ଓଡ଼ିଶା ତାଜା ନ୍ୟୁଜ (୨୭ ସେପ୍ଟେମ୍ବର,ରବିବାର) ବରଗଡ଼ :- ରାଜ୍ୟ ସରକାର ଜନ୍ମରୁ ମୃତ୍ୟୁ ପର୍ଯ୍ୟନ୍ତ ଅନେକ ଯୋଜନା କରିଥିଲେ ମଧ୍ୟ ଏହାର ସଫଳ ଋପାୟନ ସରକାରୀ ବାବୁ ମାନଙ୍କ ଦ୍ବାରା ହୋଇ ପାରୁନଥିବାରୁ ସାଧାରଣ ମନୁଷ୍ୟ ଭଲ ଭାବେ ବଞ୍ଚିବା ପାଇଁ ରାହା ଖୋଜୁଛି । ସୂଚନା ମତେ ବରଗଡ଼ ଜିଲ୍ଲା ଆମ୍ବାଭୋନା ବ୍ଲକ ମହକୁମା ରେ ଗଣେଶ ପଟେଲ ନାମକ ୯୦ ବର୍ଷ ବୟସର ବୃଦ୍ଧ ଙ୍କ ମାଟି ଛପର ଘର ଗତ ଲଗାଣ ବର୍ଷା ରେ ଭାଙ୍ଗି ଯାଇଥିଲା । ସେଇ ଦିନ ପରଠାରୁ ସେ ନିକଟସ୍ଥ ବସଷ୍ଟାଣ୍ଡ ଯାତ୍ରୀ ପ୍ରତୀକ୍ଷାଳୟରେ ଆଶ୍ରୟ ନେଇଛନ୍ତି । ସେ ସମୟରେ ଏହି ବ୍ଲକ୍ ଅଞ୍ଚଳରେ ବନ୍ୟା ର ଭୟାବହତା ଯୋଗୁଁ ତାଙ୍କ ପ୍ରତି ସରକାରୀ ବାବୁ ଦୃଷ୍ଟି ପଡି ପାରି ନଥିଲା ।
ପରବର୍ତ୍ତୀ ସମୟରେ ସ୍ଥାନୀୟ କେତେକ ସ୍ବେଚ୍ଛାସେବୀ ମାନେ ବିପଦ ସ°କୁଳ ଅବସ୍ଥା ରେ ଥିବା ଯାତ୍ରୀ ପ୍ରତୀକ୍ଷାଳୟରେ ମୁମୁର୍ଷ ଅବସ୍ଥା ରେ ବୃଦ୍ଧ ଙ୍କୁ ଦେଖି ଖାଦ୍ୟପେୟ ଯୋଗାଇ ଦେବା ସହ ଏ ସମ୍ପର୍କରେ ସ୍ଥାନୀୟ ସରକାରୀ ଅଧିକାରୀ ଙ୍କୁ ଜଣାଇଥିଲେ । ତେବେ ଏହାର କୈାଣସି ପ୍ରତିକାର ନ ହେବାରୁ ଟ୍ବିଟର ମାଧ୍ୟମରେ ରାଜ୍ୟ ସରକାର ଙ୍କ ବରିଷ୍ଠ ଅଧିକାରୀ ତଥା ଏସ ଆର ସି ପ୍ରଦୀପ ଜେନା ଙ୍କୁ ଜଣାଇଥିଲେ । ସେ ସଙ୍ଗେ ସଙ୍ଗେ ଜିଲ୍ଲାପାଳ ଙ୍କୁ ଏଥିପ୍ରତି ଦୃଷ୍ଟି ଦେବାକୁ ନିର୍ଦ୍ଦେଶ ଦେଇଥିଲେ । ବରଗଡ଼ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଅମ୍ବାଭୋନା ବ୍ଳକ ଉନ୍ନୟନ ଅଧିକାରୀ ବୃଦ୍ଧ ଗଣେଶଙ୍କ ପାଖକୁ
ଆସି ହିମରିକା ବ୍ୟବସ୍ଥା ସ୍ଵରୁପ ପୋଲିଥିନ,ଓ ଶୁଖିଲା ଖାଦ୍ୟ ପଦାର୍ଥ ଯୋଗଇଥିଲେ । ହେଲେ ଏ ପରିଣତି ବୟସରେ ସେ ସେ ଏକା ପୋଲିଥିନ ଟାଣିବେ କିପରି, ଘରେ ରହିବେ କିପରି ? ଆଜି ମଧ୍ୟ ସେ ସେହି ବସଷ୍ଟାଣ୍ଡ ଯାତ୍ରୀ ପ୍ରତୀକ୍ଷାଳୟରେ ଆଶ୍ରୟ ନେଇଛନ୍ତି। ସରକାରୀ ବାବୁଙ୍କୁ ଅପେକ୍ଷା କରିଛନ୍ତି। ନିରାଶ୍ରୟ ଗଣେଶ ଙ୍କୁ ଆଶ୍ରୟ ମିଳି ପାରିବ ତ ? ସ୍ଥାନୀୟ ବାସିନ୍ଦାଙ୍କ ମଧ୍ୟରେ ପ୍ରଶ୍ନବାଚୀ ସୃଷ୍ଟି ହୋଇଛି । ( ସତ୍ୟ ନାରାୟଣ ପ୍ରଧାନ, ବରଗଡ଼)
