ଓଡ଼ିଶା ତାଜା ନ୍ୟୁଜ (୨୫ ସେପ୍ଟେମ୍ବର ,ଶୁକ୍ରବାର ) ବରଗଡ଼ :- ବରଗଡ଼ ଜିଲ୍ଲାରେ ଧାନ ଚାଷ ଆରମ୍ଭ ରୁ ଫସଲ ରେ ନାନାପ୍ରକାର ରୋଗ ପୋକର ଦାଉ ଚାଷୀ ଙ୍କୁ ଅତିଷ୍ଠ କରି ପକାଇଛି । ଜିଲ୍ଲା ର ବିଭିନ୍ନ ବ୍ଲକ ଅଞ୍ଚଳରେ ଏହି ରୋଗ ପୋକ ଲିଗି ଥିବା ଚାଷୀ ମାନେ ଅଭିଯୋଗ କରିଛନ୍ତି । ଏବେ ଆରମ୍ଭରୁ ଫସଲ ନଷ୍ଟ ହେବାକୁ ବସିଲାଣି । ଚାଷୀ ମାନେ ସ୍ଥିନୀୟ କୃଷି କ୍ଷେତ୍ର କର୍ମଚାରୀ ଙ୍କ ପରାମର୍ଶ କ୍ରମେ କୀଟ ନିଶା ସୀଞ୍ଚନ କରୁଥିଲେ ମଧ୍ୟ ରୋଗ ପୋକ ଦାଉରୁ ରକ୍ଷା ପାଇ ନାହାନ୍ତି । ଜିଲ୍ଲା ର ହୀରାକୁଦ ସେଚାଞ୍ଚଳ
ଅତାବିରା ବ୍ଳକ ଅନ୍ତର୍ଗତ ଲହଣ୍ଡି, ବରଗଡ଼ ବ୍ଲକ ଅନ୍ତର୍ଗତ କଲାପାଣି ଗ୍ରାମ ପଞ୍ଚାୟତ ଅଞ୍ଚଳରେ ଏହାର ପ୍ରାଦୁର୍ଭାବ ଅଧିକ ଥିବା କୃଷି ବିଭାଗ ପକ୍ଷରୁ କୁହାଯାଇଛି । ଚାଷୀଙ୍କ ଅଭିଯୋଗ ପରେ କୃଷି ବିଜ୍ଞାନ କେନ୍ଦ୍ର, ବରଗଡ଼ ର କୃଷି ବୈଜ୍ଞାନିକ ନୃସିଂହ ଚରଣ ବାରିକ୍, ଦୀପଙ୍କର ଜେନା, ସହକାରୀ କୃଷି ଅଧିକାରୀ ପ୍ରମୋଦିନୀ ପ୍ରଧାନ,ଗ୍ରାମ୍ୟ କୃଷି କର୍ମୀ ସବିତା ଆଚାର୍ଯ୍ୟ, ଓ ଅନ୍ୟ କୃଷି ଅଧିକାରୀ ମାନେ ଲହଣ୍ଡା ପଞ୍ଚାୟତ ର ପ୍ରଭାବିତ ଧାନ ଫସଲ ପରିଦର୍ଶନ କରିଥିଲେ । ପରେ ଉପସ୍ଥିତ ଚାଷୀ ମାନଙ୍କୁ ଏହାର ପ୍ରତିକାର ପାଇଁ ଉପଯୁକ୍ତ ପରାମର୍ଶ ଦେଇଥିଲେ ।
