ଚିଲିକା ଭାଷା ସୁରକ୍ଷା ମଞ୍ଚ ପକ୍ଷରୁ ବିଶ୍ଵ ମାତ୍ରୃଭାଷା ଦିବସ ପାଳିତ

ବାଲୁଗାଁ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ଚିଲିକା ଭାଷା ସୁରକ୍ଷା ମଞ୍ଚ ପକ୍ଷରୁ ବାଲୁଗାଁ ଗୋପୀନାଥପୁର ସ୍ଥିତ କାର୍ଯ୍ୟାଳୟ ପରିସରରେ ୨୭ ତମ ବିଶ୍ଵ ମାତ୍ରୃଭାଷା ଦିବସ ପାଳିତ ହୋଇଯାଇଛି। ମଞ୍ଚ ର ସଭାପତି କବି ରଙ୍ଗନାଥ ସେଠି ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ମୁଖ୍ୟ ଅତିଥି ଭାବେ ଖୋର୍ଦ୍ଧା ଜିଲ୍ଲା ଭାଷା ସୁରକ୍ଷା ମଞ୍ଚ ର ସଭାପତି ଐତିହାସିକ ସତ୍ୟବାଦୀ ବଳିୟାର ସିଂହ, ମୁଖ୍ୟ ବକ୍ତା ଭାବେ ଗବେଷକ ମଦନ ମୋହନ ମହାପାତ୍ର, ସମ୍ମାନିତ ବକ୍ତା ଭାବେ ସାହିତ୍ୟ ସିନ୍ଦୁରା ଓ ପରିଡ଼ା ପାଠାଗାର ର ପ୍ରତିଷ୍ଠାତା ଗୋଲକ ବିହାରୀ ପରିଡ଼ା,

ବାଣପୁର ବରିଷ୍ଠ ନାଗରିକ ମଞ୍ଚ ର ସଭାପତି ଡ଼ଃ ମିଶ୍ର ଯୋଗ ଦେଇ ମାତ୍ରୃଭାଷା ଓ ଓଡ଼ିଆ ଅସ୍ମିତା ଶୀର୍ଷକ ଆଲୋଚନାଚକ୍ର ରେ ସାରଗର୍ଭକ ବକ୍ତବ୍ୟ ପ୍ରଦାନ କରିବା ସହ ଓଡ଼ିଆ ଭାଷା କୁ ବଞ୍ଚାଇବା ସକାଶେ ସମ୍ପ୍ରତି ଡିଜିଟାଲ ପ୍ରଭାବ ରୁ ଦୂରେଇ ରହି ଓଡ଼ିଆ ଭାଷା ର ଶୁଦ୍ଧ ଲିଖନ,ପଠନ ଓ କଥନ ଉପରେ ନିରନ୍ତର ପ୍ରୟାସ ଜାରି ରଖିବାକୁ ଆହ୍ୱାନ ଦେଇଥିଲେ ।

ପ୍ରାରମ୍ଭରେ ବରିଷ୍ଠ କବି ତଥା ସପ୍ତଫେଣୀ ପତ୍ରିକା ର ସମ୍ପାଦକ ଗୋପୀନାଥ ମିଶ୍ର ଓ ଗୀତିକାର ଦିଗମ୍ବର ବିଶ୍ଵାଳ ଙ୍କ ମିଳିତ ସନ୍ ଯୋଜନା ରେ ବହୁ କବି ଓ କବୟତ୍ରୀ ସ୍ବରଚିତ କବିତା ଆଵ୍ରୃତ୍ତି କରିଥିଲେ l ଚିଲିକା ଭାଷା ସୁରକ୍ଷା ମଞ୍ଚ ର ସମ୍ପାଦକ ଆଇନଜୀବୀ ଶେଷଦେବ ମହାରଣା ପ୍ରାରମ୍ଭିକ ଅଭିଭାଷଣ ପ୍ରଦାନ କରିଥିବାବେଳେ ଧନ୍ୟବାଦ ପ୍ରଦାନ କରିଥିଲେ ।