ଓଡ଼ିଶା ତାଜା ନ୍ୟୁଜ (୨୫ ସେପ୍ଟେମ୍ବର ,ଶୁକ୍ରବାର ) ଦିଗପହଣ୍ଡି :- ଦିଗପହଣ୍ଡି ଥାନା ସୁମନ୍ତପୁର ଗାଁର ପ୍ରଫୁଲ୍ଲ ଚନ୍ଦ୍ର ପ୍ରଧାନ ଙ୍କୁ ତାଙ୍କ ଗାଁ ର ଜେ. ଗୁରୁ ନାଥ ପାତ୍ର ଲୁହା କାତୁଆ ଦ୍ଵାରା ଆକ୍ରମଣ କରିଥିବା ଅଭିଯୋଗ ହୋଇଛି । ପ୍ରଫୁଲ୍ଲ ଙ୍କ ଏତଲା କୁ ଭିତ୍ତିକରି ଥାନା ମାମଲା ନଂ.୨୧୩/୨୦ ଦଫା – ୨୯୪/୩୨୪/୩୪୧/୫୦୬ ଅନୁଯାୟୀ ଅଭିଯୁକ୍ତଙ୍କ ବିରୋଧରେ ମକଦ୍ଦମା ରୁଜୁ କରାଯାଇଛି । ଗିରଫ ଭୟରେ ଅଭିଯୁକ୍ତ ଗୁରୁ ନାଥ ଗାଁ ରୁ ଫେରାର ଥିବା ଜଣାପଡିଛି ।
ଗତ ବୁଧବାର ରାତିରେ ପ୍ରଫୁଲ୍ଲ ଗାଁର ପୋଖରୀ ଚାନ୍ଦିନୀ ରେ ବସିଥିବା ବେଳେ ଅଭିଯୁକ୍ତ ଜଣକ ସେଠାରେ ପହଞ୍ଚି ତାଙ୍କ ଚାଷଜମି ରୁ ପାଣି କାହିଁକି ନେଲୁ କହି ଗାଳି କରିଥିଲେ । ପ୍ରତିବାଦ କରିବାରୁ ସେ ତାଙ୍କ ମୁହଁ କୁ ଏକ ଲୁହା କାତୁଆ ରେ ଅତର୍କିତ ଭାବେ ଚୋଟ ପକାଇଥିଲେ । କାତୁଆ ଚୋଟ ରେ ପ୍ରଫୁଲ୍ଲ ଙ୍କ ଆଖି ପତା ରେ ଗଭୀର ଆଘାତ ଲାଗିଥିଲା ବୋଲି ଏତଲା ରେ ଉଲ୍ଲେଖ ରହିଛି । ଚିକିତ୍ସା ପରେ ଗୁରୁବାର ପ୍ରଫୁଲ୍ଲ ଦିଗପହଣ୍ଡି ଥାନାରେ ଏତଲା ଦେଇଥିବା କହିଛନ୍ତି । ( ଶେଷଦେବ ସାହୁ / ଗଞ୍ଜାମ ଜିଲ୍ଲା ବ୍ୟୁରୋ )
