ଖବରଦାତାଙ୍କୁ ମାଡ ମାରି ପୂର୍ବତନ ସରପଞ୍ଚଙ୍କ ପୁଅ – ବୁଲୁ ପଣ୍ଡା ଗିରଫ
ରଣପୁର (ଓଡ଼ିଶା ତାଜା ନ୍ୟୂଜ୍) (ନିପ୍ର) :- ରଣପୁରର କାର୍ଯ୍ୟରତ ଖବରଦାତା ଙ୍କୁ ମାଡମାରି ପୂର୍ବତନ ସରପଞ୍ଚ ଙ୍କ ପୁଅ ଗିରଫ ହୋଇ କୋର୍ଟ ଚାଲାଣ ହୋଇଥିବା ଜଣାପଡିଛି । ଅଭିଯୋଗ ଅନୁସାରେ ରଣପୁର ଅଞ୍ଚଳର ଇଲୋଟ୍ରୋନିକ୍ସ ମିଡ଼ିଆର ଖବରଦାତା ମଧୁସୁଦନ ପରିଡା ଓ ବଳଭଦ୍ରପୁର ପଞ୍ଚାୟତର ପୂର୍ବତନ ସରପଞ୍ଚଙ୍କ ପୁଅ ବୁଲୁ ପଣ୍ଡା ମଧ୍ୟରେ ପୂର୍ବର କିଛି କାରଣ ପାଇଁ ଶତ୍ରୁତାଥିଲା ।
ତେବେ ଏନେଇ ଚଳିତ ମାର୍ଚ୍ଚ ୨୧ ତାରିଖରେ ସନ୍ଧ୍ୟାରେ ବୁଲୁପଣ୍ଡା ଓ ଖବରଦାତା ଙ୍କ ମଧ୍ୟରେ ବଚସା ହୋଇଥିଲା ପରେ କିଛି ସମୟପରେ ବୁଲୁ ପଣ୍ଡା ଓ ତାର ସାନ ଭାଇ ଏକତ୍ରିତ ହୋଇ ସାମ୍ବାଦିକ ମଧୁସୂଦନଙ୍କୁ ଏକୁଟିଆ ପାଇଁ ମାଡ଼ ମାରି ଘଟଣା ସ୍ଥଳରୁ ଚମ୍ପଟ ମାରିଥିଲେ । ପରେ କିଛି ସମୟ ପରେ ସ୍ଥାନୀୟ ଲୋକ ଖବରଦାତାଙ୍କୁ ଉଦ୍ଧାର କରି ରଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଆଣିଥିଲେ ।
ସେଠାରେ ଚିକିତ୍ସା ପରେ ଖବରଦାତା ମଧୁସୁଦନ ରଣପୁର ଥାନାରେ ଲିଖତ ଅଭିଯୋଗ କରିଥିଲେ । ପୋଲିସ ଏନେଇ ରଣପୁର ଥାନା କେଶ ନମ୍ବର ୮୦/୨୬ରେ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ବେଳେ ଅଭିଯୁକ୍ତ ବୁଲୁ ପଣ୍ଡା ଓ ତାର ଭାଇ ଫେରାର ହୋଇଯାଇଥିଲେ ତେବେ ବିଶେଷ ସୂତ୍ରରୁ ଖବର ପାଇଁ ରଣପୁର ପୋଲିସ ରବିବାର ବୁଲୁ ପଣ୍ଡାଙ୍କୁ ତାଙ୍କ ଗ୍ରାମ ବଳଭଦ୍ରପୁରର ନିଜ ଫାର୍ମ ହାଉସ ରୁ ଗିରଫ କରି ସୋମବାର କୋର୍ଟ ଚାଲାଣ କରିଛନ୍ତି l ତେବେ ତାର ଜାମିନ ନାମଞ୍ଜୁର ହେବାରୁ ଜେଲ ହାଜତ କୁ ପଠେଇ ଦିଆଯାଇଛି ।
