ଓଡ଼ିଶା ତାଜା ନ୍ୟୁଜ (୨ ଅକ୍ଟୋବର ଶୁକ୍ରବାର ) କଳାହାଣ୍ଡି :- ନର୍ଲା ବ୍ଲକ ଅନ୍ତର୍ଗତ ସରିଆଁ ଗ୍ରାମରେ ନେହେରୁ ଯୁବ କେନ୍ଦ୍ର କଳାହାଣ୍ଡି ଓ ଭବାନୀ ଶଙ୍କର ସାଂସ୍କୃତିକ ଅନୁଷ୍ଠାନ,ସରିଆଁ ତରଫରୁ ଭାରତୀୟ ଶିଶୁ ମନ୍ଦିର ସରିଆଁ ଠାରେ ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ପାଳିତ ହୋଇଯାଇଛି । ପ୍ରଥମେ ଅତିଥି ମାନଙ୍କୁ ଦ୍ଵାରା ଗାନ୍ଧୀ ଓ ଲାଲ୍ ବାହାଦୁର ଶାସ୍ତ୍ରୀଙ୍କ ଫଟୋ ଚିତ୍ରରେ ମାଲ୍ୟାର୍ପଣ କରିବା ସହ ସଭାକାର୍ଯ୍ୟ ଆରମ୍ଭ ହୋଇଥିଲା। ଗାନ୍ଧୀଙ୍କ ସତ୍ୟ ଓ ଅହିଂସାର ମୂଳମନ୍ତ୍ର ସହ ଶାସ୍ତ୍ରୀଙ୍କ ଆଦର୍ଶ ଜୀବନକୁ ଆମେ ଗ୍ରହଣ କରିବା ପାଇଁ ଆହ୍ୱାନ ଦିଆଯାଇଥିଲା। ଏହା ସହିତ ଫିଟ ଇଣ୍ଡିଆ ଫ୍ଲଗିଙ୍ଗ ରନ ,ମାସ୍କ ବଣ୍ଟନ ଓ ସ୍ଵଚ୍ଛତା କାର୍ଯ୍ୟକ୍ରମ ମଧ୍ୟ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି
ଭାବରେ ଭବାନୀ ଶଙ୍କର ସାଂସ୍କୃତିକ ଅନୁଷ୍ଠାନର ସଭାପତି ଦୁର୍ବାଦଲ ଭୋଇ ପୂର୍ବତନ ଜାତୀୟ ଯୁବ ସ୍ଵେଚ୍ଛାସେବୀ ହେମସଗାର ସାହୁ , ଭାରତୀୟ ଶିଶୁ ମନ୍ଦିରର ଗୁରୁଜୀ ସମୀର ଥାନାପତି ଉପସ୍ଥିତ ଥିଲେ । ଉକ୍ତ କ୍ଳବର ଉପ ସଭାପତି ଶୁକଦେଵ ସାହୁ କୋଷାଧ୍ୟକ୍ଷ ସୌମ୍ୟରଞ୍ଜନ ସା , ସାଧାରଣ ସଦସ୍ୟ ପ୍ରତ୍ୟୁଷ କୁମାର ଭୋଇ,ରଶ୍ମି ରଞ୍ଜନ ସା, ସୌରଭ କୁମାର ଭୋଇ ,ଅଚ୍ୟୁତାନନ୍ଦ ଭୋଇ, ଆୟୁଷ ରଞ୍ଜନ ଭୋଇ ,ଦିଲୁ ଭୋଇ , ଓଁକାର ଭୋଇ ଏବଂ କ୍ଳବ ର ସମସ୍ତ ସଦସ୍ୟ ଉପସ୍ଥିତ ରହି ସମସ୍ତେ ମାସ୍କ ବ୍ୟବହାର ଓ ସମାଜିକ ଦୂରତା ଅବଲମ୍ବନ କରି କାର୍ଯ୍ୟକ୍ରମଟିକୁ ସଫଳ କରିଥିଲେ। ଉକ୍ତ କାର୍ଯ୍ୟକ୍ରମଟିକୁ ନେହେରୁ ଯୁବ କେନ୍ଦ୍ର କଳାହାଣ୍ଡି ନର୍ଲା ବ୍ଲକର ଜାତୀୟ ଯୁବ ସ୍ଵେଚ୍ଛାସେବୀ ମିଲନ କୁମାର ଭୋଇ ପରିଚାଳନା କରିଥିଲେ । (ରିପୋର୍ଟ ପ୍ରଦୀପ କୁମାର ଗଉଡ )
