ବିଜେଡିର ନାରୀ ଅଧିକାର ଅଭିଯାନ ରାଲିରେ ଗର୍ଜିଲେ ମହିଳା ନେତୃମଣ୍ଡଳୀ

ହିଞ୍ଜିଳିକାଟୁ (ଓଡ଼ିଶା ତାଜା ନ୍ୟୁଜ) (ନିପ୍ର) :- ପାର୍ଲିଆମେଣ୍ଟରେ ସର୍ବ ସମ୍ମତି କ୍ରମେ ଗୃହୀତ ହୋଇଥିବା ମହିଳା ସଂରକ୍ଷଣ ଅଧିନିୟମର ତ୍ୱରିତ କାର୍ଯ୍ୟନ୍ଵୟନ ଏବଂ ମହିଳାଙ୍କ ପ୍ରତି ବଢ଼ି ଚାଲିଥିବା ନୃଶଂସ ନିର୍ଯ୍ୟାତନାକୁ ବନ୍ଦ କରିବାରେ ଦୃଢ଼ ପଦକ୍ଷେପ ଗ୍ରହଣ କରିବା ପାଇଁ ମଙ୍ଗଳବାର ମୁଖ୍ୟ ସଚେତକ ପ୍ରମିଳା ମଲ୍ଲିକ ଏବଂ ରାଜ୍ୟ ମହିଳା ସଭାନେତ୍ରୀ ସ୍ନେହାଙ୍ଗିନୀ ଛୁରିଆଙ୍କ ନେତୃତ୍ୱରେ ହିଞ୍ଜିଳି ନିର୍ଵାଚନ ମଣ୍ଡଳୀର ମହିଳା ନେତ୍ରୀ,କର୍ମୀ ଓ ସମର୍ଥକ ଭାରତର ମହାମହିମ ରାଷ୍ଟ୍ରପତିଙ୍କ ଉଦ୍ଦେଶ୍ଯରେ ହିଞ୍ଜିଳିକାଟୁ ଗୋଷ୍ଠୀ ଉନ୍ନୟନ ଅଧିକାରୀ ସୁଶ୍ରୀ ସାଗରିକା ଷଢ଼ଙ୍ଗୀଙ୍କୁ ସ୍ୱାକ୍ଷର ସମ୍ବଳିତ ୫ କିତା ଦାବିପତ୍ର ପ୍ରଦାନ କରିଛନ୍ତି।

ଏହି ଅବସରରେ ମାନ୍ୟବର ବିଜେଡି ସୁପ୍ରିମୋ ତଥା ମାନ୍ୟବର ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ହିଞ୍ଜିଳି ଓ ଶେରଗଡ ଅଞ୍ଚଳରୁ ଶହ ଶହ ମହିଳା ବିଜେଡି କର୍ମୀ ଓ ନେତା ନାରୀ ଅଧିକାର ଅଭିଯାନ ରାଲିରେ ସାମିଲ ହୋଇଥିଲେ। ରାଲିରେ ମାନ୍ୟବର ମୁଖ୍ୟ ସଚେତକ ତଥା ପୂର୍ବତନ ମନ୍ତ୍ରୀ ପ୍ରମିଳା ମଲ୍ଲିକ ଏବଂ ରାଜ୍ୟ ମହିଳା ସଭାନେତ୍ରୀ ତଥା ପୂର୍ବତନ ମନ୍ତ୍ରୀ ସ୍ନେହାଙ୍ଗିନୀ ଛୁରିଆ ଯୋଗ ଦେଇ ବିଶାଳ ରାଲିର ମଙ୍ଗ ଧରିଥିଲେ। ସ୍ଥାନୀୟ ମିନି ଷ୍ଟାଡିୟମ ପରିସରରୁ ଏକ ବିଶାଳ ରାଲି ପଟୁଆରରେ ବାହାରି ବିଜୁ ପଟ୍ଟନାୟକ ଛକରେ ପହଞ୍ଚି ସ୍ୱର୍ଗତ ବିଜୁ ପଟ୍ଟନାୟକଙ୍କ ପୂର୍ଣ୍ଣାବୟବ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।

