ଓଡ଼ିଶା ତାଜା ନ୍ୟୁଜ (୨୮ ସେପ୍ଟେମ୍ବର ,ସୋମବାର ) ବ୍ରହ୍ମପୁର :- କୋରୋନା କାଳରେ ଶ୍ରମିକଙ୍କ ନିମନ୍ତେ ସହାୟକ ହେଉଛି ମନରେଗା ଯୋଜନା । ଲକ୍ଷ ଲକ୍ଷ ପ୍ରବାସୀ ଓଡ଼ିଆମାନେ କୋରୋନା ଯୋଗୁଁ ନିଜର ଭିଟାମାଟିକୁ ଫେରିଥିଲେ। ମହାମାରୀର ପ୍ରଭାବରେ ଦୀର୍ଘ ଦିନ ଧରି ଘରେ ରହିବା ପରେ ଏବେ ବାହାରକୁ ପାଦ କାଡିଛନ୍ତି ପ୍ରବାସୀ ଓଡିଆମାନେ। ରୋଜଗାର ହରାଇ ଥିବା ଯୋଗୁଁ ନିଜ ଅଞ୍ଚଳରେ ସେମାନଙ୍କୁ ରୋଜଗାର ଯୋଗାଇ ଦେଇଛି ଗଞ୍ଜାମ ଜିଲ୍ଲା ପ୍ରଶାସନ। ମନରେଗା ଯୋଜନାରେ ବିଭିନ୍ନ କାମ କରି ଭଲ ଦୁଇ ପିଇସା ରୋଜଗାର କରୁଛନ୍ତି ପ୍ରବାସୀ ଓଡ଼ିଆମାନେ। କୋରୋନା ଯୋଗୁଁ ନିଜର ଜୀବିକା ହରାଇ ଗଞ୍ଜାମ ଜିଲ୍ଲାକୁ ଫେରିଥିଲେ 7 ଲକ୍ଷରୁ ଅଧିକ ପ୍ରବାସୀ ଓଡିଆ। ପ୍ରବାସୀ ଓଡ଼ିଆମାନେ ନିଜର ଭିଟାମାଟିକୁ ଫେରିବା ଭାଇରସ ଭୟରେ ଘରର ଚାରିକାନ୍ଥ ମଧ୍ଯରେ ହିଁ ରହୁଥିଲେ ।
ରୋଜଗାର ହରାଇ ଥିବା ଯୋଗୁଁ ଦୁଇ ଓଳି ଭଲସେ ଖାଇବାକୁ ମଧ୍ୟ ସେମାନେ ବ୍ୟବସ୍ଥା କରିପାରୁନଥିଲେ। କିନ୍ତୁ ବର୍ତ୍ତମାନ ଜିଲ୍ଲାରେ କୋରୋନା ସ୍ଥିତି ନିୟନ୍ତ୍ରଣକୁ ଆସିବା ପରେ ବାହାରକୁ ପାଦ କାଡିଛନ୍ତି ପ୍ରବାସୀ ମାନେ। ଏଭଳି ସମୟରେ ପ୍ରବାସୀ ମାନଙ୍କୁ ସାହା ହୋଇଛି ଗଞ୍ଜାମ ଜିଲ୍ଲା ପ୍ରଶାସନ। ପ୍ରତ୍ୟେକ ଗ୍ରାମରେ ରହିଥିବା ଗ୍ରାମ ରୋଜଗାର ସେବକଙ୍କ ଜରିଆରେ ପ୍ରବାସୀ ମାନଙ୍କର ତାଲିକା କରାଯାଉଛି। ଏହାପରେ ପ୍ରବାସୀ ମାନେ ମନରେଗା ଯୋଜନାରେ କେଉଁ ପ୍ରକାରର କାମ କରିପାରିବେ ସେ ନେଇ ତଦାରଖ କରାଯାଉଛି । ଏହାପରେ ସେମାନଙ୍କୁ ଗାଁର ବିଭିନ୍ନ ଉନ୍ନୟନମୂଳକ କାମ ଯୋଗାଇ ଦିଆଯାଉଛି। ଦୀର୍ଘ ଦିନ ଧରି ଘରେ ବସିବା ପରେ ଏବେ ନିଜର ପରିବାରକୁ ପ୍ରତିପୋଷଣ କରିବା ନିମନ୍ତେ ମନରେଗାରେ କାମ ପାଇ ବେଶ ଖୁସି ଜାହିର କରିଛନ୍ତି ପ୍ରବାସୀ ଓଡିଆ ।
