ନୟାଗଡ଼ ଜିଲ୍ଲା କଂଗ୍ରେସ କମିଟିର ଉପସଭାପତି ହେଲେ ବାଳକୃଷ୍ଣ ଷଢଙ୍ଗୀ

ରଣପୁର/ନୟାଗଡ଼ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ନୟାଗଡ଼ ଜିଲ୍ଲା ରାଜନୈତିକ ପରିବେଶରେ ଏକ ଗୁରୁତ୍ୱପୂର୍ଣ୍ଣ ଘଟଣା ଘଟିଛି। ରଣପୁର ବ୍ଲକ୍ ଅନ୍ତର୍ଗତ ଗୋପାଳପୁର ଜୋନର ରାମଚନ୍ଦ୍ରପୁର ଶାସନରେ ଜନ୍ମିତ ଯୁବ କଂଗ୍ରେସ ନେତା ବାଳକୃଷ୍ଣ ଷଢଙ୍ଗୀଙ୍କୁ ନୟାଗଡ଼ ଜିଲ୍ଲା କଂଗ୍ରେସ କମିଟିର ଉପସଭାପତି ଭାବେ ନିଯୁକ୍ତ କରାଯାଇଛି। ଶ୍ରୀ ଷଢଙ୍ଗୀ ଦୀର୍ଘ ଦିନ ଧରି କଂଗ୍ରେସ ଦଳର ସକ୍ରିୟ କର୍ମୀ ଭାବେ ଜନସେବା ଓ ସଂଗଠନମୂଳକ କାର୍ଯ୍ୟରେ ନିରନ୍ତର ଭାବେ ଜଡିତ ରହିଆସୁଛନ୍ତି ।

ଗ୍ରାମ ଓ ବ୍ଲକ୍ ସ୍ତରରେ ଦଳକୁ ସୁଦୃଢ଼ କରିବା, ଯୁବକ ଓ କୃଷକମାନଙ୍କ ସମସ୍ୟା ଉପରେ ସ୍ୱର ଉଠାଇବା ସହ ଜନସାଧାରଣଙ୍କ ସହ ନିକଟ ସମ୍ପର୍କ ରଖିବାରେ ସେ ପରିଚିତ । ତାଙ୍କର ଏହି ନିଯୁକ୍ତିକୁ ନେଇ ରଣପୁର ଅଞ୍ଚଳ ସହ ଗୋପାଳପୁର ଜୋନର କଂଗ୍ରେସ କର୍ମୀ ଓ ସମର୍ଥକମାନଙ୍କ ମଧ୍ୟରେ ଖୁସିର ଲହରୀ ଦେଖାଦେଇଛି । ବହୁ କଂଗ୍ରେସ ନେତା ଓ କର୍ମୀ ଶ୍ରୀ ଷଢଙ୍ଗୀଙ୍କୁ ଶୁଭେଚ୍ଛା ଜଣାଇ ତାଙ୍କର ଏହି ନୂତନ ଦାୟିତ୍ୱ ଦଳକୁ ଆଗାମୀ ଦିନରେ ଆହୁରି ସଶକ୍ତ କରିବ ବୋଲି ଆଶା ବ୍ୟକ୍ତ କରିଛନ୍ତି ।

ଏହି ଅବସରରେ ବାଳକୃଷ୍ଣ ଷଢଙ୍ଗୀ କହିଛନ୍ତି ଯେ, “ଦଳ ମୋ ପ୍ରତି ଯେ ଭରସା ରଖିଛି, ସେଥିପାଇଁ ମୁଁ କୃତଜ୍ଞ । ଆଗାମୀ ଦିନରେ ଦଳର ନୀତି ଓ ଆଦର୍ଶକୁ ନେଇ ସାଧାରଣ ଲୋକଙ୍କ ମଧ୍ୟରେ ପହଞ୍ଚିବା ସହ ଜନସମସ୍ୟା ସମାଧାନ ପାଇଁ ସଂଗଠିତ ଭାବେ କାମ କରିବି ।” ତାଙ୍କର ଏହି ନିଯୁକ୍ତି ନୟାଗଡ଼ ଜିଲ୍ଲାରେ କଂଗ୍ରେସ ଦଳର ସଂଗଠନକୁ ଆହୁରି ଶକ୍ତିଶାଳୀ କରିବ ବୋଲି ରାଜନୈତିକ ମହଳରେ ଆଲୋଚନା ହେଉଛି ।