ସେଠାରୁ କେନ୍ଦ୍ର ଓ ରାଜ୍ୟ ସରକାରଙ୍କ ବିରୋଧରେ ପ୍ଲାକାର୍ଡ ପ୍ରଦର୍ଶନ ଓ ନାରାବାଜି ଦେଇ ହିଞ୍ଜିଳିକାଟୁ ବ୍ଳକ କାର୍ଯ୍ୟାଳୟ ସମ୍ମୁଖରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲେ। ବ୍ଲକ କାର୍ଯ୍ୟାଳୟ ସମ୍ମୁଖରେ ଆୟୋଜିତ ପଥପ୍ରାନ୍ତ ସଭାରେ ମୁଖ୍ୟ ସଚେତକ ଶ୍ରୀମତୀ ମଲ୍ଲିକ ଓ ରାଜ୍ୟ ମହିଳା ସଭାନେତ୍ରୀ ଶ୍ରୀମତୀ ଛୁରିଆ ନାରୀ ଅଧିକାର ଅଭିଯାନ ପ୍ରସଙ୍ଗ ଉପରେ କେନ୍ଦ୍ର ସରକାର ଏବଂ ରାଜ୍ୟ ସରକାରଙ୍କ ବିରୋଧରେ ଦୋମୁହାଁ ନୀତିର କଟୁ ସମାଲୋଚନା କରିଥିଲେ। ଗତ ୨୦୨୩ ମସିହାରେ ଯେତେବେଳ ନାରୀ ଶକ୍ତି ବନ୍ଦନ ଅଧିନିୟମ ପ୍ରଚଳନ କରାଯାଇଥିଲା ସେତେବେଳ ବିଜୁ ଜନତା ଦଳ ନିଃସର୍ତ୍ତ ସମର୍ଥନ କରିଥିଲା।

ଏହାକୁ ୨୦୨୯ ସୁଦ୍ଧା କାର୍ଯ୍ୟକାରୀ କରିବାକୁ ସମସ୍ତ ଦଳ ଗୁରୁତ୍ୱାରୋପ କରିଥିଲେ। କିନ୍ତୁ କେନ୍ଦ୍ର ସରକାର ବିଭିନ୍ନ ଆଳ ଦେଖାଇ ଏହାକୁ ଲାଗୁ କଲେ ନାହିଁ। ଏହା ପୂର୍ବରୁ ସ୍ଵଗର୍ତ ବିଜୁ ପଟ୍ଟନାୟକ ମହିଳା ମାନଙ୍କୁ ସଶକ୍ତ କରିବା କ୍ଷେତ୍ରରେ ପଞ୍ଚାୟତରାଜ ସଂସ୍ଥା ଠାରୁ ଆରମ୍ଭ କରି ବିଭିନ୍ନ ସରକାରୀ ଚାକିରି କ୍ଷେତ୍ରରେ ୩୩% ସ୍ଥାନ ସଂରକ୍ଷିତ କରି ସାହସିକ ପଦକ୍ଷେପ ନେଇଥିଲେ। ବିଜୁ ବାବୁଙ୍କ ନୀତି ଓ ଆଦର୍ଶରେ ନବୀନ ପଟ୍ଟନାୟକଙ୍କ ସମୟରେ ପଞ୍ଚାୟତରାଜ ଓ ପୌର ସଂସ୍ଥାରେ ମହିଳାଙ୍କ ସଂରକ୍ଷଣ କୁ ୫୦% ବୃଦ୍ଧି କରିଥିଲେ।

ଗତ ୨୦୧୯ ଓ ୨୦୨୪ ଲୋକସଭା ନିର୍ବାଚନ ବେଳେ ନବୀନ ବାବୁ ମହିଳାଙ୍କ ପାଇଁ ୩୩% ଟିକେଟ ମଧ୍ଯ ଦେଇଥିଲେ। କିନ୍ତୁ କେନ୍ଦ୍ର ସରକାର ସୀମା ପୁନଃ ନିର୍ଦ୍ଧାରଣ ବିଲକୁ ଲୁକ୍କାୟିତ ଭାବେ ମହିଳା ସଂରକ୍ଷଣ ବିଲ ନାଁ ରେ ପାରିତ କରିବାର ଅପଚେଷ୍ଟା ଓ ହୀନ ଚକ୍ରାନ୍ତ କରିଥିଲେ। ବିଜେଡି ଏହାକୁ ଦୃଢ଼ ନିନ୍ଦା କରିବା ସହ ଲୋକସଭା ସ୍ଥାନ ସଂଖ୍ୟା ଭିତ୍ତିରେ ୩୩% ମହିଳାଙ୍କୁ ସଂରକ୍ଷଣ ଦିଆଯାଉ ବୋଲି ଦାବି ଉପସ୍ଥାପନା କରିଥିଲେ। ଏଥିସହିତ ରାଜ୍ୟରେ ବୃଦ୍ଧି ପାଉଥିବା ମହିଳା ହିଂସା, ଯୌନ ଉତ୍ପୀଡ଼ନ,ଅପରାଧ ନିୟନ୍ତ୍ରଣ କରିବାରେ ରାଜ୍ୟ ସରକାରଙ୍କ ଅପାରଗତା,ବିଫଳତା ତଥା ଅପରଧ ନିୟନ୍ତ୍ରଣରେ ପ୍ରଶାସନର ଚରମ ଉଦାସୀନତା ଯୋଗୁଁ ଓଡିଶାର ଭାବମୂର୍ତ୍ତି କ୍ଷୁର୍ଣ୍ଣ ହୋଇଛି ବୋଲି ସରକାରଙ୍କ ଉପରେ ବର୍ଷିଥିଲେ।