ସେପଟେ ସ୍ଥାନୀୟ ଜନପ୍ରତିନିଧି ମାନେ ମଧ୍ୟ ପ୍ରବାସୀଙ୍କ ନିମନ୍ତେ କାମ ଯୋଗାଇବା ସହ ସହଯୋଗର ହାତ ମଧ୍ୟ ବିତାଉଛନ୍ତି। ସେପଟେ ଜିଲ୍ଲାର ବିଭିନ୍ନ ସ୍ଥାନ ଭଳି ଛତ୍ରପୁର ଅଞ୍ଚଳରେ ମଧ୍ୟ ମନରେଗା ଯୋଜନାରେ ପ୍ରବାସୀଙ୍କୁ ରୋଜଗାର ଯୋଗାଇଦିଆଯାଇଛି। ଶ୍ରୀରାମଚନ୍ଦ୍ରପୁର ପଞ୍ଚାୟତର ଅନେକ ଗାଁକୁ ରାସ୍ତା କରିବା କାର୍ଯ୍ୟରେ ଲାଗିପଡିଛନ୍ତି ଶ୍ରମିକ ମାନେ। କେବଳ ରାସ୍ତା ନୁହେଁ ବରଂ ପୋଖରୀ, ଗଛ ଲଗାଇବା କାମ ସହ ଅନ୍ୟାନ୍ୟ କାମ କରୁଛନ୍ତି ପ୍ରବାସୀ ଓଡ଼ିଆମାନେ । ସେପଟେ ଅଧିକରୁ ଅଧିକ ଯେପରି ପ୍ରବାସୀ ଓଡିଆ କାର୍ଯ୍ୟ ପାଇବେ ସେନେଇ ପଞ୍ଚାୟତ ସ୍ତରରୁ ଆରମ୍ଭ କରି ଜିଲ୍ଲା ପ୍ରଶାସନର ଅଧିକାରୀମାନେ ଏନେଇ ବିଭିନ୍ନ ପ୍ରକାର ପଦକ୍ଷେପ ନିଆଯାଉଥିବା ଦେଖାଯାଇଛି ।
ମୁଖ୍ୟତଃ ପ୍ରବାସୀ ଶ୍ରମିକ ମାନେ ଫେରିବା ପରେ ଗଞ୍ଜାମ ଜିଲ୍ଲାରେ ଏକ ସ୍ବତନ୍ତ୍ର ଡ୍ରାଇଭ୍ କରାଯାଇ ପ୍ରତ୍ୟେକ ପରିବାରର ଯେପରି ଅଧିକରୁ ଅଧିକ ବ୍ୟକ୍ତି ବିଶେଷ ମନରେଗା ଯୋଜନାରେ କାର୍ଯ୍ୟ କରିବେ ସେନେଇ ଜବ କାର୍ଡ ପ୍ରଦାନ କରାଯାଇଛି । ଚଳିତବର୍ଷ ଜିଲ୍ଲାରେ ମୋଟ ୨.୧୨ କୋଟି ଶ୍ରମ ଦିବସ କରିବାକୁ ଲକ୍ଷ୍ୟ ରଖାଯାଇଥିବା ବେଳେ ସେଥିରୁ ଅଦ୍ୟାବଧି ୪୨ ପ୍ରତିଶତ ପୂରଣ କରାଯାଇଥିବା କହିଛନ୍ତି ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ପ୍ରକଳ୍ପ ନିର୍ଦେଶକ ଗଞ୍ଜାମ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ର ପ୍ରକଳ୍ପ ନିର୍ଦ୍ଦେଶକ,କୋରୋନା ଯୋଗୁଁ ଜୀବିକା ହରାଇଥିବା ପ୍ରବାସୀ ଓଡ଼ିଆମାନେ ମନରେଗା ଯୋଜନାରେ କାମ ପାଇ ରୋଜଗାରକ୍ଷମ ହୋଇଥିବା ଯୋଗୁଁ ଜିଲ୍ଲା ପ୍ରଶାସନକୁ ଧନ୍ୟବାଦ ଦେଇଛନ୍ତି । ( ଶେଷଦେବ ସାହୁ / ଗଞ୍ଜାମ ଜିଲ୍ଲା ବ୍ୟୁରୋ )
