ଓଡ଼ିଶା ତାଜା ନ୍ୟୁଜ (୨୭ ସେପ୍ଟେମ୍ବର,ରବିବାର) କଳାହାଣ୍ଡି :- ଲାଞ୍ଜିଗଡ ବ୍ଲକ, କମର୍ଦ୍ଧା ପଞ୍ଚାୟତ ଅନ୍ତର୍ଗତ ମୁଣ୍ଡାଗାଁ ଠାରେ ନେହେରୁ ଯୁବ କେନ୍ଦ୍ର କଳାହାଣ୍ଡି ଓ ଡ଼କ୍ଟର ଭୀମ ରାଓ ଆମ୍ବେଦକର କ୍ଳବ ଏବଂ ରାଧା କୃଷ୍ଣ ଯୁବକ ସଂଘର ମିଳିତ ସହଯୋଗରେ ହିନ୍ଦୀ ସପ୍ତାହ ପାଳନ କରାଯାଇଛି । ଏଥିରେ କମର୍ଦ୍ଧl ଗ୍ରାମ ପଞ୍ଚାୟତ ସରପଞ୍ଚ ଶ୍ରୀମତୀ କାନ୍ତି ପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଡ଼କ୍ଟର ଭୀମ ରାଓ ଆମ୍ବେଦକର କ୍ଳବର ସଭାପତି ବିଭୁତି ଭୂଷଣ ତାଣ୍ଡି ଓ ରାଧା କୃଷ୍ଣ ଯୁବକ ସଙ୍ଘର ସଭାପତି ତଥା କମର୍ଦ୍ଧl ପଞ୍ଚାୟତ ବିଜେଡି ଯୁବ ସଭାପତି ନିମନ୍ତ୍ରିତ ଅତିଥିଭାବେ ଯୋଗ ଦେଇଥିଲେ । କାର୍ଯ୍ୟକ୍ରମ ଟିକୁ ରାଷ୍ଟ୍ରୀୟ ଯୁବ ସ୍ବେଛାସେବୀ ଲାଞ୍ଜିଗଡ ଶ୍ରୀଯୁକ୍ତ ସାମନ୍ତ ମାଝୀ ପରିଚାଳନା କରିଥିଲେ । ହିନ୍ଦୀ ଆମର ରାଷ୍ଟ୍ର ଭାଷା ହୋଇଥିବlରୁ ସମସ୍ତ ଭାରତୀୟ ନାଗରିକ ହିନ୍ଦୀ ଜାଣିବା ନିତାନ୍ତ ଆବଶ୍ୟକ ଏବଂ ହିନ୍ଦୀ ଭାଷାର ବିଶ୍ୱ ବ୍ୟାପି ପ୍ରଚାର ପ୍ରସାର କରିବା ସମସ୍ତ ଭାରତୀୟ ନାଗରିକଙ୍କର କର୍ତ୍ତବ୍ୟ ବୋଲି ଡ଼କ୍ଟର ଭୀମ ରାଓ ଆମ୍ବେଦକର କ୍ଳବର ସଭାପତି ଶ୍ରୀଯୁକ୍ତ ବିଭୁତି ଭୂଷଣ ତାଣ୍ଡି ତାଙ୍କ ଉଦବୋଧନରେ ପ୍ରକାଶ କରିଥିଲେ ।
ହିନ୍ଦୀ ଭାଷା ମାଧ୍ୟମରେ ରାଷ୍ଟ୍ରୀୟ ଏକତା ଓ ଅଖଣ୍ଡତା ବଜାୟ ରହିବା ସହିତ ରାଷ୍ଟ୍ରୀୟ ଭାତୃଭାଵ ଦୃଢ଼ ହେବ ବୋଲି ସେ ଦୃଢ଼ତାର ସହ ପ୍ରକାଶ କରିଥିଲେ । ଏହି ଅବସରରେ ହିନ୍ଦୀ ଭାଷା ବିନା ଆମେ ଅନ୍ୟ ରାଜ୍ୟରେ ନିଜର ଭାବ ପ୍ରକାଶ କରିବାରେ ସକ୍ଷମ ହେବା ନାହିଁ, ତେଣୁ ହିନ୍ଦୀ ଭାଷା ଜାଣିବା ଅତ୍ୟନ୍ତ ଜରୁରୀ ବୋଲି ସରପଞ୍ଚ ଶ୍ରୀମତୀ କାନ୍ତି ପାତ୍ର କହିଥିଲେ । ରାଷ୍ଟ୍ରୀୟ ଯୁବ ସ୍ବେଛାସେବୀ ଶ୍ରୀଯୁକ୍ତ ସାମନ୍ତ ମାଝୀ ହିନ୍ଦୀ ଭାଷାର ପ୍ରଚାର ପ୍ରସାର ଉପରେ ଗୁରୁତ୍ୱ ଦେଇଥିଲେ । ଏହି ଅବସରରେ ‘ହିନ୍ଦୀ ସପ୍ତାହ ‘ଉପରେ ଏକ ବକ୍ତୃତା ପ୍ରତିଯୋଗିତା ଅନୁଷ୍ଠିତ କରାଯାଇ କୃତି ପ୍ରତିଯୋଗୀ ମାନଙ୍କୁ ମାନପତ୍ର ପ୍ରଦାନ କରାଯାଇଥିଲା । ଏଥିରେ ବିଭୁତି ଭୂଷଣ ତାଣ୍ଡି ପ୍ରଥମ ସାହିଲ ତାଣ୍ଡି ଦ୍ୱିତୀୟ ରାଧେଶ୍ୟାମ ଭୋଇ ତୃତୀୟ ସ୍ଥାନ ଅଧିକାର କରିଥିଲେ । ଏହି କାର୍ଯ୍ୟକ୍ରମରେ ୩୦ ଜଣ ଯୁବକ ଭାଇ ମାନେ ଭାଗ ନେଇଥିଲେ । ଶେଷରେ ସରପଞ୍ଚ ସମସ୍ତଙ୍କୁ ଧନ୍ୟବାଦ ଦେଇ କାର୍ଯ୍ୟକ୍ରମ ସମାପ୍ତ କରାଯାଇଥିଲା । (ରିପୋର୍ଟ ପ୍ରଦୀପ କୁମାର ଗଉଡ)