ଅନ୍ୟ ମାନଙ୍କ ମଧ୍ୟରେ ପୂର୍ବତନ ସାଂସଦ ପ୍ରମିଳା ବିଷୋୟୀ, ରାଜ୍ୟ ସାଧାରଣ ସମ୍ପାଦିକା ରଞ୍ଜିତା ସାହୁ,ଜୋନ ସଭାନେତ୍ରୀ ମମତା ବିଷୋୟୀ, ବ୍ଲକ ଅଧ୍ୟକ୍ଷା ସରସ୍ୱତୀ ସେଠୀ, ପୌର ଉପାଧ୍ୟକ୍ଷା ସୁଚିତ୍ରା କୁମାରୀ ପଣ୍ଡା, ଉମାରାଣୀ ବେହେରା,ବାଇ ଗୀତାଞ୍ଜଳୀ,ରଶ୍ମୀତା ବେହେରାଙ୍କ ସମେତ ଡିଆରଡିଏ ପ୍ରତିନିଧି ଦେବାନନ୍ଦ ମହାପାତ୍ର, ବ୍ଲକ ସଭାପତି ଓ ପ୍ରତିନିଧି,ଶେରଗଡ ବ୍ଲକ ଅଧ୍ୟକ୍ଷ କୃଷ୍ଣଚନ୍ଦ୍ର ନାୟକ, ପୌର ପରିଷଦ ଅଧ୍ୟକ୍ଷ ସୁବାସ ଚନ୍ଦ୍ର ପୋଲେଇ,ପ୍ୟାରୀ ମୋହନ ପାଢ଼ୀ, ହୃଦାନନ୍ଦ ମହାପାତ୍ର,ପ୍ରଦୀପ କୁମାର ପଣ୍ତା, ପୂର୍ବତନ ବ୍ଲକ ଅଧ୍ୟକ୍ଷ ଏନ୍. ରଘୁନାଥ,

ଅଜୟ କୁମାର ମହାରଣା,ହିନ ବେହେରା, ମନୋଜ କୁମାର ପୋଲେଇ,ବସନ୍ତ ବେହେରା,ଶରତ ଚନ୍ଦ୍ର ପାତ୍ର, ବରୁଣ ପୋଲେଇ, ବିପ୍ଳବ ସେଠୀ, ରାମହରି ଶର୍ମା, ପ୍ରଶାନ୍ତ ନାହାକ, ପ୍ରଭାତ ମହାରଣା, ମେଘନାଦ ଦାସ ପ୍ରମୁଖଙ୍କ ସମେତ ବହୁ ବରିଷ୍ଠ ନେତା, ଜନ ପ୍ରତିନିଧି ଓ ମହିଳା ନେତା ଓ କର୍ମୀ ଯୋଗ ଦେଇଥିଲେ। ଦଳ ତରଫରୁ ନାରୀ ଅଧିକାର ଅଭିଯାନରେ ଗ୍ରାମାଞ୍ଚଳରୁ ଯୋଗ ଦେଇଥିବା ମା ଓ ମହିଳା ମାନଙ୍କୁ ଉପୁମା ଓ ତରକାରୀ ପରିବେଷଣ କରାଯିବା ସହିତ ସଭା ଶେଷ ହେବା ପରେ ନବାତ ପଣା ପିଇ ତୃଷା ମେଣ୍ଟାଇ ଥିଲେ। ଯାହାକି ଲୋକଙ୍କ ମଧ୍ୟରେ ଚର୍ଚ୍ଚାର ଖୋରାକ ଯୋଗାଇଥିଲା।