ଖଣ୍ଡପଡ଼ା (ଓଡିଶା ତାଜାନ୍ୟୁଜ ) ନି. ପ୍ର :- ଖଣ୍ଡପଡ଼ା ସହରାଞ୍ଚଳ ସ୍ଥିତ ୧୧ ନଂ ୱାର୍ଡ଼ ସୌମ୍ୟ ବିହାର ରେ ଗତ ରବିବାର ଦିନ ଯୁବ ସ୍ୱାଭିମାନ ଦିବସ ପାଳନରେ ରକ୍ତଦାନ ଶିବିର ଆୟୋଜନ କରାଯାଇଥିଲା । ଏ ଅବସରରେ ସ୍ଥାନୀୟ ଯୁବକ, ଯୁବତୀ , ସମାଜସେବୀ ଓ ରାଜନେତା ଯୋଗ ଦେଇ ସେମାନଙ୍କ ମଧ୍ୟରୁ ସ୍ବତଃ ଭାବେ ରକ୍ତ ଦାନ କରି ଶିବିର ରୁ ୭୪ ୟୁନିଟ ରକ୍ତ ସଂଗ୍ରହ କରାଯାଇ ଥିବା ଜଣାଯାଇଛି ।
ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଅଗଷ୍ଟ ୧୬ ତାରିଖରେ ସୌମ୍ୟ ରଞ୍ଜନ ଙ୍କ ଜନ୍ମ ଦିବସକୁ ଯୁବ ସ୍ଵାଭିମାନ ଦିବସ ପାଳନ କରାଯାଇ ନୟାଗଡ଼ ଜିଲ୍ଲା ରକ୍ତ ସଂଗ୍ରହାଳୟ କୁ ରକ୍ତଦାନ କରିଥିଲେ। ଖଣ୍ଡପଡ଼ା ଅଞ୍ଚଳ ର ଅଧିବାସୀ ଯୁବପିଢୀ ସ୍ବେଛାସେବୀ ରକ୍ତଦାନ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଆଗେଇ ଆସିଥିଲେ । ଜନ୍ମ ଜୟନ୍ତୀ ଉତ୍ସବ ଡାକରାରେ ରକ୍ତଦାନ ଶିବିରରେ ତାଙ୍କର ୭୪ ତମ ଜନ୍ମ ଜୟନ୍ତୀ ଅବସରରେ ୭୪ ୟୁନିଟ ରକ୍ତ ସଂଗ୍ରହ କରାଯାଇଥିଲା ବେଳେ
ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟର ରକ୍ତ ଭଣ୍ଡାରର କର୍ମଚାରୀ ମାନେ ରକ୍ତ ସଂଗ୍ରହ କରିଥିଲେ । ଭାପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଭାର ପ୍ରାପ୍ତ ଚିକିତ୍ସା ଅଧିକାରୀ ଡାକ୍ତର ପ୍ରଦୀପ କୁମାର ପାଇକରାୟ ଓ ଖଣ୍ଡପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଡାକ୍ତର ରବୀନ୍ଦ୍ର କୁମାର ସାହୁ ରକ୍ତ ସଂଗ୍ରହରେ ସହଯୋଗ କରିଥିଲେ । ଖଣ୍ଡପଡ଼ା ସହର ସମେତ ବ୍ଲକ, ଭାପୁର ବ୍ଲକ ର ବହୁ ମାନ୍ୟଗଣ୍ୟ ରାଜନେତା ବ୍ୟକ୍ତି ଯୋଗ ଦେଇ,
