାମ୍ବାଦିକ ତଥା ସମାଜ ପ୍ରତିନିଧି ମଳୟ କୁମାର ମଲ୍ଲିକ ଙ୍କ ମାଆ ଯାଜପୁରର ଏକ ଘରୋଇ ଚିକିତ୍ସାଳୟ ରେ ଚିକିତ୍ସିତ ଅବସ୍ଥାରେ ମୃତ୍ୟୁବରଣ କରିଛନ୍ତି । କୋରାଇ ବ୍ଲକ ଅନ୍ତର୍ଗତ କାଚରସାହି ପଞ୍ଚାୟତ ତାଳଗଡ଼ିଆ ଗ୍ରାମ ର ଶିକ୍ଷାବିତ ପ୍ରାଣକୃଷ୍ଣ ମଲ୍ଲିକ ଙ୍କ ପତ୍ନୀ ତ୍ରିକୋଣୀ ମନ୍ଦିର ର ମୁଖ୍ୟ ପ୍ରତିଷ୍ଠାତା ଦ୍ରୋପଦୀ ମଲ୍ଲିକ ( ୮୩ ) ବର୍ଷ ବୟସ ରେ ଇହଲୀଳା ସମ୍ବରଣ କରିଛନ୍ତି । ଦୁଇ ଦିନ ପୂର୍ବ ରୁ ରକ୍ତ ଚାପ ରୋଗରେ ପୀଡ଼ିତ ହୋଇ ଘରୋଇ ଚିକିତ୍ସାଳୟରେ ଚିକିତ୍ସିତ ହେଉଥିଲେ ।
ତାଙ୍କର ମୃତ୍ୟୁ କୁ ନେଇ ସ୍ଥାନୀୟ ଅଞ୍ଚଳରେ ଶୋକ ର ଛାୟା ଖେଳିଯାଇଛି । ତାଙ୍କ ପରିବାର ର ସମସ୍ତ ସଦସ୍ୟ ଦୁଃଖ ରେ ଭାଙ୍ଗି ପଡିଥିବା ବେଳେ ସ୍ଥାନୀୟ ବିଧାୟକ ରାମ ଚନ୍ଦ୍ର ଖୁଣ୍ଟିଆ, ସୁକିନ୍ଦା ବିଧାୟକ ପ୍ରୀତି ରଞ୍ଜନ ଘଡାଇ , କୋରାଇ ବିଧାୟକ ଅଶୋକ କୁମାର ବଳ , ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ଓ ଅନ୍ୟ ବିଜେଡି ର ବରିଷ୍ଠ ନେତା ବୃନ୍ଦ ଏବଂ ଅନ୍ୟାନ୍ୟ ବୁଦ୍ଧିଜୀବୀ ଶୋକ ସନ୍ତପ୍ତ ପରିବାର କୁ ସମବେଦନା ଜଣାଇଛନ୍ତି । ଓଡ଼ିଶା ତାଜା ନ୍ୟୁଜ୍ ପକ୍ଷରୁ ତାଙ୍କର ଅମର ଆତ୍ମା ର ସଦଗତି କାମନା କରୁଛୁ ଓ ସମସ୍ତ ପରିବାର ବର୍ଗ ଙ୍କୁ ସମବେଦନା ଜ୍ଞାପନ କରୁଛୁ ।
