ପାରଳାଖେମୁଣ୍ଡି (ଓଡିଶା ତାଜା ନ୍ୟୁଜ) ନି. ପ୍ର :- ଜିଲ୍ଲା ନୂଆଗଡ଼ ବ୍ଲକ ମୁରୁସିଂ ଗ୍ରାମର ସ୍ୱର୍ଗତ ଅନିସୀମ ମଣ୍ଡଳ ଓ ସାବେନୀ ମଣ୍ଡଳଂକ ପୁତ୍ର ସୁଦଶ କୁମାର ମଣ୍ଡଳ ଓଡିଶା ସିଭିଲ୍ ସର୍ଭିସ ପରୀକ୍ଷାରେ ୧୮୧ ରାଂକ ରଖି ଉତ୍ତୀର୍ଣ୍ଣ ହୋଇଛନ୍ତି । ଦଶମ ଶ୍ରେଣୀ ଆନ୍ଧ୍ରପ୍ରଦେଶର ପୁରୁଣା ପାଟଣା ସେଣ୍ଟ ଆନ୍ସ ସ୍କୁଲରୁ ପାସ୍ କରି ବିଶାଖାପାଟଣା ନାରାୟଣା ଅନୁଷ୍ଠାନରୁ +୨ ବିଜ୍ଞାନ ବିଜ୍ଞାନରେ କୃତିତ୍ୱର ସହ ଉତ୍ତୀର୍ଣ୍ଣ ହୋଇ ବ୍ରହ୍ମପୁର ଖଲିକୋଟ କଲେଜରେ ପଦାର୍ଥ ବିଜ୍ଞାନ (ଉଚ୍ଚମାନ)ରେ ଡିଗ୍ରୀ ହାସଲ କଲାପରେ ସ୍ନାତକୋତ୍ତର ଶ୍ରେଣୀରେ ପଢୁଥିଲେ ।
କିନ୍ତୁ ଆର୍ଥିକ ଅନାଟନ ଦ୍ରୁଷ୍ଟିରୁ ରେଭିନ୍ୟୁ ଇନିସପେକ୍ଟର ଚାକିରିରେ ୨୦୨୧ରେ ନିଯୁକ୍ତି ପାଇ ଅଧାରୁ ସ୍ନାତକୋତ୍ତର ଶିକ୍ଷା ଛାଡିଥିଲେ । ତଥାପି ଓଏଏସ୍ ପାଇଁ ସେ ସଂକଳ୍ପ ରଖି ନିଜର ତୃତୀୟ ଚେଷ୍ଟାରେ କୃତକାର୍ଯ୍ୟ ହୋଇପାରିଲେ । ସଂଘର୍ଷ ଭିତରେ ନିଜର ସ୍ୱପ୍ନ ସାକାର କରିଛନ୍ତି । ବାପାଙ୍କୁ ବହୁ ଆଗରୁ ହରାଇଥିଲେ ତେଣୁ ପରିବାରର ଦାୟିତ୍ୱ ତାଂକ ଉପରେ ନ୍ୟସ୍ତ ଥିଲା ।
ବାପା ଶିକ୍ଷକତା କରୁଥିବା ସମୟରେ ଇହଧାମ ତ୍ୟାଗ କରିଥିଲେ । ତେଣୁ ସେ ପରିବାରର ଦାୟିତ୍ୱ ସହ ନିଜର ଭବିଷ୍ଯତ ପ୍ରତି ଦ୍ରୁଷ୍ଟି ରଖିଥିଲେ । ସେ କହନ୍ତି, “ଝଡଝଂଜାକୁ ସାମନା କରି ଯେଉଁମାନେ ନିଜ ସ୍ୱପ୍ନ ସଫଳ କରନ୍ତି ସେମାନେ ବାସ୍ତବ ଜୀବନ ଅନୁଭବ କରିଥାନ୍ତି”। ତାଂକର ଗଜପତି ଜିଲ୍ଲା ଆଦିବାସୀ ତଥା ଅନୁନ୍ନତ ବର୍ଗ ପାଇଁ ଶ୍ରେଷ୍ଠ ପ୍ରେରଣା କହିଲେ ଅତ୍ୟୁକ୍ତି ହେବନାହିଁ ।
