ଓଡ଼ିଶା ତାଜା ନ୍ୟୁଜ (୨୭ ସେପ୍ଟେମ୍ବର,ରବିବାର) ବରଗଡ଼ :- ଆଜି ବରଗଡ଼ ଜିଲ୍ଲା ସଦର ମହକୁମା ସ୍ଥିତ ରକ୍ତଭଣ୍ଡାର ଠାରେ ସ୍ବେଚ୍ଛାସେବୀ ଅନୁଷ୍ଠାନ ନିଷ୍ଠା ପକ୍ଷରୁ ରକ୍ତଦାନ ଶିବିର ଆୟୋଜିତ ହୋଇଥିଲା । ଶିବିର କୁ ଡାକ୍ତର ସୁସ୍ମିତା ଦାଶ ଉଦଘାଟନ କରି ରକ୍ତଦାତା ଙ୍କୁ ଉତ୍ସାହିତ କରିଥିଲେ । କରୋନା ମହାମାରୀ ସମୟରେ ରୋଗୀଙ୍କ ରକ୍ତ ଆବଶ୍ୟକତାକୁ ଦୃଷ୍ଟିରେ ରଖି ନିଷ୍ଠା ପକ୍ଷରୁ ଏହି ଅଭିଯାନ ଜାରି ରହିଛି । ଶିବିର ରୁ ୨୨ ୟୁନିଟ ରକ୍ତ ସଂଗ୍ରହ କରାଯାଇଥିଲା ।
ରକ୍ତ ଭଣ୍ଡାର କୁ ସେନିଟାଇଜ କରାଯିବା ପରେ ଏହି କାର୍ଯ୍ୟକ୍ରମ ଆରମ୍ଭ କରାଯାଇଥିଲା । ଏଥିରେ ଅକ୍ସି ମିଟର ମଧ ବ୍ୟବହାର କରାଯାଇଥିଲା । ଶିବିର କୁ ଅନୁଷ୍ଠାନ ର ସମ୍ପାଦକ ଅଶ୍ବିନୀ ତ୍ରିପାଠୀ ଓ ଅନ୍ୟ ସ୍ବେଚ୍ଛାସେବୀ ମାନେ ପରିଚାଳନା କରିଥିଲେ । ରକ୍ତ ଭଣ୍ଡାର କର୍ମଚାରୀ ତଥା ସହଯୋଗୀ ମାନେ ରକ୍ତ ସଂଗ୍ରହ କରିଥିଲେ । ( ସତ୍ୟ ନାରାୟଣ ପ୍ରଧାନ ବରଗଡ଼)
