କୋରାଇ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ଯାଜପୁର ଜିଲାର ଅଗ୍ରଣୀ ଶିକ୍ଷାନୁଷ୍ଠାନ ଭାବେ ପରିଚିତ କୋରାଇ ବ୍ଲକ ତଣ୍ଡରା ସ୍ଥିତ ‘ପ୍ରୟାସ ବିଦ୍ୟାମନ୍ଦିର’ର ୬ଷ୍ଠ, ୭ମ ଓ ୮ମ ଶ୍ରେଣୀ ପାଇଁ ଆଜି ପ୍ରବେଶିକା ପରୀକ୍ଷା ହୋଇଥିଲା । ଏଥିରେ ରାଜ୍ୟର ବାଲେଶ୍ଵର, ଭଦ୍ରକ,
କେନ୍ଦ୍ରାପଡା, ଜଗସିଂହପୁର, ଢେଙ୍କାନାଳ, ଅନୁଗୁଳ, କେନ୍ଦୁଝର ଓ ଯାଜପୁର ସମେତ ରାଜ୍ୟର ଅଧିକାଂଶ ଜିଲାରୁ ୧୩ଶହରୁ ଊର୍ଦ୍ଧ୍ୱ ପରୀକ୍ଷାର୍ଥୀ ଯୋଗଦେବା ଏକ ସର୍ବକାଳୀନ ରେକର୍ଡ ସୃଷ୍ଟି କରିଛି ।
ଯାଜପୁର ଜିଲାର ଅଗ୍ରଣୀ ଶିକ୍ଷାନୁଷ୍ଠାନ ଭାବେ ପରିଚିତ ପ୍ରୟାସ କ୍ଲାସେସ୍ ଡାକ୍ତରୀ ଛାତ୍ରଛାତ୍ରୀ ସୃଷ୍ଟିକରିବାରେ ରାଜ୍ୟର ଏକ ପ୍ରମୁଖ ‘ଶିକ୍ଷାହବ’ ପାଲୋଟିଛି । ଏଥିସହ ସିଏଚସି ଓ ସିବିଏସଇ ଏକାଦଶରେ ପଢିବାଲାଗି ଛାତ୍ରଛାତ୍ରୀଙ୍କ ପ୍ରଥମ ପସନ୍ଦ ପାଲୋଟିଥିବା ପ୍ରୟାସ ଏବେ ପ୍ରାଥମିକ ଶିକ୍ଷାରେ ପ୍ରମୁଖ ଭୂମିକା ଗ୍ରହଣ କରି ପ୍ରୟାସ ବିଦ୍ୟାମନ୍ଦିର ଭାବେ ୬ଷ୍ଠରୁ ଦ୍ଵାଦଶ ଶ୍ରେଣୀଯାଏ ଚାଲୁଛି ।
ଆଜି ୬ଷ୍ଠ ଶ୍ରେଣୀ ଲାଗି ପ୍ରବେଶିକା ପରୀକ୍ଷା ହୋଇଥିଲା ବେଳେ ଏଥି ସହିତ ୭ମ ଓ ୮ମ କ୍ଲାସର ବର୍ଦ୍ଧିତ ସିଟ୍ ଲାଗି ମଧ୍ୟ ପ୍ରବେଶିକା ପରୀକ୍ଷା ହୋଇଥିଲା । ବୌଦ୍ଧିକ ବିକାଶ ଓ ଗୁଣାତ୍ମକ ଶିକ୍ଷା ଦେବାଲାଗି ସର୍ବଦା ଉଦ୍ୟମ ରଖୁଥିବା ପ୍ରୟାସରେ ଆସନ୍ତା ଶିକ୍ଷାବର୍ଷ ଲାଗି ୬ଷ୍ଠ ସମେତ ୭ମ ଓ ୮ମ ଶ୍ରେଣୀ ପାଇଁ ନାମଲେଖା ନିମନ୍ତେ ପଞ୍ଜୀକୃତ ଅନୁଯାୟୀ ଆଜି ପ୍ରବେଶିକା ପରୀକ୍ଷା ହୋଇଥିଲା ।
ତଣ୍ଡରା ସ୍ଥିତ ପ୍ରୟାସ ବିଦ୍ୟାମନ୍ଦିର ପ୍ରବେଶିକା ପରୀକ୍ଷା କେନ୍ଦ୍ରରେ ୬ଷ୍ଠରେ ୫୨୭, ୭ମରେ ୩୪୩ ଓ ୮ମ ଲାଗି ୪୩୧କୁ ମିଶାଇ ରାଜ୍ୟର ବିଭିନ୍ନ ଜିଲାରୁ ମୋଟ ୧୩୦୧ ଜଣ ଛାତ୍ରଛାତ୍ରୀ ଆଜି ପ୍ରବେଶିକା ପରୀକ୍ଷା ଦେଇଛନ୍ତି । ଏହି ପ୍ରବେଶିକା ପରୀକ୍ଷାର ଫଳ ଆସନ୍ତା ୧୪ ତାରିଖ ଶନିବାର ବାହାରିବା ପରେ କୃତୀ ଛାତ୍ରଛାତ୍ରୀ ନାମ ଲେଖାଇ ପାରିବେ ବୋଲି ପ୍ରୟାସ ପକ୍ଷରୁ କୁହାଯାଇଛି ।
ସେମାନେ ଭବିଷ୍ୟତରେ ନିଟ୍, ଜେଇ ଓ ସିଭିଲ ସର୍ଭିସ ଭଳି ଶିକ୍ଷାଲାଭ କରିବାକୁ ଜୀବନରେ ରଖିଥିବା ଲକ୍ଷକୁ ଆଧାରକରି ଅଭିଜ୍ଞ ତଥା ଦକ୍ଷ ଶିକ୍ଷକ ମାନଙ୍କ ଦ୍ବାରା ଶିକ୍ଷାପ୍ରଦାନ କରାଯାଇ ଶତପ୍ରତିଶତ ସଫଳତା କରାଇବାର ପ୍ରୟାସ କରାଯିବ ବୋଲି ଅନୁଷ୍ଠାନର ଚେୟାରମ୍ୟାନ ନିହାର ରଞ୍ଜନ ଦାସ ସୂଚନା ଦେଇଛନ୍ତି ।
