କଣ୍ଟାବାଞ୍ଜି ଏନ.ଏ.ସି.ରେ ବିକାଶର ଧାରା ଓଡିଶା ସାରା କାର୍ଯ୍ୟକ୍ରମ ଅନୁଷ୍ଠିତ – କଣ୍ଟାବାଞ୍ଜି

କଣ୍ଟାବାଞ୍ଜି (ଓଡିଶା ତାଜାନ୍ୟୁଜ) (ନି. ପ୍ର) :- ଓଡିଶା ସରକାରଙ୍କ ଦୁଇ ବର୍ଷ ପୂର୍ତି ଉପଲକ୍ଷେ ରାଜ୍ୟସ୍ତରୀୟ ସହରାଂଚଳ ଜନ ସମ୍ପର୍କ ଓ ନାଗରୀକ ସହଭାଗୀତା କାର୍ଯ୍ୟକ୍ରମ ସାରା ରାଜ୍ୟରେ ବୁଧବାର ଦିନ ଅନୁଷ୍ଠିତ ହୋଇଛି । ଏହି ଅବସରରେ କଣ୍ଟାବାଞ୍ଜି ଏନ.ଏ.ସି.ରେ ମଧ୍ୟ ସ୍ଥାନୀୟ ଚିଲଡ୍ରେନ ପାର୍କ ନିକଟସ୍ଥ ନବ ନିର୍ମିତ ମଲ୍ଟି ପରପୋଜ୍ କମ୍ୟୁନିଟି ହଲରେ ବର୍ଣ୍ଣାଢ୍ୟ ପରିବେଶ ରେ ଆୟୋଜିତ ହୋଇଯାଇଛି । ଏହି ଅବସରରେ କଣ୍ଟାବାଞ୍ଜିରେ ଅନୁଷ୍ଠିତ କାର୍ଯ୍ୟକ୍ରମରେ ସରକାରଙ୍କ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ଉପରେ ଆଲୋକପାତ କରାଯାଇଥିଲା ।

ସହରର ସ୍ୱଛତା, ପରିମଳ ଏବଂ ଉନ୍ନୟନରେ ସ୍ୱଛସାଥୀ, ଜଳସାଥୀ ଓ କର୍ମଚାରୀମାନଙ୍କ ଭୂମିକା ଉପରେ ଜନସାଧାରଣଙ୍କ ସହଯୋଗରେ ନିଜ ଅଂଚଳର ଉନ୍ନତି ସହିତ ସହରର ଉନ୍ନତି ସମ୍ଭବ ବୋଲି କାର୍ଯ୍ୟକ୍ରମରେ ଯୋଗ ଦେଇଥିବା ଅତିଥୀମାନେ ମତବ୍ୟକ୍ତ କରିଥିଲେ ।ରାଜ୍ୟର ସହରାଞ୍ଚଳର ସର୍ବାଙ୍ଗୀଣ ଉନ୍ନତି ଓ ନାଗରିକ ସେବାର ସୁଧାର ପାଇଁ ଆଜିଠାରୁ ଆରମ୍ଭ ହୋଇଛି “ବିକଶିତ ଯାତ୍ରା, ଓଡ଼ିଶା ସାରା” କାର୍ଯ୍ୟକ୍ରମ। ରାଜ୍ୟ ସରକାରଙ୍କ ଗତ ଦୁଇ ବର୍ଷର ଉନ୍ନୟନମୂଳକ କାର୍ଯ୍ୟ ଏବଂ ଆଗାମୀ ଯୋଜନା ସମ୍ପର୍କରେ ଜନସାଧାରଣଙ୍କୁ ଅବଗତ କରାଇବା ଏହାର ମୁଖ୍ୟ ଉଦ୍ଦେଶ୍ୟ। “ବିକଶିତ ଯାତ୍ରା, ଓଡ଼ିଶା ସାରା” ଅଭିଯାନ ଅଧୀନରେ ସହରାଞ୍ଚଳରେ ପାନୀୟ ଜଳ,

