ବିଜେପି, ଆରମ୍ଭ ହେଲାଣି କସରତ, ରାଜ୍ୟ କାର୍ଯ୍ୟାଳୟରେ କୋର୍ କମିଟି ବୈଠକ

ପ୍ରଭାରୀ, କେନ୍ଦ୍ରମନ୍ତ୍ରୀ, ମୁଖ୍ୟମନ୍ତ୍ରୀଙ୍କ ସହ ରାଜ୍ୟ ନେତୃତ୍ବ ସାମିଲ

ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ଓଡ଼ିଶାରୁ ରାଜ୍ୟସଭାକୁ କିଏ ଯିବେ । ବିଜେପି ରାଜ୍ୟ ନେତୃବୃନ୍ଦଙ୍କ ପକ୍ଷରୁ ଏ ନେଇ ଆରମ୍ଭ ହୋଇଛି କସରତ । ଆଜି ରାଜ୍ୟ କାର୍ଯ୍ୟାଳୟରେ ତୁଙ୍ଗ ନେତାଙ୍କ ଉପସ୍ଥିତିରେ ଏ ନେଇ ଆଲୋଚନା କରାଯାଇଛି । ରାଜ୍ୟ କାର୍ଯ୍ୟାଳୟରେ ଅନୁଷ୍ଠିତ ବୈଠକରେ ପ୍ରଭାରୀ ବିଜୟ ପାଲ ସିଂ ତୋମାର, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ,ଜୁଏଲ ଓରାମ,ରାଜ୍ୟ ସଭାପତି ମନମୋହନ ସାମଲ, ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଉପ ମୁଖ୍ୟମନ୍ତ୍ରୀ କେଭି ସିଂ ଦେଓ,

ସହ ପ୍ରଭାରୀ ଲତା ଉସେଣ୍ଡି ଓ ବରିଷ୍ଠ ନେତୃତ୍ୱ ଉପସ୍ଥିତ ରହି ଆଲୋଚନା କରିଥିଲେ l ଏପରିକି ଚତୁର୍ଥ ଆସନ ହାତେଇବା ଲାଗି ମଧ୍ୟ ଷ୍ଟ୍ରାଟେଜି ହୋଇଛି । ସେପଟେ ଶାସକ ଦଳକୁ ଝଟକା ଦେବାକୁ କଂଗ୍ରେସ ସହ ବିଜେଡି ହାତ ମିଳାଇବା ନେଇ ଚର୍ଚ୍ଚା ଜୋର୍ ଧରିଛି । ବିଜେପିରୁ କିଏ ଯିବ ରାଜ୍ୟସଭା। ଦିଲ୍ଲୀକୁ କାହା ନାଁ ପଠେଇବ ରାଜ୍ୟ ବିଜେପି। ସେନେଇ ଆଜି ରାଜ୍ୟ କାର୍ଯ୍ୟାଳୟରେ ଆରମ୍ଭ ହୋଇଥିଲା କସରତ। ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ଅଧ୍ୟକ୍ଷତାରେ ବୈଠକ ହୋଇଛି।

ରାଜ୍ୟସଭା ପାଇଁ ଅନେକ ନାଁ ଚର୍ଚ୍ଚାରେ ରହିଛି। ସଭାପତି ମନମୋହନ ସାମଲ, ପୂର୍ବତନ ସଭାପତି ସମୀର ମହାନ୍ତି, ବରିଷ୍ଠ ନେତା ଗୋଲକ ମହାପାତ୍ର, ସାରଦା ଶତପଥୀଙ୍କ ନାଁ ଚର୍ଚ୍ଚା ହେଉଛି। ମହିଳା ଚେହେରା ଭାବେ ପୂର୍ବତନ ସୁନ୍ଦରଗଡ଼ ବିଧାୟିକା କୁସୁମ ଟେଟେ, ବରିଷ୍ଠ ନେତ୍ରୀ ସୁକେଶୀ ଓରାମ, ମହିଳା ସଭାନେତ୍ରୀ ଐଶର୍ଯ୍ୟା ବିଶ୍ୱାଳଙ୍କ ନାଁ ବି ଚର୍ଚ୍ଚା ରେ ରହିଛି। ବିଶେଷ କରି ଚତୁର୍ଥ ଆସନ ପାଇଁ ଦଳ ସ୍ବତନ୍ତ୍ର ରଣନୀତି କରିଛି। ଚତୁର୍ଥ ଆସନକୁ ନେଇ ଏବେବି ସସପେନ୍ସ ଜାରି ରହିଛି ।

ଏହାରି ଭିତରେପ୍ରତିକ୍ରିୟା ରଖିଛନ୍ତିବିଜେପି ରାଜ୍ୟ ସଭାପତି ମନମୋହନ ସାମଲ । ମନମୋହନ କହିଛନ୍ତି, କୋର୍ କମିଟି ବୈଠକରେ ରାଜ୍ୟସଭା ପ୍ରାର୍ଥୀ ନେଇ ଆଲୋଚନା ହେବା ପରେ ସଂସଦୀୟ ବୋର୍ଡକୁ ପ୍ରାର୍ଥୀଙ୍କ ନାଁ ପଠା ଯିବ । ସମସ୍ତ ସଦସ୍ୟ ପ୍ରସ୍ତାବ ଦେଇଛନ୍ତି , ଯେଉଁ ନାଁ ସଂସଦୀୟ ବୋର୍ଡରୁ ଆସିବ ସେ ରାଜ୍ୟସଭା ପ୍ରାର୍ଥୀ ହେବେ.ବୋର୍ଡ ନିଗମ ଅଧ୍ୟକ୍ଷ ନେଇ ମଧ୍ୟ କୋର୍ କମିଟିରେ ଆଲୋଚନା ହୋଇଥିବା ଜଣାଯାଇଛି, ଏନେଇ ଇଙ୍ଗିତ ଦେଇଛନ୍ତି ମନମୋହନ ସାମଲ ।