ଗଜପତି (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ଗଜପତି ଜିଲ୍ଲା ରା.ଉଦୟଗିରି ବ୍ଳକ ସ୍ଥିତ କଲ୍ୟାଣୀ ମଣ୍ଡପ ଠାରେ ସମ୍ପୂର୍ଣ୍ଣତା ଅଭିଯାନ ର ଉଦଘାଟନ ସମାରୋହ ଅନୁଷ୍ଠିତ ହେଇଥିଲା । ଏଥିରେ ମୋହନାର ମାନ୍ୟବର ବିଧାୟକ ଶ୍ରୀ ଦାସରଥୀ ଗମାଙ୍ଗଙ୍କ ଉପସ୍ଥିତି ରେ ଅନୁଷ୍ଠିତ ହୋଇଯାଇଛି।
ଆକାଂକ୍ଷା ବ୍ଳକ କାର୍ଯ୍ୟକ୍ରମ ଅଧୀନରେ ଆରମ୍ଭ ହୋଇଥିବା ଉକ୍ତ ଅଭିଯାନ ୨୮ ଜାନୁଆରୀ ଠାରୁ ଆରମ୍ଭ ହୋଇ ଏପ୍ରିଲ ୧୪ ଯାଏଁ ଚାଲୁ ରହିବ । ନିତି ଆୟୋଗ ଦ୍ଵାରା ଚାଲୁଥିବା ଉକ୍ତ ଅଭିଯାନରେ ପୋଷଣ,
ଶିକ୍ଷା ଏବଂ ପଶୁ ସଂପଦ ବିଭାଗର ବିଭିନ୍ନ ସୂଚକାଙ୍କ ଗୁଡ଼ିକ ସମ୍ପୁର୍ଣ୍ଣ ଭାବେ କାର୍ଯ୍ୟକାରୀ କରିବା ଉକ୍ତ ଅଭିଯାନର ମୂଳ ଲକ୍ଷ୍ୟ l ଏହି ପରିପ୍ରେକ୍ଷୀରେ ମାନ୍ୟବର ବିଧାୟକ ଜାତି, ବର୍ଣ୍ଣ ଓ ଧର୍ମ ନିର୍ବିଶେଷରେ ସମସ୍ତେ ମିଳିମିଶି କାର୍ଯ୍ୟ କରିବା ପାଇଁ ଉଦବୋଧନ ଦେଇଥିଲେ । ବ୍ଳକ ଅଧ୍ୟକ୍ଷ ଲକ୍ଷ୍ମୀ ନାରାୟଣ ଶବର, ଗୋଷ୍ଠୀ ଉନ୍ନୟନ ଅଧିକାରୀ ଲରିମନ ଖର୍ସେଲ,
ତହସିଲଦାର ସ୍କୃତି ରଞ୍ଜନ ମହାପାତ୍ର, ସିଡ଼ିପିଓ ଲଳିତା ପୂଜାରୀ ଓ ଡାକ୍ତର ନମିତା ପଣ୍ଡା,ଯୋଜନା ବିଭାଗର ଉପ ନିର୍ଦ୍ଦେଶକ ପ୍ରକାଶ ଚନ୍ଦ୍ର ରାଉତ ଓ ଜିଲ୍ଲା ପରିଷଦର ଦେବେନ୍ଦ୍ର କର ପ୍ରମୁଖ ଏହି ଅବସରରେ ମଞ୍ଚାସୀନ ହୋଇ ସରକାର ଯୋଜନା ସମ୍ପର୍କରେ ଆଲୋକପାତ କରିଥିଲେ। ଉକ୍ତ ସମାରୋହରେ ସମସ୍ତ ବ୍ଳକ ସ୍ତରୀୟ ଅଧିକାରୀ ଉପସ୍ଥିତ ଥିଲେ ।