ପରିମଳ ବ୍ୟବସ୍ଥା, ଆବାସ, ସଡ଼କ, ଜନପରିବହନ ଓ ଡିଜିଟାଲ ସେବା କ୍ଷେତ୍ରରେ ହୋଇଥିବା ଉନ୍ନତିକୁ ଲୋକଙ୍କ ସମ୍ମୁଖରେ ଉପସ୍ଥାପନ କରାଯାଉଛି। ଏହି ଅଭିଯାନ ମାଧ୍ୟମରେ ଜନସାଧାରଣଙ୍କ ମତାମତ ଓ ପରାମର୍ଶ ମଧ୍ୟ ସଂଗ୍ରହ କରାଯିବ। ପ୍ରଦର୍ଶନୀ, ସଚେତନତା କାର୍ଯ୍ୟକ୍ରମ ଏବଂ ସରକାରୀ ଯୋଜନାର ସୂଚନା ପ୍ରଦାନ ମାଧ୍ୟମରେ ଏହି ଯାତ୍ରା ସହରବାସୀଙ୍କୁ ସରକାରଙ୍କ ବିକାଶମୂଳକ ପଦକ୍ଷେପ ସହ ଯୋଡ଼ିବାରେ ସହାୟକ ହେବ। ରାଜ୍ୟକୁ ଏକ ବିକଶିତ ଓ ସମୃଦ୍ଧ ଓଡ଼ିଶା ଗଢ଼ି ତୋଳିବା ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପ୍ରୟାସ ବୋଲି ସରକାର କହିଛନ୍ତି।

ବିକାଶର ବାର୍ତ୍ତାକୁ ଘରେ ଘରେ ପହଞ୍ଚାଇବା ସହ ଲୋକଙ୍କ ସକ୍ରିୟ ଭାଗୀଦାରୀକୁ ଗୁରୁତ୍ୱ ଦେଇ “ବିକଶିତ ଯାତ୍ରା, ଓଡ଼ିଶା ସାରା” କାର୍ଯ୍ୟକ୍ରମ ରାଜ୍ୟବ୍ୟାପୀ ଭାବେ ଆୟୋଜିତ ହୋଇଛି । ଏହି କାର୍ଯ୍ୟକ୍ରମରେ ଏନ.ଏ.ସି. ଉପାଧ୍ୟକ୍ଷା ଶ୍ରୀମତୀ ମନୋରମା ରାଉତଙ୍କ ଅଧ୍ୟକ୍ଷତାରେ ଓ ଏନ.ଏ.ସି. ନିର୍ବାହୀ ଅଧିକାରୀ ନେତୃତ୍ୱରେ ଛବି ପୋଢଙ୍କ ଅନୁଷ୍ଠିତ ସଭାରେ ବିଧାୟକଙ୍କ ପ୍ରତିନିଧି ବେଦବ୍ୟାସ ନାଗ ମୂଖ୍ୟ ଅତିଥୀ ଭାଭେ ମଂଚାଶିନ ଥିଲେ । କାର୍ଯ୍ୟକ୍ରମ ପ୍ରାରମ୍ଭରେ ଏନ.ଏ.ସି.କମ୍ୟୁନିଟି ଅର୍ଗାନାଇଜର ଜ୍ୟୋସ୍ନାମୟୀ ବାରୀକ ପ୍ରାରମ୍ଭିକ ସୂଚନା ଦେଇଥିଲେ । କାର୍ଯ୍ୟକ୍ରମ ପରେ ଓଡିଶା ସରକାରଙ୍କ ରାଜ୍ୟବ୍ୟାପୀ ଉନ୍ନୟନ ମୂଳକ କାର୍ଯ୍ୟର ଏଲ.ସି.ଡି. ମାଧ୍ୟମରେ ଦେଖାଯାଇଥିଲା । ଏହି କାର୍ଯ୍ୟକ୍ରମରେ ଏନ.ଏ.ସି.ର କାଉନସିଲର ବିକାଶ ତରିଆ ସହ ସହସ୍ରାଧିକ ସ୍ୱଂୟ ସହାୟକ ଗୋଷ୍ଠୀର ମହିଳା, ଜନସାଧାରଣ ଉପସ୍ଥିତ ରହିଥିଲେ ।