No Result
View All Result
କଣ୍ଟାବାଞ୍ଜି (ଓଡିଶା ତାଜାନ୍ୟୁଜ) (ନି. ପ୍ର) :- କଣ୍ଟାବାଞ୍ଜି ସ୍ଥିତ ଉତ୍କଳ ବାଳାଶ୍ରମ ଶିଶୁ ଯତ୍ନ ଗୃହରେ ନିର୍ଦ୍ଧାରିତ କାର୍ଯ୍ୟଯୋଜନା ଅନୁଯାୟୀ ଚାରି ଦିନିଆ ସ୍ୱଚ୍ଛତା କାର୍ଯ୍ୟକ୍ରମ ସଫଳତାର ସହ ସମ୍ପନ୍ନ ହୋଇଛି । ଉଦଯାପନୀ କାର୍ଯ୍ୟକ୍ରମରେ ଡିସିପିୟୁ ବଲାଙ୍ଗୀରର ପିଓଆଇସି ଆଶିଷ କୁମାର ନାୟକ ମୁଖ୍ୟ ଅତିଥି ଏବଂ ଡିଏସଡବ୍ଲ୍ୟୁ କାର୍ଯ୍ୟାଳୟର ପ୍ରୋଗ୍ରାମ ଅଫିସର ସୁଜାତା ଦୋରା ସମ୍ମାନିତ ଅତିଥି ଭାବେ ଯୋଗଦେଇଥିଲେ । ଉଭୟ ଅତିଥି ଶିଶୁମାନଙ୍କୁ ସ୍ୱଚ୍ଛତା, ସ୍ୱାସ୍ଥ୍ୟବିଧି ଓ ପରିବେଶ ସୁରକ୍ଷା ସମ୍ପର୍କରେ ପ୍ରେରଣାଦାୟୀ ବାର୍ତା ଦେଇଥିଲେ ।
କାର୍ଯ୍ୟକ୍ରମରେ ତହସିଲଦାର ବିଶନାଥ ଖାଲଖୋ, ଏନଏସିର ଟିଆରପି ବର୍ଷାରାଣୀ ବାଗ, ସିଏଚସି ଅଧୀକ୍ଷକ ଡା. ରାକେଶ ପଣ୍ଡିତ, ସମାଜସେବୀ ସୁରଥ ବେହେରାଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଓ କମିଟି ସଦସ୍ୟ ଉପସ୍ଥିତ ଥିଲେ । ବାଳାଶ୍ରମ ପରିସର ସଫେଇ, ବର୍ଜ୍ୟବସ୍ତୁ ପୃଥକୀକରଣ, ସେପ୍ଟିକ୍ ଟ୍ୟାଙ୍କ ସଫା ଏବଂ ଶୌଚାଳୟ ଓ ରୋଷେଇ ଘରର ରଙ୍ଗ କାମ କରାଯାଇଥିଲା ।
ଶିଶୁମାନଙ୍କ ପାଇଁ ସ୍ୱଚ୍ଛତା ପ୍ରଶିକ୍ଷଣ, ବିତର୍କ ପ୍ରତିଯୋଗିତା, ପାଲା ପରିବେଷଣ ଓ ଭିଡିଓ ଡକ୍ୟୁମେଣ୍ଟେସନ୍ ଆୟୋଜନ ହୋଇଥିଲା । ନିକଟସ୍ଥ ମାକରଚୁଆଁ ଗ୍ରାମରେ ପାଲା ପରିବେଷଣ ଓ ରୋଡ୍ ଶୋ’ ମାଧ୍ୟମରେ ସ୍ୱଚ୍ଛତା ସଚେତନତାର ବାର୍ତା ପ୍ରଚାର କରାଯାଇଥିଲା । ପରିବେଶ ସୁରକ୍ଷା ପାଇଁ କିଚେନ୍ ଗାର୍ଡେନିଂ କାର୍ଯ୍ୟକ୍ରମ କରାଯାଇଥିଲା ।
ସମସ୍ତ କାର୍ଯ୍ୟକ୍ରମ ଉତ୍କଳ ବାଳାଶ୍ରମର କର୍ମଚାରୀ ସୌରଭ କୁମାର ମହାକୁର, ସୁନୀତା ଛତ୍ରିଆ, ବାୟଜନ୍ତି ପୁଟେଲ, ଶୁକ୍ରୁ ରାୟ ଏବଂ ପରୀକ୍ଷିତ ପ୍ରଧାନଙ୍କ ଦ୍ୱାରା ସୁଚାରୁ ଭାବେ ଆୟୋଜିତ ହୋଇଥିଲା । ବାଳାଶ୍ରମର ନିର୍ବାହୀ ଅଧିକାରୀ ତଥା ସୁପରିଣ୍ଟେଣ୍ଡେଣ୍ଟ ସମୀର ସାଗରଙ୍କ ତତ୍ୱାବଧାନରେ ସମଗ୍ର କାର୍ଯ୍ୟକ୍ରମ ସୁଚାରୁ ଭାବେ ପରିଚାଳିତ ହୋଇଥିଲା । ଶେଷରେ ଜାତୀୟ ସଙ୍ଗୀତ ଗାନ ସହ କାର୍ଯ୍ୟକ୍ରମ ସମାପନ ହୋଇଥିଲା ।
No Result
View All Result
