ଓଡ଼ିଶା ତାଜା ନିୟୁଜ୍ (୨ ଅକ୍ଟୋବର ଶୁକ୍ରବାର) ଢେଙ୍କାନାଳ :- ମହାତ୍ମା ଗାନ୍ଧୀ ଓ ଲାଲବାହାଦୁର ଶାସ୍ତ୍ରୀ ଙ୍କ ଜନ୍ମ ଜୟନ୍ତୀ ସ୍ଥାନୀୟ ଗାନ୍ଧୀ ପାର୍କ ଠାରେ ଆମ୍ ଆଦମୀ ପାର୍ଟି ପକ୍ଷରୁ ପାଳିତ ହୋଇଯାଇଛି l ଶୁକ୍ରବାର ସକାଳ 11ଟା ବେଳେ କର୍ମୀ ମାନେ ଏକତ୍ରିତ ହୋଇ ମହାତ୍ମା ଗାନ୍ଧୀ ଓ ଲାଲବାହାଦୁର ଶାସ୍ତ୍ରୀ ଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରି ଧୂପ ଦାନ କରିଥିଲେ l ମହାମାରୀ କରୋନା ର ଏହି କରାଳତା ସମୟରେ ଗାନ୍ଧିଜୀ ଓ ଶାସ୍ତ୍ରିଜୀ ଙ୍କ ପରି ସରଳ ଜୀବନଯାପନ ବିତାଇବା ସହିତ ମାସ୍କ ପିନ୍ଧିବା ଓ ସାମାଜିକ ଦୂରତା ରକ୍ଷା କରିବା ପାଇଁ ଜିଲ୍ଲା ଆବାହକ ପଙ୍କଜ ନାୟକ ଆହ୍ୱାନ ଦେଇଥିଲେ l
ଏହି କାର୍ଯ୍ୟକ୍ରମ ରେ ଜିଲ୍ଲା କୋଷାଧ୍ୟକ୍ଷ ତଥା ପରଜଙ୍ଗ ବିଧାନସଭା ଅଧ୍ୟକ୍ଷ ପର୍ଶୁରାମ ମହାଭୋଇ, ମହିଳା ପ୍ରମୁଖ ସନ୍ଧ୍ୟାରାଣୀ ସାହୁ, କୃଷକ ନେତା ଚନ୍ଦ୍ରଶେଖର ସାହୁ, ଦଳିତ ନେତା ବିନୋଦ ମଲିକ ଓ ସୁଧନ୍ୟ ନାଏକ, ନଗର ସଭାପତି ରଘୁନାଥ ପ୍ରସାଦ ମିଶ୍ର, କାମାକ୍ଷା ବେହେରା, ରମେଶ ରାଜ, ବଳଭଦ୍ର ବେହେରା, ଅରୁଣ ମଲ୍ଲିକ, ବାବୁଲି ଖିଲାର, ସାଜେଦା ପରବୀନ, ଛାତ୍ର ନେତା ବିଶ୍ୱଜିତ ବରାଳ ପ୍ରମୁଖ ଉପସ୍ଥିତ ରହି ପୁଷ୍ପାଞ୍ଜଳି ଅର୍ପଣ କରିଥିଲେ l (ରିପୋର୍ଟ୍, ଅମର ରଞ୍ଜନ ଦାସ)
